SunChild NGO

22/04/2026

🌿 «Արևորդի» ՀԿ-ն և մեր երկարամյա գործընկեր Ucom -ը սկսում են մի նոր, ռազմավարական նախաձեռնություն։ Ucom-ը հայտարարում է իր գլխամասային գրասենյակի ածխածնային հետքի համապարփակ գնահատման մասին՝ հիմնված ջերմոցային գազերի հաշվառման միջազգային ստանդարտի վրա (GHG Protocol)։

🌍 Կլիմայական փոփոխություններն ու բնական ռեսուրսների սպառումը ներկայի մարտահրավերներն են։ Որպես տեխնոլոգիական առաջատար՝ Ucom-ը ստանձնում է պատասխանատվություն՝ գնահատելու և նվազեցնելու իր ազդեցությունը շրջակա միջավայրի վրա։

📊 Ի՞նչ է իրականացվելու.

- Էներգիայի սպառման, տրանսպորտի և թափոնների արտանետումների հաշվարկ։
- Ածխածնային հետքի կրճատման հստակ ճանապարհային քարտեզի մշակում։
- Մշտադիտարկման և հաշվետվողականության մեխանիզմների ներդրում։

Հայաստանն այս տարի պատրաստվում է հյուրընկալել COP17-ը, և նման նախաձեռնությունները փաստում են, որ հայաստանյան բիզնեսը պատրաստ է ուրվագծել կայուն ապագայի ճանապարհը։

22/01/2026

🐦🤖 «ԱրԱվես» ՀԿ-ն բազմիցս անդրադարձել է ձմռան ընթացքում քաղաքային թռչունների կերակրման կարևորությանը։ ❄️ Այսօր ներկայացնենք կերամանի մի յուրահատուկ տարբերակ, որը համատեղում է բնության հանդեպ հոգատարությունն ու նորագույն տեխնոլոգիաները։ Ծանոթացե՛ք BirdBuddy-ի հետ՝ խելացի կերաման-տեսախցիկ, որը հագեցած է արհեստական բանականությամբ։

Այս տեսանյութում մեր գլխավոր հերոսը Մեծ երաժշտահավն է (Parus major), որը մեծ ակտիվությամբ օգտվում է Երևանի Սիրահարների այգում տեղադրված խելացի կերամանից: 🌳✨

Ինչո՞վ է այն բացառիկ.
- Արհեստական բանականությունն ակնթարթորեն նույնականացնում է հյուր եկած թռչնին։
- Հայաստանի 10 տարբեր դպրոցների աշակերտներն իրական ժամանակում հետևում են թռչունների վարքին և վարում գիտական օրագրեր։
- Այն թույլ է տալիս մեզ լինել բնությանը շատ մոտ՝ առանց թռչուններին վախեցնելու կամ անհանգստացնելու։ Հավաքագրված տեղեկատվությունն օգնում է հասկանալ քաղաքային թռչունների վարքագիծն ու սննդային նախասիրությունները:

🌟 Այս խելացի կերամանների գաղափարն իրականություն է դարձել «Արևորդի» ՀԿ-ի և Ucom-ի համագործակցության շնորհիվ՝ «Խելացի թռչնադիտարկում․ քաղաքային բնությունը՝ երիտասարդների աչքերով» ծրագրի շրջանակներում։

Եկե՛ք միասին հոգ տանենք մեր փոքրիկ հարևանների մասին՝ օգտագործելով լավագույն լուծումները։ 🧡

#ԱրԱվես #Արևորդի #ԽելացիԿերաման #ՄեծԵրաժշտահավ #Թռչնադիտարկում

23/12/2025

🐦 Թռչնադիտարկումը և արհեստական բանականությունը

🎉 Ուրախ ենք կիսվել մեր նոր ու շա՜տ հետաքրքիր կրթական նախաձեռնության մասին լուրերով։ «Արևորդի» ՀԿ-ն, Ucom-ի աջակցությամբ, գործարկում է «Խելացի թռչնադիտարկում․ քաղաքային բնությունը՝ երիտասարդների աչքերով» ծրագիրը:

Հայաստանի տարբեր դպրոցներում և համայնքներում տեղադրվել են 10 BirdBuddy խելացի կերաման-տեսախցիկներ։ Դպրոցականներն իրական ժամանակում դիտարկում են կերամաններից օգտվող թռչուններին և արհեստական բանականության օգնությամբ սովորում ճանաչել դրանց տեսակները։ Այս թվային գործիքների կիրառմամբ աշակերտներն ավելի ակտիվ են ներգրավվում կենսաբազմազանության պահպանության գործում։ Նախաձեռնության շնորհիվ հարյուրավոր երեխաներ, այդ թվում՝ Երևանի լսողության խանգարումներ ունեցող երեխաների հատուկ կրթահամալիրի աշակերտները, մասնակցում են ծրագրին։

Մեր փոքրիկ մասնակիցները ուսումնասիրում են, թե ինչպես են եղանակային պայմաններն ազդում թռչունների վարքի վրա, վարում գիտական օրագրեր և իրականացնում քարտեզագրումներ։

✅ Կարևոր է․ BirdBuddy համակարգը հավաքագրում է բացառապես թռչունների տվյալները, ապահովելով երեխաների գաղտնիությունն ու անվտանգությունը։ Մենք հավատում ենք, որ տեխնոլոգիաների և բնապահպանական կրթության այս համադրությունը նշանակալի դրական ազդեցություն կունենա մեր երիտասարդների զարգացման գործում։

#Արևորդի #ԽելացիԹռչնադիտարկում #Կրթություն #ՔաղաքայինԿենսաբազմազանություն #Երեխաներ #Բնապահպանություն

17/11/2025

🌞 Կեչուտում արդեն արևային էներգիա կարտադրվի 💚 «Արևորդի» ՀԿ-ի և Ucom-ի բազմամյա համագործակցությունը նոր «կանաչ արդյունք» է գրանցել։ Օրերս Ucom-ի աջակցությամբ, FPWC-ի գործընկերության շրջանակում, Վայոց ձորի Կեչուտ բնակավայրում տեղադրվել է 10 կՎտ դրվածքային հզորությամբ արևային կայան։

Կայանն ապահովելու է Կեչուտի վարչական շենքի և համայնքապետարանին պատկանող կից կառույցների էլեկտրաէներգիայի ծախսերը։ Նախնական հաշվարկով՝ համայնքը տարեկան կխնայի մոտ 800,000 ՀՀ դրամ, որն անմիջապես կուղղվի համայնքի զարգացման և ենթակառուցվածքների բարելավմանը։

Ծրագիրը խթանում է «կանաչ» էներգիայի օգտագործումը՝ ցույց տալով, որ բնապահպանական լուծումները նաև հզոր տնտեսական գործիք են։

🗣️ Այս նախագիծը մեր երկարաժամկետ համագործակցության մասն է։ Ucom-ի և «Արևորդի» ՀԿ-ի համատեղ ջանքերով արդեն տեղադրվել է 16 արևային կայան Հայաստանի տարբեր մարզերում՝ մանկապարտեզներում և համայնքային նշանակության շենքերում։

#Արևորդի #Կեչուտ #ԱրևայինԷներգիա #ԿանաչԷներգիա #ՀամայնքիԶարգացում #Էներգաարդյունավետություն

11/11/2025

Կյանքի կոչված էկո-գործընկերություն 🌳💚 Օրերս Ucom ընկերության աշխատակիցները կրկին միացան «Արևորդի» ՀԿ-ին և վերջինիս գործընկեր Վայրի բնության և մշակութային արժեքների պահպանման հիմնադրամին (FPWC)՝ այս անգամ մասնակցելով Ուրցաձորի Էկո-կրթական կենտրոնում կազմակերպված ծառատունկին։

🤝 Այս ծառատունկը տարվա սկզբից Ucom-ի աջակցությամբ մեկնարկած և մինչև տարեվերջ շարունակվող բնապահպանական նախաձեռնության մաս է, որի նպատակն է Հայաստանում տնկել շուրջ 10,000 ծառ՝ աջակցելով բնության վերականգնմանը և տեղական էկոհամակարգերի ամրապնդմանը։

🎙 «Երբ մարդն իր ձեռքով ծառ է տնկում, ձևավորվում է իրական կապ բնության հետ և պատասխանատվություն՝ միջավայրի հանդեպ։ Մենք շարունակելու ենք աջակցել այնպիսի ծրագրերին, որոնք նպաստում են Հայաստանի բնության պահպանությանը և էկոհամակարգերի վերականգնմանը», - նշել է Ucom ընկերության գլխավոր տնօրեն Ռալֆ Յիրիկյանը։

💪 «Ucom-ի հետ այս նախաձեռնությունը համատեղում է վերականգնման գործնական աշխատանքը մեր էկո-կրթական առաքելության հետ։ Մենք երախտապարտ ենք մեր գործընկերներին՝ Հայաստանի վայրի բնության համար ունեցած այս համակարգային ներդրման համար», - ասել է FPWC-ի տնօրեն Ռուբեն Խաչատրյանը։

Համատեղ աճեցնում ենք կանաչ ապագա 💚 Ucom

09/10/2025

We were delighted to host Ms. Astrid Schomaker, Executive Secretary of the UN Convention on Biological Diversity (CBD), at our stand today. 🤝 Ms. Schomaker showed great interest in the comprehensive work carried out by FPWC and our partners, including biodiversity conservation, human-wildlife conflict management, and educational programs. 💛

09/10/2025

Անչափ ուրախալի և սպասված լուր մեզ համար 🥰
---

Very happy and long-awaited news for us 🥰

We’re thrilled to welcome SunChild International Environmental Festival as a new Member of IUCN! 🥳

Established in 2006, SunChild NGO has been nurturing environmental awareness and inspiring behavioural change across Armenia and the wider region for nearly two decades through innovative approaches that combine education, art, film, and youth participation. Guided by the belief that conservation must reach beyond science and policy, SunChild places culture, storytelling, and community experience at the centre of its mission.

“Our decision to join IUCN comes from a conviction that conservation must be reimagined beyond traditional boundaries of policy and ecology,” says Sona Kalantaryan, Director of SunChild NGO. “We aim to bring fresh energy, narrative, and youth-led creativity into IUCN’s spaces, highlighting how local voices and storytelling can enrich global conservation strategies.”

We’re looking forward to collaborating with SunChild NGO and to seeing its creative, youth-focused approach enrich IUCN’s network and inspire communities across the region 🙌

Full news 👉 https://bit.ly/4gX15oc

| ArAves | Armenian Society for the Protection of Birds (ASPB)
| Foundation for the Preservation of Wildlife and Cultural Assets | Երևանի բուսաբանական այգի / Yerevan Botanical Garden | Երևանի քաղաքապետարան / Yerevan Municipality | Acopian Center for the Environment

29/08/2025

🌿✨ Շտապե՛ք գրանցվել տարվա ամենաանվանական բնապահպանական շքերթին
📅 Երբ․ սեպտեմբերի 28, Երևան
⏳ Վերջնաժամկետ՝ սեպտեմբերի 15
Մասնակից թիմերը պատրաստելու են 👇
♻️ Թափոններից (թուղթ, գործվածք, պլաստիկ, մետաղ և այլն) ստեղծված՝ վտանգված կենդանիների և բույսերի կերպարներ, հանդերձանքներ ու դիմակներ։
🎨 Կենսաբազմազանության մասին գունավոր ցուցանակներ՝ ինքնատիպ կարգախոսներով։
🚶‍♀️🚶‍♂️ Սեպտեմբերի 28-ին նրանք կհայտնվեն Երևանի կենտրոնական փողոցներում՝ յուրօրինակ կերպարներով, ստեղծարար գաղափարներով ու թիմային ոգով։
🌍 Գնահատվելու են․ ստեղծագործականությունը, թափոնների կիրառման հնարամտությունը, թիմի ներկայանալիությունը և կարգախոսի դիպուկությունը։
📌 Կարևոր․ Հայաստանի մարզերից մասնակիցների ճանապարհածախսը փոխհատուցվում է։
📞 Հարցերի դեպքում՝ +37498098311, +37410585884
📧 [email protected]
Մի՛ կորցրեք հնարավորությունը դառնալու բնապահպանական ամենավառ քայլերթի մասնակիցը 🌱💚
Ավելին իմանալու համար անցնել հղումով՝
https://sunchild.am/contents/newsPress/animal-carnival/206
Գրանցվելու համար՝ https://forms.gle/1zA87wLfbcWjoSyX6

21/08/2025

Արևային էներգիա՝ մշակույթի և լուսավոր ապագայի համար։ ☀️

Ucom-ը և Արևորդի ՀԿ-ն միավորել են իրենց ջանքերը՝ Եղեգնաձորի մշակույթի կենտրոնում տեղադրելով 15 կՎտ հզորությամբ արևային կայան։

Այս նախաձեռնության շնորհիվ կենտրոնն այլևս չի փակվի ձմռանը՝ ֆինանսական սղության պատճառով։ Այն կշարունակի գործել ողջ տարի՝ էապես կրճատելով էներգետիկ ծախսերը և ապահովելով երեխաների ու երիտասարդների ակտիվ ներգրավվածությունը համայնքի մշակութային կյանքում։ 🎨📚

«Մենք հավատում ենք, որ նման նախաձեռնությունները ոչ միայն նպաստում են շրջակա միջավայրի պահպանմանը, այլև երկարաժամկետ ներդրում են համայնքների սոցիալական ու մշակութային կենսունակության մեջ», - Արևորդի ՀԿ-ի տնօրեն Սոնա Քալանթարյան։

Այս նախագիծը Ucom-ի և Արևորդի ՀԿ-ի երեք տարվա համագործակցության արդյունք է, որի շրջանակում Հայաստանի տարբեր համայնքներում տեղադրվել է արդեն 14 արևային կայան։

Շնորհակալություն Ucom-ին՝ համայնքի զարգացմանն աջակցելու համար։

#ԱրևորդիՀԿ #ԱրևայինԷներգիա #Եղեգնաձոր #ԿայունԶարգացում #Բնապահպանություն #Հայաստան #Մշակույթ Ucom

31/07/2025

Մեկնարկում ենք «Խելացի թռչնադիտարկում» նորարարական ծրագիրը՝ Ucom-ի հետ համատեղ։ 🥳

Արևորդի ՀԿ-ն և Ucom-ը հպարտությամբ հայտարարում են «Խելացի թռչնադիտարկում. քաղաքային բնությունը՝ երիտասարդների աչքերով» նորարարական ծրագրի մեկնարկի մասին։ Այս նախագիծը միավորում է թվային տեխնոլոգիաները և բնապահպանական կրթությունը՝ հարստացնելով երիտասարդների կապը կենսաբազմազանության հետ։ 🐦📱

Ծրագրի շրջանակում դպրոցներում և համայնքային տարածքներում կտեղադրվեն արհեստական բանականությամբ աշխատող «Bird Buddy» խելացի կերամաններ։ Երբ թռչունը մոտենում է կերամանին, ներկառուցված տեսախցիկն ավտոմատ կերպով ակտիվանում է, լուսանկարում և տեսանկարահանում այն, ապա արհեստական բանականության ալգորիթմը վերլուծում է պատկերը և որոշում թռչունի տեսակը։ Այս նախագիծը հիանալի օրինակ է, թե ինչպես կարող են տեխնոլոգիական նորամուծությունները հարստացնել կրթական պրոցեսը։

Հետևե՛ք ծրագրի զարգացումներին և բացահայտե՛ք թռչունների զարմանահրաշ աշխարհը մեզ հետ։

#ԱրևորդիՀԿ #ԽելացիԹռչնադիտարկում #Կրթություն #Թռչուններ #Բնապահպանություն #Տեխնոլոգիա