12/06/2026
🌍 Պետությունները կատարու՞մ են տեղահանված հաշմանդամություն ունեցող անձանց իրավունքների պաշտպանության ու անվտանգության իրենց պարտավորությունները։
🇺🇳 Հունիսի 10-ին Նյու Յորքում՝ Հաշմանդամություն ունեցող անձանց իրավունքների մասին կոնվենցիայի մասնակից պետությունների համաժողովի շրջանակում, քննարկվեցին հաշմանդամություն ունեցող փախստականների իրավունքների հիմնահարցերը։
🎤 Քննարկմանը Մուշեղ Հովսեփյանը հանդես է եկել զեկույցով՝ ներկայացնելով զինված հակամարտությունների, զանգվածային տեղահանությունների և մարդասիրական ճգնաժամերի պայմաններում հաշմանդամություն ունեցող փախստականների և տեղահանված անձանց առջև ծառացած հիմնական մարտահրավերները։
📝 Ելույթում առանձնահատուկ ուշադրություն է դարձվել՝
🔹 տեղահանության ընթացքում իրավական ինքնության և հաշմանդամության կարգավիճակի ճանաչման խնդիրներին,
🔹 մարդասիրական օգնության թվայնացման արդյունքում առաջացող նոր խոչընդոտներին,
🔹 համայնքային ծառայությունների և մատչելի բնակարանների պակասի հետևանքով ինստիտուցիոնալացման ռիսկերին,
🔹 փախստականների կողմից ղեկավարվող կազմակերպությունների և հաշմանդամություն ունեցող անձանց կազմակերպությունների միջև համագործակցության անհրաժեշտությանը։
🤝 Միջոցառումը կազմակերպվել էր Քենիայի Հանրապետության մշտական ներկայացուցչության կողմից և համակազմակերպվել Հայաստանի (Permanent Mission of Armenia to the UN) և Ֆինլանդիայի մշտական ներկայացուցչությունների, Փախստականների միջազգային աջակցության ծրագրի (International Refugee Assistance Project), Հաշմանդամություն ունեցող փախստականների գլոբալ ցանցի (GNRD), Քենիայի հաշմանդամություն ունեցող անձանց միացյալ կազմակերպության և Հաշմանդամության եվրոպական ֆորումի կողմից։
