Հայկական համադպրոցական գիտության փառատոն

26/09/2026

🎉🎉Հայ աշակերտները հատուկ մրցանակի են արժանացել ԵՄ երիտասարդ գիտնականների մրցույթում

🇦🇲 🇪🇺 2026թ․ սեպտեմբերի 22-27-ը Գերմանիայի Քիլ քաղաքում ընթանում է «Եվրոպական միության երիտասարդ գիտնականների 37-րդ մրցույթ»-ը, որին ներկայացված է Հայկական համադպրոցական գիտության փառատոնի երկու մրցանակակիր նախագիծ։

♻Մրցույթի շրջանակում «Այբ կրթական հանգույց» հիմնադրամի սովորողներ Հայկ Ղազարյանը, Տիգրան Ավանյանը և Հովհաննես Մանուկյանն արժանացել են «Շրջանաձև կենսահումքային Եվրոպա» համատեղ ձեռնարկության հատուկ մրցանակի (CBE JU Prize)՝ կենսատնտեսության ոլորտում։

🌽Հայ աշակերտների ներկայացրած «Էյրիֆայ» (Airify) նախագիծը նվիրված է եգիպտացորենի կեղևի կենսազանգվածի հիմքով կենսաքայքայվող և ինքնամաքրվող օդային ֆիլտրի մշակմանը՝ TiO₂-ի և «կանաչ» սինթեզով ստացված արծաթի նանոմասնիկների կիրառմամբ։

🍃Մրցույթին ներկայացված մյուս հայաստանյան նախագիծը կոչվում է «Խելացի բիոպլաստիկ»։ Նախագծի հեղինակներն են Վանաձորի մաթեմատիկայի և բնագիտական առարկաների խորացված ուսուցմամբ հատուկ դպրոցի սովորողներ Գարիկ Փանիկյանը և Նարեկ Պապոյանը։

🌍 Եվրոպական միության երիտասարդ գիտնականների մրցույթը (EUCYS) կազմակերպվում է Եվրոպական հանձնաժողովի կողմից 1989 թվականից ի վեր՝ համարվելով Եվրոպայում աշակերտական գիտական նախագծերի ամենահեղինակավոր մրցույթը։ Այս տարի մրցույթը համակազմակերպվում է Քիլի համալսարանի հետ՝ միավորելով 14-ից 20 տարեկան շուրջ 150 տաղանդավոր երիտասարդ գիտնականների՝ մոտ 40 երկրներից՝ հնարավորություն տալով ներկայացնել իրենց գիտական ​​նախագծերը մասնագիտական ժյուրիին, լայն հանրությանը և իրենց հասակակիցներին՝ փոխանակելով գաղափարներով և սովորելով միմյանցից։

🌎 Հիշեցնենք, որ այս տարվա մայիսի 9-ից 15-ը ԱՄՆ Արիզոնա նահանգի Ֆինիքս քաղաքում տեղի ունեցած Regeneron ISEF 2026 միջազգային գիտական և ճարտարագիտական տոնավաճառի եզրափակիչ փուլում «Ֆիզիկա և աստղագիտություն» անվանակարգում 3-րդ կարգի մրցանակի է արժանացել Հայկական համադպրոցական գիտության փառատոնի ևս մեկ մասնակից՝ ՀԱՊՀ Երևանի ավագ դպրոցի 12-րդ դասարանի աշակերտ Ալբերտ Շահինյանը:

🎉🎉Շնորհավորում ենք փառատոնի սաներին և մաղթում նորանոր նվաճումներ և գիտական բացահայտումներ։

❗Եթե դուք նույնպես աշակերտ եք, ունեք հետաքրքիր գիտական գաղափարներ և ցանկանում եք կիսել այն ձեր դպրոցի, հանրապետության և աշխարհի երիտասարդ գիտնականների հետ, շտապեք հայտ ներկայացնել «Հայկական համադպրոցական գիտության փառատոն – 2027» մրցույթին, որի մրցանակակիրները ևս հնարավորություն կստանան ներկայացնելու իրենց հետազոտությունները ԱՄՆ և ԵՄ երիտասարդ գիտնականների մրցույթներին։

🏛Հայկական համադպրոցական գիտության փառատոնը մեկնարկել է ՀՀ կրթության, գիտության, մշակույթի և սպորտի նախարարություն նախաձեռնությամբ 2021 թվականին։ Այս տարի մարտի 28-ին ՀՀ Գիտությունների ազգային ակադեմիա / NAS of RA-յում կայացավ թվով 6-րդ փառատոնը, որին մասնակցեցին շուրջ 140 սովորողներ Երևանի և ՀՀ բոլոր մարզերի 40 հանրակրթական ուսումնական հաստատություններից՝ ներկայացնելով 78 անհատական կամ խմբային գիտահետազոտական նախագծեր։

https://www.hesc.am/hy/2026/09/26/19411/

11/09/2026

📣Հայկական համադպրոցական գիտության փառատոնի 2 մրցանակակիր նախագծեր կմասնակցեն 2026թ․ սեպտեմբերի 22-27-ը Գերմանիայի Քիլ քաղաքում կայանալիք «Եվրոպական միության երիտասարդ գիտնականների միջազգային մրցույթին։

🇪🇺 European Union Contest for Young Scientists (EUCYS)-ը կազմակերպվում է Եվրոպական հանձնաժողովի կողմից և համարվում է Եվրոպայում աշակերտական գիտական նախագծերի ամենահեղինակավոր մրցույթը։

👥Այս տարի այն համակազմակերպվում է Քիլի համալսարանի հետ համագործակցությամբ՝ միավորելով Կիլում 14-ից 20 տարեկան շուրջ 150 երիտասարդ գիտնականների՝ մոտ 40 երկրներից։ Մասնակիցները կներկայացնեն իրենց գիտական ​​նախագծերը մասնագիտական ժյուրիին, լայն հանրությանը և իրենց հասակակիցներին՝ փոխանակելով գաղափարներով և սովորելով միմյանցից։

🇦🇲Մրցույթին Հայաստանը կներկայացնեն․
⚗️«Այբ կրթական հանգույց» հիմնադրամի սովորողներ Հայկ Ղազարյանը, Տիգրան Ավանյանը և Հովհաննես Մանուկյանը՝ «Էյրիֆայ» նախագծով («Նյութագիտություն» անվանակարգ)

🍃Վանաձորի մաթեմատիկայի և բնագիտական առարկաների խորացված ուսուցմամբ հատուկ դպրոցի սովորողներ Գարիկ Փանիկյանը և Նարեկ Պապոյանը՝ «Խելացի բիոպլաստիկ» նախագծով («Շրջակա միջավայր» անվանակարգ)

📣 Two prize-winning projects from the Armenian School Science Festival will take part in the European Union Contest for Young Scientists (EUCYS), to be held in Kiel, Germany, on 22–27 September 2026.

🇪🇺 The European Union Contest for Young Scientists (EUCYS) is organised by the European Commission and is regarded as one of Europe’s most prestigious competitions for school-level scientific projects.

👥 This year, the competition is co-organised in cooperation with Kiel University and will bring together around 150 young scientists aged 14–20 from nearly 40 countries. Participants will present their scientific projects to a professional jury, the general public and their peers, while exchanging ideas and learning from one another.

🇦🇲 Armenia will be represented by:

⚗️ Hayk Ghazaryan, Tigran Avanyan and Hovhannes Manukyan, students of the Ayb Educational Foundation, with their project “Airify” in the Materials Science category.

🍃 Garik Panikyan and Narek Papoyan, students of the Vanadzor Special School with Advanced Study of Mathematics and Natural Sciences, with their project “Smart Bioplastic” in the Environment category.

10/09/2026

📢Ուշադրություն❗
📣 Մեկնարկել է «Հայկական համադպրոցական գիտության փառատոն – 2027» մրցույթի երկրորդ ընթացիկ փուլի հայտերի ընդունումը։
🗓 Ընթացիկ 2-րդ փուլի շրջանակում աշակերտները կարող են ներկայացնել իրենց հայտերը մինչև 2026 թվականի նոյեմբերի 1-ը։
🎯Ընթացիկ փուլի նպատակն է՝ ներկայացվող հետազոտական նախագծերի նախնական ուսումնասիրությունը, ինչպես նաև, անհրաժեշտության դեպքում, հետազոտությունը բարելավելու ուղղությամբ ժյուրիի կողմից աշակերտներին և ուսուցիչներին առաջարկությունների տրամադրումը։
❗️ Անհրաժեշտ է հիշել, որ 1-ին և 2-րդ ընթացիկ փուլերում ներկայացրած հայտերը վերջնական չեն․ Փառատոնի եզրափակիչ փուլին մասնակցելու համար աշակերտը պետք է assf-2027.hesc.am կայքի միջոցով լրամշակված Հայտն ուղարկի 2026 թվականի նոյեմբերի 10-ից 2026 թվականի դեկտեմբերի 30-ը։

Մանրամասները՝ https://www.hesc.am/hy/2026/09/09/19027/

11/06/2026

🧑‍🔬«Առավոտ լուսո» հաղորդման տաղավարում ԱՄՆ «Regeneron» ISEF 2026 միջազգային գիտական և ճարտարագիտական տոնավաճառի՝ «Ֆիզիկա և աստղագիտություն» անվանակարգում 3-րդ կարգի մրցանակակիր Ալբերտ Շահինյանը ներկայացնում է իր գիտական նախագծի մանրամասները և պատմում միջազգային հեղինակավոր մրցույթին մասնակցության տպավորությունների մասին։

⚗️Հայաստանի ազգային պոլիտեխնիկական համալսարանի Երևանի ավագ դպրոցի 12-րդ դասարանի սովորողի հետազոտությունը նվիրված է գլոբալ նշանակություն ունեցող խնդիրներից մեկին՝ ջրի սակավությանը, և նպատակ ունի բարձրացնել մթնոլորտային ջրի հավաքման (Atmospheric Water Harvesting – AWH) արդյունավետությունը՝ գրաֆենային նանոշերտերի կիրառմամբ

🎖️Հիշեցնենք, որ նա հնարավորություն էր ստացել մասնակցելու հեղինակավոր միջազգային մրցույթին` արժանանալով առաջին կարգի մրցանակի այս տարվա մարտի 28-ին ԿԳՄՍ նախարարության և ՀՀ ԳԱԱ կազմակերպած Հայկական համադպրոցական գիտության փառատոն 2026-ի (ASSF) եզրափակիչ փուլում։

📩Միջին և ավագ դասարանների բոլոր այն սովորողները, որոնք ևս ցանկություն ունեն իրականացնելու իրենց գիտական նախագծերը և ներկայացնելու դրանք գալիք «Հայկական համադպրոցական գիտության փառատոն – 2027» մրցույթին, կարող են առցանց հայտ ներկայացնել assf-2027.hesc.am հարթակի միջոցով։ Այնտեղ կարող եք ծանոթանալ նաև մրցույթի պայմաններին և պահանջներին, ինչպես նաև գնահատման ընթացակարգին և չափանիշներին։

Nyd de videoer og den musik, du holder af, upload originalt indhold, og del det hele med venner, familie og verden på YouTube.

10/06/2026

🔹ԿԳՄՍ նախարար Ժաննա Անդրեասյանը և ԳԱԱ նախագահ Աշոտ Սաղյանը հանդիպել են «Հայկական համադպրոցական գիտության փառատոն - 2026»-ի հաղթողներին և ժյուրիի անդամներին։
📌Հաղթող նախագծերի հեղինակներն ԱՄՆ Արիզոնա նահանգի Ֆինիքս քաղաքում մասնակցել են «Regeneron» ISEF 2026 միջազգային գիտական և ճարտարագիտական տոնավաճառին։ Հայաստանի ազգային պոլիտեխնիկական համալսարանի ավագ դպրոցի 12-րդ դասարանի սովորող Ալբերտ Շահինյանի ներկայացրած «Մթնոլորտային ջրային գոլորշու հարկադիր խտացում՝ օգտագործելով բազմաշերտ գրաֆենով պատված ծակոտկեն կերամիկական հիմքեր» նախագիծն արժանացել է է 3-րդ կարգի մրցանակի:
✅«Regeneron» ISEF 2026 միջազգային գիտական և ճարտարագիտական տոնավաճառը համարվում է աշակերտական գիտական նախագծերի ամենահեղինակավոր մրցույթներից մեկը։ Այս տարի մրցույթին ներկայացվել է 1383 նախագիծ՝ 1727 աշակերտի մասնակցությամբ՝ աշխարհի վեց տասնյակ երկրներից, այդ թվում՝ ԱՄՆ-ից, Ճապոնիայից, ԵՄ երկրներից։
🏅Հանդիպման ընթացքում մրցանակակիր նախագծի հեղինակ Ալբերտ Շահինյանը ՀՀ ԳԱԱ կողմից ստացավ նաև դրամաշնորհ՝ առաջիկայում Լոնդոնում անցկացվող Երիտասարդ գիտնականների միջազգային ֆորումին (LIYSF-2026) մասնակցելու նպատակով։
https://www.hesc.am/hy/2026/06/09/16985/

05/06/2026

#ամառայինդպրոց #ճամբար #ֆիզիկա #վերջնաժամկետ
Սիրելի՛ ուսանողներ և դպրոցականներ,
⌛❗️ՇՏԱՊԵՔ դիմել 7-րդ «Ֆիզիկան ու մենք» ամառային քառօրյա ճամբարին, որը նախատեսված է հանրակրթական ավագ դպրոցների/քոլեջների 2026-2027 ուս. տարվա 11-րդ և 12-րդ դասարանների աշակերտների, ինչպես նաև բարձրագույն ուսումնական հաստատությունների բակալավրիատի 2026-2027 ուս. տարվա 1-ին կուրսի ուսանողների համար, ովքեր հետաքրքրված են «Ֆիզիկա», «Ռադիոֆիզիկա», «Մաթեմատիկա», «Մեխանիկա», «Էլեկտրատեխնիկա» մասնագիտություններով։
Այս տարի ճամբարը կկրի «Փորձարարական ֆիզիկա՝ լաբորատորիայից դեպի առօրյա կիրառություններ» խորագիրը և տեղի կունենա օգոստոսի 11-14-ը ԵՊՀ Ծաղկաձորի ուսումնաարտադրական բազայում։
Ճամբարի ընթացքում նախատեսվում է լազերների և հեղուկ բյուրեղային էկրանների պատրաստում՝ ուսումնասիրելով դրանց կիրառությունները, ինչպես նաև կանդրադառնանք լույսի կիրառություններին առողջապահության ոլորտում։
Ճամբարին մասնակցելու համար անհրաժեշտ է մինչև ս․թ․ հունիսի 5-ը ներառյալ լրացնել հայտը հետևյալ հղումով https://forms.gle/xMwG91hr12DsBhB86, որից հետո յուրաքանչյուր դիմորդ իր էլ. փոստին կստանա հարցաշար՝ այն սահմանված ժամանակահատվածում լրացնելու համար։

Դե ի՞նչ։ Սպասում էի՞ք մեզ☺️

Սիրելի՛ ուսանողներ և դպրոցականներ,

Սիրով հրավիրում ենք ձեզ մասնակցելու 7-րդ «Ֆիզիկան ու մենք» ամառային քառօրյա ճամբարին, որը նախատեսված է հանրակրթական ավագ դպրոցների/քոլեջների 2026-2027 ուս. տարվա 11-րդ և 12-րդ դասարանների աշակերտների, ինչպես նաև բարձրագույն ուսումնական հաստատությունների բակալավրիատի 2026-2027 ուս. տարվա 1-ին կուրսի ուսանողների համար, ովքեր հետաքրքրված են «Ֆիզիկա», «Ռադիոֆիզիկա», «Մաթեմատիկա», «Մեխանիկա», «Էլեկտրատեխնիկա» մասնագիտություններով։

Այս տարի ճամբարը կկրի «Փորձարարական ֆիզիկա՝ լաբորատորիայից դեպի առօրյա կիրառություններ» խորագիրը և տեղի կունենա օգոստոսի 11-14-ը ԵՊՀ Ծաղկաձորի ուսումնաարտադրական բազայում։

Ճամբարի ընթացքում միասին կպատրաստենք լազերներ և հեղուկ բյուրեղային էկրաններ՝ ուսումնասիրելով դրանց կիրառությունները, ինչպես նաև կանդրադառնանք լույսի կիրառություններին առողջապահության ոլորտում։

Ճամբարին մասնակցելու համար անհրաժեշտ է մինչև ս․թ․ հունիսի 5-ը ներառյալ լրացնել հայտը հետևյալ հղումով https://forms.gle/xMwG91hr12DsBhB86, որից հետո յուրաքանչյուր դիմորդ իր էլ. փոստին կստանա հարցաշար՝ այն սահմանված ժամանակահատվածում լրացնելու համար։

Հարցաշարը կպարունակի հարցեր մաթեմատիկայից և ֆիզիկայից, մասնավորապես՝ օպտիկայից, էլեկտրականությունից, մագնիսականությունից, տատանումներից, անալոգային և թվային էլեկտրոնիկայից։ Լրացված հարցաշարերի արդյունքների հիման վրա հաջորդ փուլ անցած դիմորդները կմասնակցեն առցանց հարցազրույցի։ Ընտրված մասնակիցները ճամբարի ընթացքում մարզիչների օգնությամբ կաշխատեն օպտոէլեկտրոնիկայի տարբեր փորձերի վրա։

Ճամբարի շրջանակներում կրթական և արտադրական տարբեր հաստատություններից հրավիրված մասնագետները կներկայացնեն ոլորտի ձեռքբերումներն ու հիմնական ուղղությունները, իսկ ԵՊՀ ֆիզիկայի ինստիտուտի և ֆիզիկական հետազոտությունների ինստիտուտ ՊՈԱԿ-ի (ՖՀԻ) ներկայացուցիչները կանդրադառնան ԵՊՀ-ում և ՖՀԻ-ում գործող և ճամբարի հովանավոր հանդիսացող ուսանողական կազմակերպությունների գործունեությանը։

Հ․Գ․ Այս բացառիկ ճամբարի մասնակցության, ինչպես նաև Երևան-Ծաղկաձոր-Երևան երթուղով տրանսպորտի ծախսերն ամբողջությամբ կհոգա ճամբարը՝ իր հովանավորների շնորհիվ։

01/06/2026

#կրթաթոշակ #մրցույթ #ՕքսֆորդիՀամալսարան #իգիտություն

Ամբողջական ֆինանսավորմամբ կրթաթոշակ Օքսֆորդի համալսարանում՝ ապագայի միջազգային նորարարների համար․
Ellison Institute of Technology-ը (EIT) հայտարարում է 2027 թվականի Undergraduate Ellison Scholars Programme-ի հայտերի ընդունման մեկնարկը։

Ծրագիրը բացառիկ հնարավորություն է տալիս բարձր առաջադիմություն և նորարարական ներուժ ունեցող դիմորդներին ստանալու ամբողջական ֆինանսավորում Օքսֆորդի համալսարանում բակալավրիատում ուսանելու համար։

Ծրագրի շրջանակում կրթաթոշակառուները նաև ամառային արձակուրդների ընթացքում կմասնակցեն վճարվող ինտերնշիփների՝ աշխատելով գիտության և տեխնոլոգիաների միջոցով համաշխարհային կարևոր խնդիրների լուծմանն ուղղված նախագծերում։

Հայտերի վերջնաժամկետն է՝ 2026 թվականի հուլիսի 31-ը, ժամը 16:00՝ դիմորդի տեղական ժամանակով։

Երաշխավորագրերի ներկայացման վերջնաժամկետն է՝ 2026 թվականի օգոստոսի 10-ը, ժամը 16:00՝ Միացյալ Թագավորության ժամանակով։

Մանրամասները՝ https://www.hesc.am/hy/2026/06/01/16901/

15/05/2026

#հաղթանակ #ԱՄՆ #3րդՄրցանակ

🎊🎉Րոպեներ առաջ ԱՄՆ «Regeneron» ISEF-2026 միջազգային գիտական և ճարտարագիտական տոնավաճառի եզրափակիչ փուլում «Ֆիզիկա և աստղագիտություն» անվանակարգում 3-րդ կարգի մրցանակի է արժանացել Հայաստանի ազգային պոլիտեխնիկական համալսարանի Երևանի ավագ դպրոցի 12-րդ դասարանի աշակերտ Ալբերտ Շահինյանը:

🧑‍🔬👩🏽‍🔬Հայաստանյան մասնակցի արձանագրած արդյունքն առավել հատկանշական է` հաշվի առնելով, որ Regeneron ISEF-ը աշխարհի խոշորագույն, ամենահեղինակավոր և գերբարձր մրցունակությամբ դպրոցական գիտական մրցույթն է, որին այս տարի մասնակցում են շուրջ 70 երկրների ավելի քան 1600 լավագույն երիտասարդ գիտնականները՝ ներկայացնելով նորարարական նախագծեր գիտության և տեխնոլոգիաների լայն շրջանակում։ Մրցույթն ընդգրկում է 22 ոլորտ, որոնցից յուրաքանչյուրն ունի 7-8 ենթաոլորտ՝ ֆիզիկայից և ինժեներությունից մինչև կենսաբանություն և այլ կիրառական գիտություններ։

⚗️Ալբերտ Շահինյանի հետազոտությունը նվիրված է գլոբալ նշանակություն ունեցող խնդիրներից մեկին՝ ջրի սակավությանը, և նպատակ ունի բարձրացնել մթնոլորտային ջրի հավաքման (Atmospheric Water Harvesting – AWH) արդյունավետությունը՝ գրաֆենային նանոշերտերի կիրառմամբ (այստեղ Ալբերտն ավելի մանրամասն պատմում է իր նախագծի մասին` https://isef.net/project/phys066-awh-enhancement-via-multilayer-graphene?utm_source=shareLink_share_227704&postID=1282164)

🎖️Հիշեցնենք, որ նա հնարավորություն էր ստացել մասնակցելու հեղինակավոր միջազգային մրցույթին` արժանանալով առաջին կարգի մրցանակի այս տարվա մարտի 28-ին ԿԳՄՍ նախարարության և ՀՀ ԳԱԱ կազմակերպած Հայկական համադպրոցական գիտության փառատոն 2026-ի (ASSF) եզրափակիչ փուլում։

🎥 Մրցանակաբաշխության ուղիղ հեռարձակումը`
https://www.youtube.com/live/-XSr3BS9sZY?si=6lJtHGiagSfzVNhF