19/08/2026
💬 «Սարգիսը մեզ համար մի տեսակ թաքնված տաղանդ էր, որն ընթացքում բացահայտեցինք։ Առաջին դասին մեզ տվեց տեսախցիկը, ասաց՝ բզբզացեք, փորձեք, նայեք՝ ինչը ոնց ա աշխատում։ Ու մենք էլ բզբզացինք։
Նրա դասերը երևի ամենաշատն էին էն մասին, որ պետք է ուղղակի փորձես։ Չսպասես, մինչև ամեն ինչ իմանաս, նոր սկսես անել։ Սկզբում անում ես, հետո հասկանում՝ ինչ չպիտի անեիր, հետո նորից անում։ Էդ պրոցեսի մեջ էլ սովորում ես»,— ասում է Հետք Մեդիա Գործարանի շրջանավարտ Նարե Առուշանյանը։
Իսկ Nara Mkhoyan-ը հիշում է. «Սարգիսը սովորեցնում է նկարահանման հրապարակում աշխատել մտածված՝ հնարավոր բոլոր սցենարներով, հաշվարկել ամեն քայլ և պատրաստ լինել ցանկացած իրավիճակի: Նրա փոխանցած կարևորագույն սկզբունքներից մեկն էր․ «Ավելի լավ է ուսապարկդ նկարահանման ժամանակ ծանր լինի, քան հետո հրապարակում ինչ-որ բան պակասի»»:
Սարգիս Խարազյանը Հետք Մեդիա Գործարան / Hetq Media Factory-ի «Նկարահանման հմտություններ» առարկայի դասախոսն է։
Համագործակցել է CivilNet-ի, «Ինֆոքոմի», «Ինտերնյուս» ՀԿ-ի, Ֆիշկա ֆիլմ ստուդիայի, НТВ, ОРТ, СТС հեռուստաընկերությունների հետ։
Իր խոսքով՝ 1999-ին ձեռքն է վերցրել տեսախցիկն ու դարձել օպերատոր։
🎥 💚 Բզբզալու, փորձելու ու նկարահանման հրապարակում ամեն քայլ հաշվարկելու հերթը քոնն է։ Դարձիր Հետք Մեդիա Գործարանի ուսանող՝ լրացնելով գրանցման հայտը՝ https://mediafactory.am/announcements/applystudent
