Digital Library Association of Armenia NGO

10/02/2026

‼ EBLIDA-ն Եվրոպական գրադարանային ասոցիացիաների միավորման (ELAN) հետ միասին ներկայացնում են վերբինարների շարք այն մասին, թե ինչպես են գրադարանները գործնականում հաղթահարում թվային փոխակերպման մարտահրավերները։
🔎 «Թվային փոխակերպման կառավարումը գրադարաններում»։
📅⏰
Փետրվարի 19, 2026 16:00
Փետրվարի 26, 2026 19:30
Մարտի 5, 2026 17:00
🇬🇧 Աշխատանքային լեզու- անգլերեն
Գրանցվել այստեղ 👇
https://us02web.zoom.us/webinar/register/WN_b1N8TnlPR-iHeeZpkvlkkA #/registration

03/02/2026

📌‼️Փետրվարի 11-ին EIFL-ը կանցկացնի վերբինար «DOI և մետատվյալներ» թեմայով։
📍DOI-ն հետազոտական արդյունքի մշտական և եզակի հղում է, որը հնարավորություն է տալիս այն հեշտությամբ գտնել, մեջբերել և երկարաժամկետ հասանելի դարձնել հետազոտությունը։ Թեպետ DOI գրանցելիս սովորաբար բավարար է ներկայացնել միայն հիմնական տեղեկություններ՝ հեղինակ և վերնագիր, հարուստ մետատվյալները (ամփոփագրեր, բանալի բառեր, հղումներ, և այլ տվյալներ) էապես բարելավում են նյութերի տեսանելիությունը, կապը հարակից հետազոտությունների հետ և գիտական արդյունքների ինտեգրումը ինդեքսավորման ծառայություններում։
📅⏰ փետրվարի 11, 2026, Երևանի ժամանակով ժամը13։00
🇬🇧 Աշխատանքային լեզու- անգլերեն
Գրանցվել այստեղ👇
https://us02web.zoom.us/webinar/register/WN_B63iWpyFSdi6pYEmN8b3pg #/registration

Reminding you to sign up for this webinar 11 Feb 9:00 UTC for , journal editors and publishers! Learn about why it's important to provide detailed metadata when registering DOIs for research; what metadata to provide and how rich metadata improves discoverability, linking with related research and integration of scholarly outputs into indexing services. Details and registration - https://zurl.co/Vnl0L

29/12/2025

🎄🎆Հայաստանի թվային գրադարանների ասոցիացիան շնորհավորում է բոլորիս Ամանորի և Սուրբ ծննդյան տոների առթիվ։
🔎🧬 Թող 2026-ը նոր գիտելիքներով, վառ գաղափարներով և ոգեշնչող բացահայտումներով հարթի ստեղծարար ու լուսավոր ապագայի ճանապարհը:
#ՀԹԳԱ

20/10/2025

🔓‼ Միջազգային հանրահասանելիության շաբաթն այս տարի նշվում է հոկտեմբերի 20-26-ին։ Շաբաթվա այս տարվա թեման է՝ «Ու՞մ է պատկանում մեր գիտելիքը»։ Այս թեման կարևոր հարց է այն մասին, թե խառնաշփոթ այս ժամանակաշրջանում ինչպես կարող են համայնքները վերականգնել վերահսկողությունը իրենց ստեղծած գիտելիքի նկատմամբ։ Այն մարտահրավեր է նետում մեզ՝ մտորելու ոչ միայն այն մասին, թե ով ունի կրթության և հետազոտության հասանելիություն, այլ նաև, թե ինչպես է ստեղծվում և տարածվում գիտելիքը, որտեղից է այն եկել, ում ձայներն են լսելի և արժևորված։
Մանրամասն՝ https://www.openaccessweek.org/theme/armenian

13/10/2025

13/10/2025

👩‍💼 Հոկտեմբերի 10-ին ՀԹԳԱ լիցենզավորման համակարգող Տաթևիկ Թամազյանը սեմինար անցկացրեց Երևանի «Հայբուսակ» համալսարանի գրադարանում։
Սեմինարը միջազգային գիտական շտեմարանների անվճար հասանելիության և հեղինակավոր գիտական ամսագրերում հոդված հրատարակելու հնարավորությունների մասին էր։
Հանդիպմանը ներկա էին ԵՀՀ դասախոսական անձնակազմի ներկայացուցիչները։
#ՀԹԳԱ

08/10/2025

Սեպտեմբերի 30-ից հոկտեմբերի 2-ը Հայաստանի ազգային գրադարանում տեղի ունեցավ Electronic Information for Libraries (EIFL) կազմակերպության տարեկան համաժողովը, որին մասնակցեցին 48 երկրի գրադարանային ոլորտի և մի շարք գիտական հրատարակչությունների ներկայացուցիչներ։

Համաժողովին մասնակցել են նաև Հայաստանի թվային գրադարանների ասոցիացիային անդամակցող գրադարանների ներկայացուցիչները։

Համաժողովի շրջանակում «EBSCO information services» ընկերության ներկայացուցիչները անցացրեցին սեմինար Հայաստանի տարբեր գրադարանների մասնագետների համար՝ ներկայացնելով Էլեկտրոնային ռեսուրսների հետ աշխատանքի լավագույն փորձը։
#ՀԹԳԱ

07/10/2025

‼📍ՀԹԳԱ անդամակցող կազմակերպությունները հոկտեմբեր ամսվա ընթացքում հնարավորություն ունեն փորձնական ձևաչափով գնահատելու Statista շտեմարանը։
📊📈 Statista-ն աշխարհի ամենամեծ վիճակագրական շտեմարաններից մեկն է և ընդգրկում է ավելի քան 80,000 թեմաների վերաբերյալ տվյալներ։ Այն թույլ է տալիս ակադեմիական նախագծերում և հետազոտություններում հիմնավորել փաստարկները վիճակագրական տվյալներով։

22/09/2025

‼🆓 EDWARD ELGAR հրատարակչությունը անվճար հասանելիություն է բացել իրավաբանական դասագրքերի հավաքածուի համար։
⚖️📕 Հավաքածուն ընդգրկում է տնտեսական, հարկային, մշակութային ժառանգության, հաշմանդամության, սննդի անվտանգության և այլ թեմաների հետ առնչվող 80 անգլերեն իրավական դասագիրք։

20/08/2025

‼📌 Ուրախ ենք տեղեկացնել, որ Հայաստանի մի շարք կազմակերպությունների համար (համալսարաններ, ինստիտուտներ, գրադարաններ, քոլեջներ և դպրոցներ) անվճար բաց են Bentham Science Publishers ընկերության էլեկտրոնային շտեմարանները թե՛ կարդալու և թե՛ հոդված հրատարկելու հնարավորությամբ։
📅🆓 Անվճար հասանելիությունն ուժի մեջ է մինչ այս տարվա դեկտեմբերի 31-ը։
🎓🎯 Շտեմարանը ներառում է ավելի քան 160 ամսագիր տպագրված 1994-2025թթ․ բժշկության բոլոր ոլորտների, դեղագործության, կենսաբանության, բժշկական և կանաչ քիմիայի, այլընտրաքային էներգիայի և այլ թեմաների մասին։
📍📍 Ամսագրերից 125-ը ինդեքսավորվում են Scopus-ում և ScienceDirect-ում։ Շնորհիվ Elsevier-ի հետ կնքված հատուկ պայմանագրի՝ դրանցում հայ հեղինակները կարող են լիովին անվճար հրատարակել իրենց գիտական հոդվածները՝ բարձրացնելով թե՛ իրենց, թե՛ իրենց կազմակերպությունների տեսանելիությունը և հեղինակությունը միջազգային գիտական հարթակներում։
Շտապե՛ք օգտվել ընձեռնված հնարավորությունից և տեղեկացրեք այդ մասին ձեր գործընկերներին և հետազոտողներին։
Ամսագրերի կատալոգը՝https://www.benthamscience.com/images/pdf/JournalCatalog2025.pdf