01/10/2026
🚀 Ինչպես միշտ, ԱրմԴրոն համայնքը FPV դրոնների տարբեր ուղղություններում գրանցում է նոր բարձունքներ։
🇦🇲 Առաջին անգամ Հայաստանի ներկայացուցիչները մասնակցեցին խոշոր օնլայն FPV մրցարշավի, որտեղ մրցում էին Եվրոպայից, ԱՄՆ-ից և այլ երկրներից փորձառու մասնակիցների հետ։
🎮 Մեր համայնքի սան Vardan Avetisyan-ը՝ (nickname՝ Verden FPV), և համայնքի այլ սաներ մասնակցեցին Sim Series Season 3 վարժասարքերով օնլայն FPV մրցարշավին։
🏁 Մրցույթի ընթացքում մասնակիցները զարգացնում էին բավական բարձր արագություններ, ինչի պայմաններում յուրաքանչյուր սխալ կարող էր էական ազդեցություն ունենալ վերջնական արդյունքի վրա։ Մրցակցությունն այնքան թեժ էր, որ մասնակիցների միջև ժամանակային տարբերությունը հաճախ մեկ վայրկյանից էլ պակաս էր։
Տեսանյութում կարող եք տեսնել մեր 13-ամյա սան Վարդան Ավետիսյանի ելույթից հատված՝ այդ մրցարշավի ընթացքից։
🇦🇲 ArmDrone Community-ի և Հայաստանի ներկայացուցիչների համար սա առաջին մասնակցությունն էր նման մակարդակի օնլայն մրցարշավում։ Մեր սաները կարողացան մրցակցել տարբեր երկրների և տարիների փորձ ունեցող մասնակիցների հետ և ցուցադրել իրենց հնարավորությունների առավելագույնը։
🏆 Նշենք, որ մեր սաներից Հայկ Սարգսյանն իր մրցելույթն ավարտեց 16-րդ հորիզոնականում, իսկ Վարդանը, եզրափակչում իր մեկնարկն ավարտելով՝ վաստակեց 13 միավոր և զբաղեցրեց 6-րդ հորիզոնականը։ Հաշվի առնելով մրցակիցների տարիների փորձը և այն, որ մեր համայնքը նման ձևաչափով մրցարշավի մասնակցում էր առաջին անգամ, սա բավական նշանակալի արդյունք է։
🧠 Վարդանի համար մրցարշավը հեշտ չէր․ բարձր մրցակցային լարվածության պայմաններում յուրաքանչյուր որոշում և թույլ տված վրիպակ կարող էր ազդել վերջնական արդյունքի վրա։ Չնայած մրցարշավի ընթացքում առաջացած դժվարություններին՝ Վարդանը կարողացավ հավաքվել, շարունակել պայքարը մինչև վերջ և եզրափակչում զբաղեցնել 6-րդ հորիզոնականը։
🔥 Վստահ ենք, որ յուրաքանչյուր նման մրցարշավ նոր փորձի և զարգացման հնարավորություն է։ Հաջորդ մրցարշավերում թե՛ Վարդանը, թե՛ մեր մյուս սաները կկարողանան ավելի լավ կառավարել մրցակցային լարվածությունը, կիրառել ձեռք բերած փորձը և ձգտել հասնելու ավելի բարձր արդյունքների։
