22/06/2026
✨ Ինչպե՞ս է աշխատում ՄԵՄ-ի կրթական շղթան. գաղափարից մինչև իրական ազդեցություն համայնքում։
MEM Leadership Academy -ում մեր սաները սովորում են 1.5 տարի, որից հետո մենթորների աջակցությամբ մշակում ու կյանքի են կոչում իրենց սեփական համայնքային նախագծերը։ Այն պարզապես տեսական կրթություն չէ, այլ իրական պատասխանատվություն սեփական համայնքի նկատմամբ։
Այս շղթայի հերթական հաջողված օրինակը մեր շրջանավարտ Արմինեի հեղինակած «Գաղափարի կայծը» ծրագիրն է, որը ֆինանսավորվել է Diaconia Charitable Fund / Դիակոնիա բարեգործական հիմնադրամ բարեգործական հիմնադրամի կողմից։ Հունիսի 5-ին Արտենի համայնքում Արմինեն կազմակերպեց իր նախագծի հերթական բովանդակալից հանդիպումը՝ «Ես համայնքի մի մասն եմ և ամբողջը» թեմայով։
Հանդիպմանը մասնակից երիտասարդները, հյուրերի հետ միասին, իրականացրին Արտենիի ռեսուրսների քարտեզագրում և բարձրաձայնեցին համայնքին վերաբերող խնդիրներն ու իրենց հուզող թեմաները։ Ավելին՝ հենց այս հանդիպմամբ սկիզբ դրվեց մի նոր, կարևոր գործընթացի. Արտենիի երիտասարդները կսկսեն ուսումնասիրել համայնքի մշակութային ժառանգությունը, հավաքագրել պատմություններն ու ստեղծել պատմության քարտեզ։
Հատուկ շնորհակալություն ենք հայտնում հանդիպման հյուրերին՝ «MEM Academy»-ի համահիմնադիր Հռիփսիմե Խանզադյանին, «Դիակոնիա» հիմնադրամի փոխտնօրեն Աննա Ջանբազյանին և «Ավանտա» կենտրոնի հիմնադիր Լիլիթ Թումանյանին՝ երիտասարդներին ոգեշնչելու և նրանց հետ իրենց օրը կիսելու համար։
Յուրաքանչյուր մեծ փոփոխություն սկսվում է մեկ փոքր կայծից, իսկ ՄԵՄ Ակադեմիան շարունակում է պատրաստել այն առաջնորդներին, ովքեր վառում են այդ կայծը իրենց համայնքներում։
Հետևե՜ք մեր էջին՝ մարզեցի երիտասարդների հաջորդ հաջողության պատմություններին ծանոթանալու համար։ 🚀
