Direct Democracy NGO

10/08/2026

📚 Դասընթացավարների վերապատրաստման դասընթացներ՝ առաջին անգամ ընտրողների համար՝ Թալինում և Օշականում

Թալինում և Օշականում անցկացվեցին դասընթացավարների վերապատրաստման (TOT) դասընթացներ՝ առաջին անգամ ընտրողների համար նախատեսված կրթական ծրագրերի իրականացման նպատակով։

Դասընթացներն իրականացվեցին «Ուղղակի ժողովրդավարություն» ՀԿ-ի կողմից՝ Էստոնիայի Հանրապետության արտաքին գործերի նախարարության միկրոդրամաշնորհային ծրագրի շրջանակներում իրականացվող «Առաջին անգամ ընտրողների հզորացում․ երիտասարդական ցանցի ձևավորում՝ քաղաքացիական և ընտրական մասնակցության խթանման նպատակով» ծրագրի շրջանակներում։

Դասընթացների ընթացքում մասնակիցները ծանոթացան առաջին անգամ ընտրողների հետ աշխատանքի մեթոդներին և քննարկեցին՝
🔹 ինչպես են իրականացվում տեղական ինքնակառավարման մարմինների ընտրությունները,
🔹 ինչ իրավունքներ և հնարավորություններ ունեն ընտրողները,
🔹 ինչպես խթանել քաղաքացիական և ընտրական մասնակցությունը,

Դասընթացները վարեցին Տաթև Ղազարյանը և Արտաշես Սերգոյանը։

Շնորհակալություն Թալինի և Օշականի երիտասարդներին ակտիվ մասնակցության, հետաքրքիր հարցերի և արդյունավետ քննարկումների համար։ 🙌

29/07/2026

«Ուղղակի ժողովրդավարություն» ՀԿ-ն իրականացրել է Ալավերդի համայնքի Սանահին Կայարան 11 և 17 բազմաբնակարան շենքերում իրականացվող՝ 43.560 մլն դրամ ընդհանուր արժեքով վերանորոգման աշխատանքների փաստաթղթային ուսումնասիրություն և տեղում դիտարկում։

Ուսումնասիրության ընթացքում արձանագրվել են հետևյալ խնդիրները․

🔹 Տանիքի վերանորոգման աշխատանքներից հետո տարածքում մնացել են ասբեստ պարունակող տանիքի ծածկույթի մնացորդներ, որոնք կարող են վտանգ ներկայացնել բնակիչների առողջության և անվտանգության համար։

🔹 Տանիքի առանձին հատվածներում նկատվել են թերություններ, որոնք կարող են հետագայում հանգեցնել ջրի ներթափանցման և լրացուցիչ վնասների։

🔹 Արձանագրվել են նախագծից շեղումներ, որոնց վերաբերյալ անհրաժեշտ նախագծային փոփոխությունները և համապատասխան ձևակերպումները հասանելի չեն եղել։

🔹 Մի շարք խնդիրներ, այդ թվում՝ խոնավության առաջացման պատճառների վերացմանն ուղղված միջոցառումները, ուսումնասիրության պահին մնացել էին չլուծված։

Համայնքային միջոցների արդյունավետ, թափանցիկ և պատասխանատու օգտագործումը կարևոր է հանրային վստահության և որակյալ կառավարման ապահովման համար։ Հանրային միջոցներով իրականացվող յուրաքանչյուր ծրագիր պետք է ապահովի անվտանգ, որակյալ և երկարաժամկետ արդյունք։

22/07/2026

📌 Գյումրի համայնքի ավագանու գործունեության դիտարկում․ կանոնակարգի հաստատում և հանրային մասնակցության հարցեր

«Ուղղակի ժողովրդավարություն» ՀԿ-ն շարունակում է իրականացնել տեղական ինքնակառավարման մարմինների գործունեության մշտադիտարկում՝ ուսումնասիրելով որոշումների կայացման գործընթացների թափանցիկությունն ու մասնակցայնությունը։

2026 թվականի հուլիսի 15-ին Գյումրի համայնքի ավագանու արտահերթ նիստում քննարկվել է 36 հարց, այդ թվում՝ ավագանու նոր կանոնակարգի ընդունման և համայնքի 2027-2029 թվականների միջնաժամկետ ծախսերի ծրագրի հաստատման հարցերը։

Կազմակերպության կողմից իրականացված ուսումնասիրության ընթացքում պարզվել է, որ մինչ այդ ավագանին շարունակում էր առաջնորդվել նախկինում հաստատված կանոնակարգով։ Համայնքապետարան ուղարկված հարցման արդյունքում պարզվել է նաև, որ մշտական հանձնաժողովների նիստերի ժամանակացույց առկա է եղել, սակայն աշխատակարգերը չեն ներկայացվել։

2026 թվականի հուլիսի 15-ի նիստում Գյումրի համայնքի ավագանին հաստատեց նոր կանոնակարգը։

Միաժամանակ, նույն նիստում հաստատվեց համայնքի 2027-2029 թվականների միջնաժամկետ ծախսերի ծրագիրը։ Մեր դիտարկմամբ՝ ծրագրի վերաբերյալ հանրային քննարկում չի իրականացվել, մինչդեռ նման գործընթացներում բնակիչների մասնակցության ապահովումը կարևոր է արդյունավետ և հաշվետու կառավարման համար։

Համայնքապետարանից պարզաբանել են, որ ծրագիրը հրատապ հաստատելու անհրաժեշտության վերաբերյալ ստացել են գրություն Շիրակի մարզպետի աշխատակազմից, և այդ պատճառով հարցը ներառվել է արտահերթ նիստի օրակարգում։

📍 «Ուղղակի ժողովրդավարություն» ՀԿ-ն շարունակելու է հետևել համայնքային կառավարման գործընթացներին՝ նպաստելով ավելի բաց, թափանցիկ և մասնակցային տեղական ինքնակառավարմանը։

#ՈւղղակիԺողովրդավարություն #Գյումրի #ՏԻՄ #ՀանրայինՎերահսկողություն

13/07/2026

📍«Ուղղակի ժողովրդավարություն» ՀԿ-ն մասնակցել է Լոռու մարզպետի աշխատակազմում անցկացված հանրային քննարկմանը՝ ներկայացնելով կազմակերպության տեսակետը համայնքների միավորման գործընթացի վերաբերյալ։

📊Հիմնվելով տեղական ինքնակառավարման ոլորտում իրականացրած մշտադիտարկումների և վերլուծությունների վրա՝ կազմակերպությունը քննարկման ընթացքում անդրադարձել է համայնքային կառավարման արդյունավետության բարձրացման և քաղաքացիների մասնակցության մեխանիզմների ապահովման կարևորությանը։

📝«Ուղղակի ժողովրդավարություն» ՀԿ-ն շարունակելու է մասնակցել տեղական ինքնակառավարման ոլորտին վերաբերող քննարկումներին՝ ներկայացնելով համայնքների ավելի բաց, հաշվետու և մասնակցային կառավարման վերաբերյալ իր դիտարկումները։

07/07/2026

Նախընտրական գործընթացներում վարչական ռեսուրսների հնարավոր ռիսկերի մշտադիտարկման արդյունքներ

✅«Ուղղակի ժողովրդավարություն» ՀԿ-ն իրականացրել է Լոռու և Շիրակի մարզերի 17 համայնքների մշտադիտարկում՝ ուսումնասիրելով սոցիալական աջակցության ծրագրերը, հարկային արտոնությունները, շինարարական թույլտվությունները, համայնքային գնումներն ու ՀՈԱԿ-ների կառավարումը։

Մասնավորապես, արձանագրվել է հարկային արտոնությունների ծավալի աճ ավելի քան 6 անգամ , որոշ համայնքներում՝ շինարարական թույլտվությունների զգալի ավելացում, ինչպես նաև համայնքային կառավարման թափանցիկության և հաշվետվողականության հետ կապված խնդիրներ։

✅Մշտադիտարկման արդյունքները ցույց են տալիս, որ նախընտրական ժամանակահատվածում անհրաժեշտ է ապահովել հանրային միջոցների կառավարման առավել բարձր թափանցիկություն, որոշումների հիմնավորվածություն և շարունակական քաղաքացիական վերահսկողություն։

Ամբողջական ուսումնասիրությունը հրապարակել ենք առանձին ֆայլով մեր Substack հարթակի հոդվածում`
https://directdemocracyngo.substack.com?utm_source=navbar&utm_medium=web

📌 Մշտադիտարկումն իրականացվել է «ProElect-Արևելյան գործընկերությունում ընտրական գործընթացների հաշվետվողականության խթանում քաղաքացիական հասարակության դերակատարների մասնակցության և կարողությունների զարգացման միջոցով» ծրագրի շրջանակներում։
Բովանդակության համար պատասխանատվություն է կրում «Ուղղակի ժողովրդավարություն» հասարակական կազմակերպությունը, եւ պարտադիր չէ, որ այն արտահայտի Եվրոպական
միության տեսակետները»

07/06/2026

Հետևեք մեզ նաև այլ հարթակներում՝Website - https://www.1in.amFaceb...

07/06/2026

📌 «Անկախ դիտորդ» դաշինքը դիմել է ԿԸՀ՝ երկու զանգվածային լրատվամիջոցների վերաբերյալ, որոնք խախտել են լռության օրվա կանոնները - հայտնում է Դիտորդական առաքելության ներկայացուցիչ Արթուր Սաքունցը։

📌 «Նաև պահանջել ենք զրկել մի դիտորդի հավատարմագրումից՝ սոցիալական ցանցերում տեղեկության տարածման հիման վրա»։

📝 «Արձանագրվել է հանրային ծառայողի կողմից մեքենայով քաղաքացիների տեղափոխման շարունակական դեպք, որին ոստիկանությունն արձագանքել է միայն մեր դիտորդների միջամտությունից հետո։ Գրանցվել է դիտորդի գործունեության խոչընդոտման մեկ դեպք և տեղամաս մտնելու արգելքի երկու դեպք, որոնք կարգավորվել են միայն ԿԸՀ միջնորդությամբ»։

📌 Ավելի վաղ Իոաննիսյանը հայտնել է, որ որոշ տելեգրամյան ալիքների մասով են նաև դիմել Կենտրոնական ընտրական հանձնաժողով․ «Առավել խնդրահարույց են իրենց տարածած տեղեկությունները. խոսքը News.am-ի (Telegram ալիքի) և «Պլոշադ ռեսպուբլիկի» (Площадь Республики) Telegram ալիքների մասին է»։

Մանրամասները՝ տեսանյութում։

Հավաստի, բազմակողմանի, արագ․ Factor TV-ն իր հետևորդներին է ներկայաց...

07/06/2026

📍 «Անկախ դիտորդ» առաքելությունը շուրջ 700-հոգանոց ներկայացվածությամբ առավոտյան ժամը 7-ից իրականացնում է դիտորդություն ամբողջ հանրապետությունում՝ 300 շրջիկ խմբերի և 35 արագ արձագանքման խմբերի կազմով - հայտնում է առաքելության ներկայացուցիչ Դանիել Իոաննիսյանը։

👥 «Այս պահի դրությամբ մեր դիտորդներն այցելել են շուրջ 1420 ընտրական տեղամաս կամ տեղամասերի ընդհանուր թվի մոտ 71%-ը: Մատչելիության մասով տեղամասերի 41%-ը գնահատվել է որպես ոչ մատչելի: Խախտումներ նկատվել են 387 տեղամասում կամ 27%-ում:

📝 Խախտումների պատկերը հետևյալն է. դիտարկված տեղամասերի մոտ 5.5%-ում խախտումները ընթացակարգային էին, այսինքն՝ ոչ այնքան էական: Մոտ 4.5%-ում խախտումները գաղտնիության հետ կապված էին: Մոտ 4%-ում՝ վերահսկողության դրսևորումներ, որոնք չէին հասնում գաղտնիության խախտմանը. սա ընտրողին հոգեբանորեն վերահսկողության տպավորություն ստեղծելու մասով է: Տեղամասերի մոտ 1.8%-ում եղել է բանավեճի նման մի բան:

📊 Այս տոկոսները ընդհանուր դիտարկված տեղամասերից են, այլ ոչ թե խախտումներից: Խախտումների մոտ 20%-ը տեղամասային ընտրական հանձնաժողովների անդամների կողմից էին արվում, մոտ 20%-ը՝ վստահված անձանց կողմից: Կուսակցությունների մասով բաշխումը մոտավորապես հետևյալն է. հիմնականում դրանք 41%՝ «Ուժեղ Հայաստան» դաշինքի ներկայացուցիչներ են, 26%՝ «Քաղաքացիական պայմանագիր» կուսակցության ներկայացուցիչներ»։

Մանրամասները՝ տեսանյութում։

Հավաստի, բազմակողմանի, արագ․ Factor TV-ն իր հետևորդներին է ներկայաց...

05/06/2026

🐕‍🦺🖊️📨 Միֆեր ընտրությունների ժամանակ

05/06/2026

📌 Դիտորդական առաքելության իրավական ամփոփագիր

«Անկախ դիտորդ» հասարակական դաշինքը պատրաստել է 2026թ․ ԱԺ հերթական ընտրությունների դիտորդական առաքելության իրավական ամփոփագիրը՝ 05․06․2026թ․ դրությամբ։

Ամփոփագրում ներկայացված են նախընտրական շրջանում արձանագրված հնարավոր խախտումների վերաբերյալ իրավական գործողությունները, այդ թվում՝
⚖️ հանցանքի մասին հաղորդումներ,
📩 դիմումներ Կենտրոնական ընտրական հանձնաժողովին,
🏛️ հայցադիմումներ վարչական դատարանին,
🔎 հարցումներ պետական և ոչ պետական կառույցներին,
📊 նախընտրական գործընթացների իրավական գնահատումներ։

Ընդհանուր առմամբ կազմվել և համապատասխան մարմիններին է ուղարկվել 164 իրավական բնույթի փաստաթուղթ։

Ամփոփագիրը ներկայացնում է ոչ միայն արձանագրված դեպքերը, այլև այն իրավական քայլերը, որոնք անհրաժեշտ են ընտրական գործընթացի թափանցիկության, հաշվետվողականության և օրինականության ապահովման համար։

Մանրամասները՝ ամբողջական տեղեկանքում, որը հասանելի է https://hcav.am/summery_05-06-2026/ հասցեով։