Գուգարաց թեմի ՏՈՒՆ Սոցիալ-կրթական կենտրոն

05/04/2026

😇 Սուրբ Հարության տոնը Գուգարաց թեմ / Gougark Diocese ֊ում ❤️

05/04/2026

😇 Սուրբ Հարության տոնը ևս մեկ առիթ է հիշելու, թե որքան կարևոր է, որ երեխաները փոքր տարիքից մեծանան քրիստոնեական արժեքներով՝ սիրով, բարությամբ, ներողամտությամբ և հոգատարությամբ։

Մանուկների անկեղծությունն ու մաքրությունը մեզ ամեն օր հիշեցնում են, որ աշխարհը կարելի է տեսնել ավելի բարի և լուսավոր աչքերով։ Երբ երեխաները ճանաչում են տոների խորհուրդը, լսում Աստվածաշնչյան պատմությունները և մասնակցում տոնական պատրաստություններին, նրանց մեջ ձևավորվում են հավատքի, հարգանքի և մարդասիրության կարևոր հիմքերը։

💫 Թող Սուրբ Հարության տոնը յուրաքանչյուր մանկան սրտում ամրացնի բարության, խաղաղության և սիրո զգացումը։

05/04/2026

😇Քրիստոս հարյավ ի մեռելոց. օրհնյալ է Հարությունը Քրիստոսի։

30/03/2026

🌿😇Ծաղկազարդի տոնը Գուգարաց թեմում լեցուն էր աղոթքով, օրհնությամբ և մանկական ժպիտներով

💫Սուրբ Գրիգոր Նարեկացի առաջնորդանիստ եկեղեցում կատարվեց մանուկների օրհնության կարգը, իսկ շուրջ 300 երեխաներ մասնակցեցին տիկնիկային թատրոնին։

📖Օրվա ավարտին փոքրիկները Հայաստանի Աստվածաշնչյան ընկերության կողմից և Գուգարաց թեմի առաջնորդի օրհնությամբ նվեր ստացան «Գունավորենք Աստվածաշունչը» և «Երեխաները կարդում են Աստվածաշունչ» մանկական գրքերը։

Գուգարաց թեմ / Gougark Diocese
The Bible Society of Armenia Հայաստանի Աստվածաշնչային Ընկերություն

30/03/2026

😇Գուգարաց թեմում՝ Սուրբ Գրիգոր Նարեկացի մայր եկեղեցում, Ծաղկազարդի տոնի առթիվ, թեմի առաջնորդ Գերաշնորհ Հովնան եպիսկոպոս Հակոբյանի հանդիսապետությամբ մատուցվեց Սուրբ Պատարագ, որի հավարտին կատարվեց մանուկների օրհնության կարգը։

📖Օրվա առիթով շուրջ 300 մանուկներ ներկա գտնվեցին եկեղեցու դահլիճում կազմակերպված տիկնիկային թատրոնին։ Թատրոնի ավարտից հետո, Հայաստանի Աստվածաշնչյան ընկերության կողմից և Գուգարաց թեմի առաջնորդի օրհնությամբ, ներկա մանուկներին բաժանվեցին «Գունավորենք Աստվածաշունչը» և «Երեխաները կարդում են Աստվածաշունչ» մանկական գրքերը։

💫Ծաղկազարդի տոնը շատ երեխաների համար դարձավ ոչ միայն ուրախ և հիշարժան օր, այլև առաջին հանդիպում Աստվածաշնչյան պատմությունների աշխարհի հետ։ Նվեր ստացած գրքերը փոքրիկներին կօգնեն խաղի, գույների և ընթերցանության միջոցով բացահայտել սիրո, բարության, ընկերասիրության և հավատքի կարևոր արժեքները։ Հնարավոր է՝ հենց այս գրքերից սկսվի նրանց առաջին հետաքրքրությունը ընթերցանության և Աստվածաշնչի հանդեպ։

@Գուգարաց թեմ / Gougark Diocese

#Ծաղկազարդ #ՄանուկներիՕրհնություն #ԳուգարացԹեմ
#ՍուրբԳրիգորՆարեկացի #ՍուրբՊատարագ #Օրհնություն
#ՏիկնիկայինԹատրոն #ՄանկականՏոն
#ԵրեխաներըԵկեղեցում #ՔրիստոնեականԱրժեքներ
#Աստվածաշունչ #ԳունավորենքԱստվածաշունչը
#ԵրեխաներըԿարդումԵնԱստվածաշունչ
#ՀայաստանիԱստվածաշնչյանԸնկերություն

28/03/2026

27/02/2026

📖 Ու­զո՞ւմ ես, որ զա­վակդ բա­րե­բա­րո լի­նի։ Սկզբից ևեթ դաս­տիա­րա­կի՛ր նրան՝ համաձայն առաքյալի հորդորի՝ «Տիրոջ խրատով և ուսումով» (Եփես. Զ 4)։ Մի՛ կարծիր, թե նրա համար ավելորդ բան է Սուրբ Գիրք լսելը, քանզի նա նախ և առաջ այնտեղից է լսելու․ «Պատվի՛ր քո հորն ու մորը»։

🙏 Այսօր մեր կենտրոնի երեխաները մասնակցեցին հանգստյան ժամերգության Վանաձորի առաաջնորդանիստ Սուրբ Գրիգոր Նարեկացի եկեղեցում։ Աղոթքով, հոգևոր երգեցողությամբ և խոկումով լեցուն այս ժամերգության ընթացքում նրանք ընթերցեցին նաև Ներսես Շնորհալի-ի «Հաւատով խոստովանիմ» աղոթքը՝ սրտանց ու խոր հավատքով։

Թող մեր երեխաների սրտերում միշտ վառ մնա Աստծո խոսքի լույսը, և նրանց կյանքը կառուցվի սիրո, հարգանքի ու բարության հիմքի վրա։ 🙏✨

Գուգարաց թեմ / Gougark Diocese

18/01/2026

✨ Ավարտին է մոտենում Գուգարաց թեմ / Gougark Diocese֊ի «Տուն» սոցիալ-կրթական կենտրոնում նոյեմբերի 3-ից մեկնարկած հագուստի մոդելավորման հինգշաբաթյա վերապատրաստման դասընթացը, որը վարում է միջազգային ճանաչում ունեցող հայ դիզայներ Գևորգ Շադոյանը (Kevork Nour Shadoyan)։

📌Վերապատրաստմանը մասնակցում են Գուգարաց թեմի սոցիալական ծրագրերի շրջանակներում իրականացված կարուձևի դասընթացների 10 շրջանավարտ կանայք, ովքեր ցուցաբերել են մեծ հետաքրքրություն և նվիրվածություն՝ իրենց մասնագիտական կարողությունները խորացնելու հարցում։ Այս փուլում նրանք զարգացնում են հագուստի ձևավորման և կառուցվածքային նախագծման իրենց հմտությունները։

🪡Դասընթացի ընթացքում մասնակիցները ծանոթանում են ժամանակակից մոդելավորման սկզբունքներին, ձևանմուշների մշակման և կարի տեխնիկաներին, զարգացնում ստեղծագործական մտածողությունը՝ Գևորգ Շադոյանի մասնագիտական առաջնորդությամբ, ով հայտնի է հայկական ավանդական մոտիվները ժամանակակից նորաձևության գեղագիտության հետ համադրելու իր յուրահատուկ ձեռագրով։

🥰Կանայք լի են ոգևորությամբ և մոտիվացված են․ նրանց համար այս դասընթացը պարզապես ուսում չէ, այլ ստեղծագործական ճանապարհ, որի ընթացքում ձգտումը վերածվում է հմտության, իսկ հմտությունը՝ վստահության և նոր հնարավորությունների։

Մասնակիցները նշում են, որ այս վերապատրաստումը դարձել է իրենց կյանքի ամենաոգեշնչող փորձառություններից մեկը։ Ոգևորությամբ են պատմում, որ արդեն առաջին իսկ օրերից սովորում են նոր ձևանմուշներ ու տեխնիկա և նույնիսկ տանը՝ մինչև ուշ գիշեր, շարունակում են փորձել ու կատարելագործել իրենց հմտությունները։

🗯️«Մենք իսկապես ոգեշնչված ու շնորհակալ ենք այս հիանալի հնարավորության համար։ Հրաշալի զգացում է տեսնել, թե ինչպես են մեր երազանքները իրենց ձևը ստանում և շոշափելի դառնում։ Ամեն օրը լի է նոր գույներով, ժպիտներով ու ընկերությամբ․ մենք այս ճանապարհին փոխվում ենք՝ դառնում ավելի ինքնավստահ և գիտակ», – նշում է մասնակիցներից մեկը։

🤝Այս նախաձեռնությունը շարունակությունն է Վանաձոր համայնքի կանանց հզորացմանն ուղղված ծրագրերի և իրականացվում է Գուգարաց թեմի, Western Diocese of the Armenian Church-ի և Epostle «Առաքելություն» (ePostle.net ) հովանավորությամբ՝ «Արցախից տեղահանված կանանց համար կար ու ձևի և մոդելավորման վերամասնագիտացում» (Vibrantz For Vanadzor) ծրագրի շրջանակներում։

#ԳուգարացԹեմ #ԿարիԴասընթա #ՏունԿենտրոնց #ԿանանցՀզորացում #ՄասնագիտականՈւսուցում

05/01/2026

🕯 Հայ Առաքելական Սուրբ Եկեղեցին հունվարի 6-ին նշում է Հիսուս Քրիստոսի հրաշափառ Ծնունդն ու Հայտնությունը՝
որպես լույսի, հույսի և փրկության տոն։

Թող Ճրագալույցի վառվող ճրագի լույսը՝ Բեթղեհեմյան աստղի խորհրդով, մտնի մեր տները և սրտերը՝ բերելով խաղաղություն, սեր և Աստծո օրհնությունը։

🙏 Թող Մանուկ Հիսուսի ծնունդը նորոգի մեզ, միավորի մեր ընտանիքները և լցնի մեր երեխաների օրերը հավատով ու բարությամբ։

Քրիստոս ծնաւ և յայտնեցաւ։
Օրհնեալ է յայտնութիւնն Քրիստոսի։
Ձեզ և մեզ մեծ Ավետիս։

Սիրով՝
Գուգարաց թեմի ՏՈՒՆ Սոցիալ-կրթական կենտրոն

29/12/2025

🎄 75 երեխաների ամանորյա երազանքները իրականություն դարձան…

😇 Գուգարաց թեմ / Gougark Diocese ֊ի առաջնորդ Գերաշնորհ Տեր Հովնան եպիսկոպոս Հակոբյանի օրհնությամբ և հոգածությամ, Գուգարաց թեմի «ՏՈւՆ» կենտրոն հաճախող 75 երեխաներ ստացան իրենց ամանորյա նվերները, ջերմորեն ամփոփեցին կրթական տարին
և 2025 թվականին նոր հանդիպումների ու նոր երազանքների սպասումով, վերադարձան տուն։

✨ Այս օրը լի էր ժպիտներով, երախտագիտությամբ և Սուրբ Ծննդյան սպասման լույսով։

♥️ Մեր խորին շնորհակալությունն ենք հայտնում բարերար Էդմոն Մարուքյանին՝ երեխաների ամանորյա հրաշքը կյանքի կոչելու, հոգատարության և շարունակական աջակցության համար։

📍 Գուգարաց թեմի ՏՈՒՆ Սոցիալ-կրթական կենտրոն

#ՇենմնաԳուգարացԹեմը
#ՏՈւՆԿենտրոն
#ԱմանորյաՆվերներ
#ԵրեխաներիԺպիտներ
#ՀրաշքներըԻրականԵն

29/12/2025

🔔 Մրցույթի հրավեր
Գուգարաց թեմ / Gougark Diocese-ի «Տուն» կենտրոնի «Արտադպրոցական կրթություն Վանաձորի սոցիալական կենտրոնում» ծրագրի շրջանակում փնտրում ենք սոցիալական աշխատող։

📌 Մրցույթի մանրամասները և պահանջները հասանելի են հղմամբ ➡️ https://shorturl.at/JKspA

Դիմելու կարգ՝
📩 Խնդրում ենք ուղարկել Ձեր ինքնակենսագրականը և համապատասխան փաստաթղթերի պատճենները [email protected] էլ․ հասցեին կամ ներկայացնել առձեռն՝ Գուգարաց թեմի առաջնորդարան, որը գտնվում է՝ ՀՀ, ք․ Վանաձոր, Զաքարյան 33 հասցեում՝ մինչև 2026 թ. հունվարի 12-ը, ժամը 17:00։

Ծրագրի իրականացման ժամկետը՝ 2026թ․ հունվար – 2026թ․ հունիս։

🔴Նշում․ հայտարարության մեջ նկարագրված պահանջներին չհամապատասխանող հայտերը չեն դիտարկվի

ԵՀԽ հայաստանյան Կլոր սեղան հիմնադրամ/ WCC Armenia Round Table Foundation