02/07/2026
Ուզո՞ւմ ես ոչ միայն խոսել խնդիրների մասին, այլ նաև դրանք տեսանելի դարձնել ու իրական փոփոխության հասնել քո համայնքում։
📣 «Ռեստարտ Վանաձոր»-ի «Ժողովրդավարության մեդիա դպրոց» 3-օրյա ինտենսիվ ճամբարի հայտերն արդեն բաց են։
👥 Ո՞վ կարող է դիմել
Եթե դու՝
• 17–25 տարեկան ես
• ապրում կամ սովորում ես Լոռու մարզում
• հետաքրքրված ես մեդիայով, քո համայնքով և հասարակական փոփոխություններով
• ուզում ես զարգացնել քո քննադատական մտածողությունն ու մեդիա հմտությունները
• պատրաստ ես մասնակցել հետճամբարային աշխատանքներին
ապա այս ճամբարը հենց քեզ համար է։
⸻
🧭 Ի՞նչ ենք անելու ճամբարի ընթացքում
Մենք միասին՝
• կբացահայտենք համայնքային խնդիրները
• կկատարենք քարտեզագրում և փաստահավաք աշխատանք
• կսովորենք մարդու իրավունքների, ժողովրդավարության և տեղական ինքնակառավարման հիմունքները
• կզարգացնենք մեդիա գրագիտություն, fact-checking և թվային storytelling հմտություններ
• կստեղծենք մեր առաջին մեդիա նյութերն ու վիդեո հոլովակները՝ մեդիա-մենթորների աջակցությամբ
Ճամբարի արդյունքում մասնակիցները կաշխատեն իրական խնդիրների վրա և դրանք կվերածեն ազդեցիկ մեդիա բովանդակության, որը կհրապարակվի և կնպաստի համայնքային խնդիրների բարձրաձայնմանը։
⸻
📌 Կարևոր տեղեկություն
🗓 Հայտերի վերջնաժամկետ՝ հուլիսի 17
📅 Ճամբարի անցկացման օրեր՝ օգոստոսի 6–9 (3 ամբողջական աշխատանքային օր)
📍 Տեղ՝ Ծաղկաձոր
🚍 Մասնակիցների տեղափոխումը, կեցությունը և սնունդն ամբողջությամբ հոգալու է կազմակերպությունը։
❗ Ճամբարին ընտրված մասնակիցների համար պարտադիր է մասնակցել ճամբարի բոլոր օրերին, ինչպես նաև ծրագրի շրջանակում նախատեսված հետճամբարային աշխատանքներին և գործունեություններին։
📩 Հավելյալ տեղեկությունները կտրամադրվեն ընտրված մասնակիցներին։
⸻
Մեդիա դպրոցն իրականացվում է ԵՄ կողմից ֆինանսավորվող «Կայուն, ազդեցիկ և ներառական քաղհասարակություն» (ԿԱՆՔ) ծրագրի շրջանակում։ Ծրագիրն իրականացվում է Ժողովրդավարության զարգացման հիմնադրամի (ԺԶՀ), «Մարդը կարիքի մեջ» հասարակական կազմակերպության և «Բուն» գիտամշակութային հիմնադրամի կողմից: Այն նպատակ ունի ամրապնդել քաղաքացիական հասարակության դերը Հայաստանում՝ որպես դիմակայուն, անկախ և վստահելի գործոն ժողովրդավարական կառավարման, քաղաքականությունների մշակման և համայնքային հզորացման գործում:
👉 Լրացրու հայտը https://forms.gle/n3KuqwpP5UVHQMwy5 և դարձիր փոփոխության ձայնը քո համայնքում։
