21/09/2026
Սիրելի՛ հայրենակիցներ,
Կան օրեր, որոնք պարզապես նշում ենք օրացույցում, և կան օրեր, որոնց իմաստը զգում ենք մեր սրտում։
Սեպտեմբերի 21-ը հենց այդ օրերից է։
35 տարի առաջ մեր ժողովուրդը ընտրեց անկախության ճանապարհը։ Ճանապարհ, որը հեշտ չէր, որի յուրաքանչյուր քայլի մեջ եղել են փորձություններ, կորուստներ, ձեռքբերումներ, հավատ ու սպասում։ Բայց ամենակարևորը՝ այդ ճանապարհի հիմքում եղել է մի պարզ ու մեծ ցանկություն՝ ապրել մեր հայրենիքում, ինքներս տնօրինել մեր ճակատագիրը և մեր երեխաներին փոխանցել ազատ ու արժանապատիվ հայրենիք։
Անկախությունը միայն պետական խորհրդանիշներ, սահմաններ կամ փաստաթղթեր չէ։ Անկախությունը այն զգացումն է, երբ ասում ենք՝ «Սա իմ հայրենիքն է»։ Երբ մեր քաղաքի, մեր գյուղի, մեր բակի, մեր տան բարեկարգման մեջ տեսնում ենք ամբողջ Հայաստանի վաղվա օրը։ Երբ մեր աշխատանքով, մեր հոգատարությամբ և մեր պատասխանատվությամբ ամեն օր մի փոքր ավելի ամուր ենք դարձնում մեր հայրենիքը։
Հայաստանը մեզանից յուրաքանչյուրի հիշողությունն է, մեր ծնողների պատմությունները, մեր երեխաների երազանքները, մեր նախնիների թողած ժառանգությունն ու գալիք սերունդների հանդեպ մեր պատասխանատվությունը։
Այսօր, Հայաստանի Հանրապետության 35-րդ տարեդարձին, ցանկանում եմ, որ մեր ամենամեծ ցանկությունը լինի մեկը՝ տեսնել խաղաղ, ամուր, արժանապատիվ և զարգացող Հայաստան։
Թող մեր երեխաները հայրենիքի մասին խոսելիս ժառանգեն ոչ թե ցավի ու կորստի պատմություններ, այլ հաղթահարած դժվարությունների, ստեղծածի և կառուցածի հիշողություններ։
Սրտանց շնորհավորում եմ Հայաստանի Հանրապետության անկախության 35-րդ տարեդարձի կապակցությամբ։
ԵՎ թող մեր եռագույնը միշտ ծածանվի խաղաղ երկնքի ներքո, իսկ Հայաստանի Հանրապետության անունը հնչի ուժեղ, արժանապատիվ ու հպարտ։ 🇦🇲❤️💙🧡
🇦🇲 Փա՛ռք մեր հայրենիքին։
Խոնարհում՝ մեր նահատակների անմար հիշատակին։
Խաղաղություն՝ Հայաստանի Հանրապետությանը։
Ուժ և միասնություն՝ մեր ժողովրդին։ ❤️💙🧡
Ծաղկաձոր համայնքի ղեկավար՝ Նարեկ Հարությունյան
