21/08/2026
«Տաշիր Պլյուս» ՏԱԽ ՏԶ ՀԿ-ն հանրությանը տեղեկացնում է, որ հաջողությամբ կայացել է « «Տաշիր Պլյուս» ՏԱԽ-ի ինստիտուցիոնալ հզորացում. Մասնակցային կառավարման համակարգերի և երիտասարդական նորարարական հաբի ներդրում» նախագծի շրջանակներում կազմակերպված առաջին տեղեկատվական հանդիպումը տարածաշրջանի ակտիվ երիտասարդների մասնակցությամբ։
Հանդիպման նպատակն էր ներկայացնել Հաբի ստեղծման հնարավորությունները, նախագծի ռազմավարական ուղղությունները և առաջիկա անելիքները։ Մասնակիցները մանրամասն տեղեկատվություն ստացան նախագծերի կառավարման, բիզնես պլանավորման գործնական դասընթացների, ինչպես նաև ստեղծարար միջավայրում աշխատելու պայմանների մասին։
Հանդիպման ընթացքում առանձնահատուկ ուշադրություն է դարձվել հետևյալ ուղղություններին․
Կարողությունների զարգացում. երիտասարդներին ներկայացվել են սեփական գաղափարները շոշափելի նախագծերի վերածելու մեթոդաբանական գործիքները։
Համայնքային ներգրավվածություն. քննարկվել են տարածաշրջանային զարգացման ծրագրերում երիտասարդների ակտիվ մասնակցության ապահովման մեխանիզմները։
Ներառականություն. կարևորվել է ԼՂ-ից բռնի տեղահանված երիտասարդների սոցիալ-տնտեսական ինտեգրման և հարթակի հնարավորություններից օգտվելու իրավահավասարության ապահովումը։
«Տաշիր Պլյուս» ՏԱԽ-ն շարունակելու է համայնքային հզորացման և ինստիտուցիոնալ զարգացմանն ուղղված միջոցառումների շարքը։ Հետագա հանդիպումների և ծրագրի ընթացքի մասին տեղեկատվությունը պարբերաբար կթարմացվի կազմակերպության պաշտոնական հարթակներում։
📍 Հետևե՛ք պաշտոնական թարմացումներին։
#ՏաշիրՊլյուս #կանքծրագիր #ԿԱՆՔ #Տաշիր #ՀամայնքայինԶարգացում #Երիտասարդություն
Ծրագիրն իրականացվում է ԵՄ կողմից ֆինանսավորվող «Կայուն, ազդեցիկ և ներառական քաղհասարակություն» (ԿԱՆՔ) ծրագրի շրջանակում։ Ծրագիրն իրականացվում է Ժողովրդավարության զարգացման հիմնադրամի (ԺԶՀ), «Մարդը կարիքի մեջ» հասարակական կազմակերպության և «Բուն» գիտամշակութային հիմնադրամի կողմից: Այն նպատակ ունի ամրապնդել քաղաքացիական հասարակության դերը Հայաստանում՝ որպես դիմակայուն, անկախ և վստահելի գործոն ժողովրդավարական կառավարման, քաղաքականությունների մշակման և համայնքային հզորացման գործում:
