23/08/2026
📚 Օգոստոս ամսին «Կայուն, ազդեցիկ և ներառական քաղհասարակություն» ծրագրի
շրջանակներում Թալին խոշորացված համայնքի երիտասարդների համար մեկնարկեց դասընթացների շարքը։
📍 Դասընթացներին մասնակցեցին Թալին խոշորացված համայնքի Թալին, Ակունք, Դավթաշեն,
Զովասար, Ոսկեթաս, Կարմրաշեն, Զարինջա, Ցամաքասար, Թաթուլ, Լուսակն և Դաշտադեմ բնակավայրերից շուրջ 130 երիտասարդներ։
Դասընթացը սովորական տեղեկատվական հանդիպում չէր․ այն համատեղում էր տեղեկատվական,
ինտերակտիվ և գործնական հատվածները։ 💡🤝
Երիտասարդները ծանոթացան՝ 👇
🏛️ ՏԻՄ կառուցվածքին և գործառույթներին,
🌱 համայնքի զարգացման գործընթացներին երիտասարդների մասնակցության հնարավորություններին։
Հանդիպման ամենաակտիվ հատվածում երիտասարդները բաժանվեցին խմբերի և ստացան տարբեր
համայնքային խնդիրներ։ Սիմուլյացիոն խաղի միջոցով խմբերը փորձեցին գտնել առաջադրված խնդիրների
լուծման ճանապարհները տեղական ինքնակառավարման գործիքների միջոցով։ 🧩💭
⏰ Գրեթե 4 ժամ շարունակ երիտասարդները ակտիվորեն մասնակցեցին քննարկումներին, խմբային
աշխատանքներին և գործնական առաջադրանքներին՝ հնարավորություն ունենալով ոչ միայն ձեռք բերել նոր
գիտելիքներ, այլև կիրառել դրանք իրավիճակային օրինակների միջոցով։
🎯 Դասընթացի նպատակն է բարձրացնել երիտասարդների իրազեկվածությունը տեղական
ինքնակառավարման վերաբերյալ, ներկայացնել համայնքում մասնակցության հնարավորությունները և
խթանել երիտասարդների ակտիվ ներգրավվածությունը համայնքային կյանքում։
🚀 Առաջիկայում նախատեսվում է դասընթացներ իրականացնել Թալին և Աշոցք խոշորացված
համայնքների 600 երիտասարդների համար: 👥
Ծրագիրն իրականացվում է «Կայուն, ազդեցիկ և ներառական քաղհասարակություն» (ԿԱՆՔ) ծրագրի
շրջանակներում, որն իրականացվում է Եվրոպական միության աջակցությամբ՝ Ժողովրդավարության
զարգացման հիմնադրամի (ԺԶՀ), «Մարդը կարիքի մեջ» հասարակական կազմակերպության և «Բուն»
գիտամշակութային հիմնադրամի կողմից։
🌍 Ծրագիրը նպատակ ունի ամրապնդել քաղաքացիական հասարակության դերը Հայաստանում՝ որպես
դիմակայուն, անկախ և վստահելի գործոն ժողովրդավարական կառավարման, քաղաքականությունների
մշակման և համայնքային հզորացման գործում։
#ԿԱՆՔ #ՏԻՄ #Երիտասարդներ #ԵրիտասարդներիՄասնակցություն
