28/05/2026
🇦🇲 Փարաքար համայնքի հարգելի՛ բնակիչներ.
1918թ. Մայիսի 28-ը հայոց պետականության վերածննդի հիմնաքարն է։ Սարդարապատի, Բաշ Ապարանի և Ղարաքիլիսայի հերոսամարտերում կերտած հաղթանակների շնորհիվ, երբ վտանգված էր ողջ ժողովրդի գոյությունը, հայ քաղաքական միտքը համարձակվեց հռչակել անկախ Հանրապետություն՝ հաստատելով, որ ազատությունն ինքնանպատակ չէ, այլ ազգային գոյության միակ հնարավոր պայմանը։ Այդ պատմական որոշումը դարձավ մեր պետականության ամուր հիմքը և ուղենիշը հաջորդ սերունդների համար։
Այսօր, առավել քան երբևէ, Մայիսի 28-ի պատգամն արդիական է։ Ուժեղ և անվտանգ պետություն ունենալու միակ գրավականը մեր հավաքական միասնությունն է, անկոտրում կամքը և ամենօրյա պատասխանատու աշխատանքը։
Մեր համայնքի զարգացումը, շենացումն ու յուրաքանչյուր բնակչի բարեկեցությունը մեր համատեղ ներդրումն են Հայաստանի Հանրապետության հզորացման և առաջընթացի գործում։ Ոգեշնչվելով ավագ սերունդների օրինակով՝ յուրաքանչյուրս պիտի շարունակենք գործել մեր հայրենիքը պաշտպանելու, պետականությունն ամրապնդելու, կայուն և զարգացող երկիր կառուցելու ուղղությամբ:
Փառք և պատիվ մեր նախնիներին, ովքեր իրենց անձնվեր պայքարով կերտեցին մեր անկախ պետականության պատմությունը։
Ջերմորեն շնորհավորում եմ բոլորիս Հանրապետության օրվա առթիվ՝ մաղթելով ողջ հայ ժողովրդին տոկունություն, համախմբվածություն, խաղաղություն, հաջողություններ և ձեռքբերումներ՝ ի փառս մեր հայրենիքի և ի բարօրություն մեր ժողովրդի։
