25/07/2026
#լոֆթեցիները՝ «Երիտասարդությունը հանուն կենսաբազմազանության․ դեպի ԿԲԿ COP17» երիտասարդական ֆորումի մասնակիցներ
🔗Աղվերանում մեկնարկեց «Երիտասարդությունը հանուն կենսաբազմազանության․ դեպի ԿԲԿ COP17» նախաձեռնության երիտասարդական երկօրյա աշխատարանը, որին մասնակցում են #ԼՈՖԹ երիտասարդական կենտրոնների առավել ակտիվ երիտասարդները #Իջեւանից, #Նոյեմբերյանից եւ #Մեղրիից։
🙌 WWF-Հայաստանի կողմից Global Youth Biodiversity Network (GYBN)-ի համագործակցությամբ կազմակերպված ֆորումը մասնակիցներին հնարավորություն է տալիս խորացնել իրենց գիտելիքները կենսաբազմազանության պահպանության, միջազգային բնապահպանական գործընթացների եւ երիտասարդների դերակատարման վերաբերյալ։ Նախաձեռնությունը նպաստում է երիտասարդների կարողությունների զարգացմանը եւ նրանց առավել ակտիվ մասնակցությանը կենսաբազմազանության պահպանությանն ու միջազգային բնապահպանական գործընթացներին՝ ընդառաջ ԿԲԿ COP17-ին։
👉Հիշեցնենք, որ մինչ այս #ԼՈՖԹՆոյեմբերյան, #ԼՈՖԹՄեղրի եւ #ԼՈՖԹԻջեւան երիտասարդական կենտրոններում տեղի է ունեցել նախաձեռնության իրազեկման միջոցառումը, որն իրականացվել էր WWF-Հայաստանի, ՀՀ կրթության, գիտության, մշակույթի և սպորտի նախարարության և ՀՀ ԳԱԱ Գիտակրթական միջազգային կենտրոնի համագործակցությամբ իրականացվող նույն նախաձեռնության շրջանակում։
