Մարտունու կանանց համայնքային խորհուրդ / MWCC NGO

11/09/2026

🌸 «Կանանց տնտեսական հզորացում Հարավային Կովկասում» ծրագրի շրջանակներում Մարտունու կանանց համայնքային խորհուրդ ՀԿ-ն, «Գենդերազգայուն բյուջետավորման նախաձեռնությունների» միջոցով, աջակցություն է տրամադրել Վարդենիս համայնքին։ 🤝💜

✨ Աջակցության շրջանակներում՝

🍽️ Փոքր Մասրիկ, Արփունք և Գեղամասար բնակավայրերի հանդիսությունների սրահներին տրամադրվել է անհրաժեշտ սպասք, որը կնպաստի համայնքային միջոցառումների առավել արդյունավետ և պատշաճ կազմակերպմանը։

🎶 Վարդենիսի մշակույթի տանը գործող Երգի խմբակին տրամադրվել են երաժշտական սարքավորումներ, որոնք հնարավորություն կտան խմբակին շարունակել և զարգացնել իր մշակութային գործունեությունը։ 🎤🎵

🛍️ Տարբեր բնակավայրերում տոնավաճառների կազմակերպման նպատակով տրամադրվել են նաև տաղավարներ, որոնք կստեղծեն նոր հնարավորություններ համայնքի բնակիչների, հատկապես կանանց, ձեռնարկատիրական նախաձեռնությունների և տեղական արտադրանքի ներկայացման համար։ 🌿👩‍💼

🤝 Համագործակցության ամրապնդման նպատակով Վարդենիսի համայնքապետ` Ահարոն Խաչատրյանի և Մարտունու կանանց համայնքային խորհուրդ ՀԿ-ի նախագահ Անահիտ Գևորգյանի կողմից ստորագրվել է համագործակցության հուշագիր։ ✍️🌸
The “Martuni Women’s Community Council” NGO is implementing the project “Women’s Economic
Empowerment in the South Caucasus”, funded by the United Nations Entity for Gender Equality and the
Empowerment of Women (UN Women).

08/09/2026

🌿 «Կանանց տնտեսական հզորացում Հարավային Կովկասում» ծրագրի շրջանակներում Մարտունու կանանց համայնքային խորհուրդ ՀԿ-ն, « Գենդերազգայուն բյուջետավորման նախաձեռնություններ»-ի միջոցով, աջակցություն է տրամադրել Ճամբարակ համայնքին։

🪑 Թթուջուր և Ջիլ բնակավայրերին տրամադրվել են սեղաններ և աթոռներ
🎶 Ճամբարակի երաժշտական դպրոցին՝ աշակերտական սեղաններ և աթոռներ։
🌱Դրախտիկի երիտասարդների և կանանց կենտրոնին՝ տանիքի թիթեղներ։

Այս նախաձեռնությունը միտված է համայնքային տարածքներն առավել հարմարավետ և հասանելի դարձնելուն՝ խթանելով կանանց, երեխաների և համայնքի բնակիչների ակտիվ մասնակցությունն ու համատեղ գործունեությունը։ 💜

🤝 Նախաձեռնության շրջանակում Ճամբարակ համայնքապետարանի ներկայացուցչի հետ կնքվել է համագործակցության հուշագիր, որն ամրապնդում է համագործակցությունը և կարևոր քայլ է համայնքի կայուն և մասնակցային զարգացման ճանապարհին։

The “Martuni Women’s Community Council” NGO is implementing the project “Women’s Economic
Empowerment in the South Caucasus”, funded by the United Nations Entity for Gender Equality and the
Empowerment of Women (UN Women).

28/08/2026

28/08/2026

Ալիկ Ժամհարյանի ճագարաբուծական ֆերման🐇 | Youth Bank
​
✨Ուրախությամբ ցանկանում ենք ներկայացնել Ալիկ Ժամհարյանի նախագիծը, ով դիմել էր Youth Bank ծրագրին՝ Մարտունի համայնքում ճագարների զտարյուն ցեղատեսակների բուծումն ու բազմացումը զարգացնելու նպատակով։

​Ալիկն արդեն ունի փորձ այս ոլորտում․ նա զբաղվել է դեկորատիվ, Կալիֆորնիական, Ֆրանսիական բառան, Ֆլանդեռ և խառնածին ցեղատեսակների բուծմամբ։

​Ծրագրի շրջանակներում ձեռք են բերվել․

▪️​Բելգիական ֆլանդեռ (Giant Flandre)
▪️​Գերմանական բառան
▪️​Պանոն
▪️​Կալիֆորնիական ցեղատեսակի ճագարներ

​Մաղթում ենք Ալիկին հաջողություն, արդյունավետ ընդլայնում և նորանոր ձեռքբերումներ իր նախաձեռնած գործում։ 👏✨

27/08/2026

Շնորհավորում ենք դրամաշնորհային ծրագրի հաղթողներին 🎉

​Եկել ենք հիանալի լուրով․ հայտնի են "Youth Bank" ծրագրի դրամաշնորհային մրցույթի հաղթողները։ Ներկայացված 15 հայտերից լավագույնն են ճանաչվել և ֆինանսավորում ստացել հետևյալ 3 նախագծերը․

​🐇Ճագարաբուծության զարգացման ծրագիր — 300,000 դրամ

​🎶Մանկական երաժշտական մոբիլների արտադրություն — 300,000 դրամ

​🌿Բնապահպանական նախագիծ — 150,000 դրամ

​Սրտանց շնորհավորում ենք մեր բոլոր հաղթողներին։ Թող այս հաջողությունը լինի ամուր սկիզբ, ոգեշնչման աղբյուր և նոր դռներ բացի ձեր գործունեությունն ավելի ընդլայնելու ու նոր բարձունքներ նվաճելու համար։

Թող այս հաղթական սկիզբը լինի մեծ ոգեշնչման աղբյուր՝ ձեր համայնքում գործունեությունն էլ ավելի ընդլայնելու և նոր հաջողություններ կերտելու համար։

​✨ Բարի երթ և արդյունավետ ընթացք ձեր նախագծերին:

27/07/2026

🎨Արվեստը՝ ընդդեմ ընտանեկան բռնության
🖼️ Մարտունու պատկերասրահում տեղի ունեցավ գեղանկարիչ Մարիամ Գալստյանի՝ «Ընտանեկան բռնության կանխարգելում գեղանկարչության միջոցով» թեմատիկ ցուցահանդեսը։
☘️Ցուցահանդեսում ներկայացված ստեղծագործությունները արվեստի լեզվով անդրադարձան ընտանեկան բռնության խնդրին՝ փոխանցելով հզոր ուղերձներ հարգանքի, արժանապատվության, անվտանգության և խաղաղ համակեցության կարևորության մասին։

✅Միջոցառման շրջանակում Մարտունու կանանց աջակցման կենտրոնի համակարգող Hasmik Petrosyan-ը վարեց քննարկում ընտանեկան բռնության էության, դրա կանխարգելման, զոհերին աջակցելու հնարավորությունների և հասարակության յուրաքանչյուր անդամի դերի վերաբերյալ։
Քննարկումը մասնակիցներին հնարավորություն տվեց բաց երկխոսության միջոցով բարձրաձայնել խնդիրը և ևս մեկ անգամ ընդգծել, որ բռնությունը երբեք չի կարող արդարացվել։

🇮🇷Միջոցառման պատվավոր հյուրերից էր նաև Հայաստանում Իրանի Իսլամական Հանրապետության դեսպանության Մշակույթի կենտրոնի ղեկավար պարոն Մոհամմադ Ասադի Մովահեդը, որի մասնակցությունը կարևոր ընդգծում էր մշակույթի, արվեստի և միջազգային համագործակցության դերը մարդասիրական արժեքների և մարդու իրավունքների պաշտպանության գործում։

💜 Արվեստը ոչ միայն գեղեցկություն է ստեղծում, այլև կարող է դառնալ փոփոխությունների ուժ, բարձրաձայնել ցավոտ խնդիրները և նպաստել ավելի անվտանգ, արդար ու բռնությունից զերծ հասարակության ձևավորմանը։

17/07/2026

🤝 Ուրախ էինք մեր կազմակերպությունում հյուրընկալելու Հայաստանում Շվեդիայի Թագավորության արտակարգ և լիազոր դեսպան Ն․ Գ․ Եվա Սունդքուիսթին։

☘️Այցի նպատակն էր տեղում ծանոթանալ Արցախից բռնի տեղահանված մեր հայրենակիցների առջև ծառացած մարտահրավերներին, լսել նրանց խնդիրները, կարիքներն ու պատմությունները։

✅Հանդիպման ընթացքում ներկայացրինք նաև մեր կազմակերպության գործունեությունը, իրականացվող ծրագրերը ու այն աջակցությունը, որը ցուցաբերում ենք Արցախից տեղահանված ընտանիքներին՝ նպաստելով նրանց սոցիալական ներառմանը, հզորացմանն ու նոր հնարավորությունների ստեղծմանը։

🤝Շնորհակալություն այցի, ուշադրության և մարդկանց կյանքի նկատմամբ ցուցաբերած հետաքրքրվածության համար։ Վստահ ենք, որ նման հանդիպումները կարևոր քայլ են փոխըմբռնման, համագործակցության և արդյունավետ աջակցության ուղղությամբ։

30/06/2026

📌 Աշխատանքի հնարավորություն

📍Մարտունու կանանց համայնքային խորհուրդ ՀԿ-ն փնտրում է հոգեբան և արտթերապևտ՝ մեր մասնագիտական թիմին միանալու համար։

✅Եթե դուք ունեք համապատասխան մասնագիտական կրթություն, պատրաստվածություն, երեխաների և նրանց ծնողների հետ աշխատելու փորձ, ինչպես նաև ցանկություն՝ աջակցելու երեխաների հուզական, սոցիալական և անձնային զարգացմանը, սիրով հրավիրում ենք միանալու մեր թիմին։
📩 Դիմելու համար կարող եք ուղարկել ձեր ինքնակենսագրականը [email protected] էլ․ հասցեին կամ զանգահարել 094016848 հեռախոսահամարին։

24/06/2026

📢 Աշխատանքի և սոցիալական հարցերի նախարարության նախագահությամբ կայացել է Ընտանեկան և կենցաղային բռնության կանխարգելման խորհրդի նիստը, որին մասնակցել է «Մարտունու կանանց համայնքային խորհուրդ» ՀԿ նախագահ Anahit Gevorgyan-ը․ քննարկվել են ընտանեկան և կենցաղային բռնության դեմ պայքարի շրջանակում առողջապահության ոլորտում ընթացող բարեփոխումներն ու առկա խնդիրները։
Նիստը վարել է Աշխատանքի և սոցիալական հարցերի նախարարի տեղակալ Տաթևիկ Ստեփանյանը, մասնակցել են Առողջապահության նախարարի տեղակալ Արմեն Գասպարյանը, Արդարադատության նախարարի տեղակալ Աննա Կարապետյանը, ՄԱԿ-ի բնակչության հիմնադրամի հայաստանյան գրասենյակի ղեկավար Լուսինե Սարգսյանը, պետական կառույցների, ոլորտային հասարակական և միջազգային կազմակերպությունների ներկայացուցիչներ։
📌 Նախարարի տեղակալ Տաթևիկ Ստեփանյանն իր խոսքում ընդգծել է ոլորտում համակարգված և շարունակական աշխատանքի կարևորությունը՝ նշելով, որ բռնության կանխարգելումը պահանջում է պետական մարմինների, տեղական ինքնակառավարման մարմինների և քաղաքացիական հասարակության սերտ համագործակցություն։ Նա կարևորել է ընտանեկան բռնության ենթարկված անձանց աջակցության ծառայությունների հասանելիության ապահովումը և առաջնային օղակի մասնագետների կարողությունների զարգացումը։
Առողջապահության նախարարի տեղակալ Արմեն Գասպարյանն իր հերթին նշել է, որ ընտանեկան և կենցաղային բռնությունը ոչ միայն սոցիալական և իրավական, այլև հանրային առողջապահական կարևոր խնդիր է, որը կարող է լուրջ հետևանքներ ունենալ անձի ֆիզիկական և հոգեկան առողջության վրա։ Նա կարևորել է բուժաշխատողների դերը բռնության ենթարկված անձանց վաղ հայտնաբերման, անհրաժեշտ բժշկական օգնության տրամադրման և համապատասխան ծառայություններին ուղղորդման գործընթացում։
🔻 Ընտանեկան և կենցաղային բռնության կանխարգելման խորհրդի նիստը կազմակերպվել էր Աշխատանքի և սոցիալական հարցերի նախարարության և ՄԱԿ-ի բնակչության հիմնադրամի համագործակցությամբ, Եվրոպական միության ֆինանսավորմամբ՝ «Մարդու իրավունքների պաշտպանության խթանում և ազգային հաստատությունների հզորացում» ծրագրի շրջանակում։
Առավել մանրամասն՝ https://mlsa.am/news/1244