01/09/2026
🎒📚 Սեպտեմբերի 1-ը պարզապես դպրոց վերադառնալու օր չէ։
Այն հիշեցում է, որ յուրաքանչյուր երեխա ունի սովորելու, խաղալու, երազելու և իր հնարավորություններին հասնելու հավասար իրավունք։
Անկախ նրանից՝ որտեղ է նա ապրում, ինչ ընտանիքում է մեծանում, ինչ հագուստ է կրում, ինչ հնարավորություններ ունի կամ ինչն է նրան տարբերում մյուսներից։
Եկե՛ք այս տարի մեր երեխաներին մի բան էլ սովորեցնենք՝
մի ծաղրիր։
Մի նվաստացրու։
Մի բացառիր։
Մի ծիծաղիր ուրիշի տարբերության վրա։
Փոխարենը՝ օգնիր։
Ընդունիր։
Կանգնիր կողքին։
Եվ եթե տեսնում ես, որ ինչ-որ մեկը մենակ է՝ նստիր նրա կողքին։
Որովհետև երբեմն երեխայի համար դպրոցում ամենակարևոր դասը դասագրքում գրվածը չէ։
Այն զգացողությունն է, որ ինքը նույնպես կարևոր է, իրեն նույնպես տեսնում են, ընդունում են ու սիրում։
Մենք ուզում ենք երեխաների համար մի աշխարհ, որտեղ տարբեր լինելը թուլություն չէ, օգնություն խնդրելը ամոթ չէ, իսկ հաջողությունը միայն ամենաբարձր գնահատականը չէ։
Թող այս սեպտեմբերի 1-ից յուրաքանչյուր երեխա դպրոց մտնի ոչ թե վախով, որ իրեն կարող են ծաղրել, այլ վստահությամբ, որ իրեն կընդունեն այնպիսին, ինչպիսին կա։ 💛
Շնորհավորում ենք մեր բոլոր երեխաներին՝
նոր գիտելիքների, նոր ընկերների, մեծ երազանքների ու բարի մարդկանց հանդիպումների տարի թող լինի։
Սիրով՝
«Բարի Մամա» թիմ💛
