Հովտաշատի վարչական շրջան

28/01/2026

Շնորհավորում ենք հունվարի 28-ի՝ Հայաստանի Հանրապետության Զինված ուժերի կազմավորման օրվա առթիվ։
Փառք ու պատիվ հայրենիքի պաշտպաններին, շնորհակալություն՝ ծառայության և նվիրումի համար։
Թող հայկական բանակը մշտապես լինի ուժեղ և պատրաստ՝ ապահովելու Հայաստանի Հանրապետության անվտանգությունը։
Շնորհավոր տոնդ հայ զինվոր.

27/01/2026

Հայաստանի Հանրապետության հիշատակի օրը մեզ պարտադրում է հիշել մեր բոլոր նահատակներին՝ նրանց, ովքեր իրենց կյանքը տվեցին հանուն հայրենիքի ազատության, անկախության և հայ ժողովրդի ապագայի։
ՀՀ հիշատակի օրվան հաջորդող Հայոց բանակի կազմավորման օրը ևս մեկ անգամ ընդգծում է մեր հանձնառությունը՝ պաշտպանելու հայրենիքը, պետական սահմանները և մեր ժողովրդի անվտանգությունը։
Հավերժ փառք մեր հերոսներին։
Փառք հայոց բանակին։

23/12/2025

Տոնական օրերի նախաշեմին շրջիկ թատերախումբը Ամանորի մոգական տրամադրությունը հասցնելու է մեր բնակավայր դեկտեմբերի 26-ին ժամը 15:30- ին՝ նվիրելով ուրախություն, ժպիտներ և անմոռանալի պահեր։

09/12/2025

ՈՒՇԱԴՐՈՒԹՅՈՒՆ
✅ Հարգելի քաղաքացիներ, տեղեկացնում ենք, որ Արգավանդ–Հայանիստ–Հովտաշատ մարզային նշանակության ավտոճանապարհի կմ 8+600 հատվածի հիմնանորոգման աշխատանքները ավարտվել են։

Շնորհակալություն համբերության և ըմբռնման համար։

21/09/2025

Սիրելի հայրենակիցներ,

Սեպտեմբերի 21-ը' մեր բոլորիս համար հպարտությամբ լեցուն օր է։ Այս օրը մենք նշում ենք մեր ազգային ինքնության, ազատության և մեր պետականության խորհրդանիշը։

Թող մեր երկիրը մշտապես ծաղկի, զարգանա և ամրապնդվի։ Թող մեր ժողովուրդը միշտ միասնական լինի։

Փառք ու պատիվ բոլոր նրանց, ովքեր իրենց կյանքը նվիրաբերեցին մեր անկախության համար։
Շնորհավոր Անկախության օր🇦🇲

15/09/2025

01/09/2025

Սիրելի աշակերտներ, ուսանողներ, սիրելի մանկավարժներ և ծնողներ:

Հովտաշատ վարչական շրջանի անունից շնորհավորում ենք Ձեզ Գիտելիքի և ուսման օրվա՝ Սեպտեմբերի 1-ի կապակցությամբ։

Այս օրը խորհրդանշում է նոր սկիզբ, նպատակների իրականացման, նոր հնարավորությունների և անձնական աճի ճանապարհի սկիզբ։ Դպրոցի դռները բացվում են՝ ողջունելու աշակերտներին, ում համար գիտելիքի ձեռքբերումը դառնալու է գլխավոր նպատակը։

Մաղթում ենք, որ նոր ուսումնական տարին Հովտաշատ միջնակարգ դպրոցի համար լինի բեղմնավոր, հաջողություններով և նվաճումներով լի։ Թող յուրաքանչյուր դասարան դառնա հետաքրքիր հայտնագործությունների աշխարհ, իսկ յուրաքանչյուր դաս՝ իմաստուն աղբյուր։

Աշակերտներին մաղթում ենք հետաքրքրություն գիտելիքի նկատմամբ, հաստատակամություն և հաջողություն ուսման մեջ։ Մանկավարժներին՝ անսահման համբերություն, մանկավարժական նոր ձեռքբերումներ և ստեղծագործական ոգևորություն։ Ծնողներին՝ համբերատարություն և հպարտություն իրենց երեխաների հաջողություններով։

Թող գիտելիքի լույսը լուսավորի ձեր ճանապարհը և օգնի հասնել ամենաբարձր գագաթներին։

Հարգանքով՝ Հովտաշատի վարչական շրջան։

29/08/2025

ՍԵՊՏԵՄԲԵՐԻ 1-ԻՑ ԿՐԿԻՆ ԿԳՈՐԾԻ ՈՒՍԱՆՈՂՆԵՐԻ ՀԱՄԱՐ ՆԱԽԱՏԵՍՎԱԾ ԱՆՎՃԱՐ ԵՐԹՈՒՂԻՆ

Սիրելի ուսանողներ,
Ուրախությամբ տեղեկացնում ենք, որ սույն թվականի սեպտեմբերի 1-ից կրկին կգործի ուսանողների համար նախատեսված երթուղին:

Ուղևորափոխադրումն իրականացվելու է հետևյալ երթուղով և գրաֆիկով'
📌Ժամը 7:30-ին՝ Մասիս համայնքի Սիփանիկ-Հովտաշատ-Հայանիստ-Խաչփար-Ազատաշեն-Գեղանիստ-Արգավանդ- Արբաթ բնակավայրեր-ք. Երևան
/Մետրոյի Գործարանային կամ Գ. Նժդեհ կայարան/,
✅ժամը 15:30-ին՝ ք. Երևան
/Մետրոյի Գործարանային
կամ Գ. Նժդեհ կայարան/ և
հակառակ ուղղություններով:

20/08/2025

ՇՈՒՏՈՎ ԿՄԵԿՆԱՐԿԵՆ ԱՍՖԱԼՏԱՊԱՏՄԱՆ ԱՇԽԱՏԱՆՔՆԵՐԸ

Հարգելի բնակիչներ,
Ուրախությամբ տեղեկացնում ենք, որ շուտով կմեկնարկվի Հովտաշատ բնակավայրի Շահումյան, Կամոյի և Սևակի փողոցների /2282մ/, ասֆալտապատման աշխատանքները։

Սպասեք նոր ծրագրերի։

07/08/2025

Հարգելի Պարոն Համբարձումյան.

Հովտաշատ վարչական շրջանի անունից շնորհավորում ենք Ձեր ծննդյան տարեդարձի կապակցությամբ։

Ձեր արդյունավետ աշխատանքը, առաջնորդող իմաստությունը, անձնական նվիրվածությունը Մասիս համայնքի զարգացմանը և բարգավաճմանը ոգեշնչում են բոլորիս։ Մաղթում ենք առողջություն, անսպառ էներգիա և նորանոր նվաճումներ։
Հավատում ենք, որ Ձեր ինքնատիպ ղեկավարումը և հայրենասիրությունը կշարունակեն ոգեշնչել մեզ բոլորիս։