«Շիրակ Կենտրոն» ՀԿ
«Shirak Centre » NGO
«Շիրակ կենտրոն» ՀԿ-ն
իր գործունեությունը սկսել է 2005 թ.-ից:
Ի՞ՆՉ Է «ՇԻՐԱԿ ԿԵՆՏՐՈՆԸ»
«Շիրակ կենտրոնը» ոչ կառավարական, անկախ, շահույթ չհետապնդող կազմակերպություն է, գրանցվել է 2006 հունվարի 5-ին (գրանցման վկայական՝ 03Ա 070504)`«Հայաստանի Հանրապետության հասարակական կազմակերպությունների մասին» օրենքի պահանջներին համապատասխան, տեղակայված է Գյումրիում /
Հայաստան/:
«ՇԻՐԱԿ ԿԵՆՏՐՈՆԻ» ՀԻՄՆԱԿԱՆ ԽՆԴԻՐՆԵՐԸ
Աջակցել.քաղաքական մշակույթի ձևավորմանն ու ամրապնդմանը, երիտասարդության շրջանում առաջնորդության հմտությունների զարգացմանը, տարբեր հասարակական, սոցիալական և քաղաքական խմբավորումների միջև կոալիցիաների ձևավորմանը, քաղաքացիական ազատությունների իրավունքների պաշտպանությանը, դասընթացների և սեմինարների կազմակերպման միջոցով քաղաքացիական կրթության ծավալմանը:
ԼՈՒԾՄԱՆ ՈՒՂԻՆԵՐԸ
Քաղաքական տարբեր ուժերի, հասարակական կազմակերպությունների, տարածքային կառավարման և տեղական ինքնակառավարման մարմինների, էթնիկական և սոցիալական տարբեր խմբերի միջև հանդուրժողական մթնոլորտի ձևավորում և բազմակողմանի բաց քննարկումների կազմակերպում, հասարակությանը հիմնախնդիրների լուծման ուղիների մատնանշում.
Համապետական և տեղական ինքնակառավարման մարմինների ընտրություններում դիտորդական առաքելության իրականացում:
Տնտեսական, սոցիալական, քաղաքացիական ազատությունների իրավունքների պաշտպանություն և մոնիտորինգ,
Սերտ համագործակցություն ԶԼՄ-ների հետ, սույն թեմաներին առնչվող լրագրողական աշխատանքների մրցույթների կազմակերպում և դրանց մասսայականացում:
Կազմակերպության նպատակների իրականացմանն ու առաջադրված խնդիրների լուծմանն ուղղված զանգվածային լրատվամիջոցների և տեղեկատվական կենտրոնների ստեղծում:
Նպաստում հաշմանդամ անձանց քաղաքական, մասնավորապես ընտրական իրավունքների պաշտպանությանը:
Քաղաքագիտության և քաղաքականության, համաձայնություններին և բանակցություններին նվիրված մասնագիտական բաց գրադարանի հիմնում:
Ո՞ՎՔԵՐ ԿԱՐՈՂ ԵՆ ԱՆԴԱՄԱԳՐՎԵԼ «ՇԻՐԱԿ ԿԵՆՏՐՈՆԻՆ» ԵՎ ՂԵԿԱՎԱՐԵԼ ՆՐԱ ԳՈՐԾՈՒՆԵՈՒԹՅՈՒՆԸ
Անձը պետք է ունենա.
Նոր գաղափարների և ռազմավարության ընկալման ունակություն:
Դրական փոխհարաբերություններ ստեղծելու և պահպանելու կարողություն, լսելու ցանկություն և նրբանկատություն այլոց հանդեպ:
Անձը պետք է լինի.
Առաջադեմ հայացքներ կրող՝ ժողովրդավարական հասարակությունում քաղաքական և հասարակական կազմակերպությունների զարգացման պարզ պատկերացումներով:
Տեղեկությունների համար կարող եք դիմել «Շիրակ Կենտրոն»:
Սիրով կընդունենք համագործակցության ցանկացած առաջարկ:
