Կրթություն 360/Education 360

15/04/2026

📣 Կրթական հեղափոխություն. ԱԲ-ն դպրոցում

«Կրթություն 360» կրթական-գիտական ՀԿ-ն մեկնարկում է նոր գործնական դասընթաց՝ նախատեսված հատուկ ուսուցիչների համար։

Ինչպե՞ս կարող է Արհեստական բանականությունը դառնալ ուսուցչի հավատարիմ օգնականը, խնայել ժամանակը և դասերը բարձրացնել նոր մակարդակի վրա։

​Միացե՛ք մեր բաց տեղեկատվական հանդիպմանը, որտեղ կխոսենք դասընթացի ծրագրի և ԱԲ-ի ընձեռած հնարավորությունների մասին։

​🗓 Հանդիպման օրը՝ Ապրիլի 18
⏰ Ժամը՝ 18:00 (տևողությունը 30-40 րոպե)
📍 Ձևաչափը՝ Zoom (հղումը կստանաք հանդիպման օրը)

​Ի՞նչ է սպասվում հիմնական դասընթացին.
​Մենք միասին կունենանք 4 գործնական հանդիպում, որտեղ կսովորենք կիրառել ԱԲ գործիքները հենց ուսուցչի աշխատանքում։

​📅 Դասընթացի օրերն են՝ ապրիլի 25, մայիսի 2, 9, 16
🕕 Ժամը՝ 18:00 (տևողությունը 90 րոպե)
💰 Ամբողջ դասընթացի արժեքը՝ 8000 դրամ
✨ Դասընթացի ավարտին կստանաք հասարակական կազմակերպության կողմից հաստատված վկայական

​🔗 Տեղեկատվական հանդիպման մուտքն ազատ է, բայց գրանցումը պարտադիր՝ https://surl.li/sdjiya

30/03/2026

Վաղը 13:00-ին...

Վեբինար-հարցազրույց էսսեի վերաբերյալ
Առցանց վեբինար հարցուպատասխան՝ էսսեի ձևաչափով 9-րդ դասարանի ավարտական քննության վերաբերյալ
Մարտի 31-ին՝ ժամը 13։00-ին, Արմենպրես գործակալության ուղիղ եթերում կկայանա 9-րդ դասարանի ավարտական քննությունը էսսեի ձևաչափով անցկացնելու վերաբերյալ վեբինար հարցուպատասխան, որի ընթացքում կպարզաբանվեն նախապես ստացված, ինչպես նաև ուղիղ եթերի ընթացքում ներկայացված հարցերը։
Վեբինարի բանախոսներն են՝
✅ԿԳՄՍ նախարարի տեղակալ Արաքսիա Սվաջյանը
✅ԿԳՄՍՆ հանրակրթության վարչության պետ Թամարա Սարգսյանը
✅ԿԶՆԱԿ տնօրեն Ժաննա Հարությունյանը
✅ԿԶՆԱԿ հանրակրթության պետական չափորոշչի և ուսումնական ծրագրերի բաժնի պետ Գայանե Մկրտչյանը
Վեբինարի ուղիղ եթերին հնարավոր է հետևել ԿԳՄՍՆ ֆեյսբուքյան էջում, ինչպես նաև Արմենպրես գործակալության Յութուբի հարթակում։
https://kznakhimnadram.blogspot.com/2026/03/blog-post_30.html

27/03/2026

Կամավոր ատեստավորման գործընթացը ուսուցիչների համար ոչ միայն մասնագիտական համապատասխանության ստուգում է, այլև սեփական հմտությունների վերարժևորման և զարգացման հնարավորություն։ Սա պահանջում է հետևողական աշխատանք և առարկայական ծրագրերի խորքային իմացություն։

​Մեր կազմակերպությունը, կարևորելով կրթության որակն ու ուսուցչի մասնագիտական աճը, նախապատրաստում է վերապատրաստումների շարք՝ ուղղված կամավոր ատեստավորմանը նախապատրաստվող մասնագետներին։ Ծրագիրը կներառի թեստային առաջադրանքների մեթոդական վերլուծություն, բարդ թեմաների քննարկում և գիտելիքների ստուգման գործնական փուլեր։

​Առաջիկայում կհրապարակենք մանրամասն տեղեկատվություն դասընթացների ժամանակացույցի և գրանցման կարգի վերաբերյալ։ Մենք պատրաստ ենք աջակցել ձեզ այս կարևոր փուլում

21/02/2026

Հարգելի՛ գործընկերներ, կրթագիտական գործունեությամբ զբաղվող «Կրթություն 360°» հասարակական կազմակերպությունը իրականացնում է սոցիալական անանուն հարցում ուսուցիչների շրջանում՝ պարզելու համար մասնագիտական զարգացման կարիքները։

Խնդրում ենք հատկացնել 5 րոպե ժամանակ՝ հնարավորություն ստեղծելով գնահատել մասնագիտական կարիքները և իրականացնելու կարիքահեն գործունեություն։

Սիրելի՛ գործընկերներ, խնդրում ենք անկեղծորեն պատասխանել ներկայացված անանուն հարցմանը, որի նպատակն է ուսուցիչների շրջանում բացահայտել մասնագիտական կարիքները, մշա...

08/02/2026

Կրթության մեջ չափազանց կարևոր է մոտիվացիայի դերը: Առանց մոտիվացիայի ոչ աշակերտները, ոչ էլ ուսուցիչը չեն կարող հասնել արդյունքի: Ձեզ ենք ներկայացնում երեք մոտիվացիոն ֆիլմեր երազանքի, պայքարի, չհանձնվելու և հավատի մասին:

Դիտե'ք ֆիլմերը, կիսվեք Ձեր գործընկերների և աշակերտների հետ: Կիրակի երեկոն հիանալի ժամանակ է նոր գաղափարներով լիցքավորվելու և ՎԱՂԸ նոր էջից սկսելու համար:
1. Տղան, որը սանձեց քամին,
2. Խելացի Ուիլ Հանթինգը,
3. Արքա Ռիչարդ:

Մաղթում ենք հաճելի դիտում:
Կիսվեք մոտիվացիոն ֆիլմերով մեկնաբանություններում:

07/02/2026

Գիտեի՞ք, որ մենք հիշում ենք մեր կարդացածի ընդամենը 10%-ը 📖🧠
​Սակայն պատկերը կտրուկ փոխվում է, երբ մենք անցնում ենք գործի:

Ըստ հետազոտությունների՝ մարդու ուղեղը յուրացնում է տեղեկատվության.
​🔹 20%-ը՝ երբ միայն լսում է,
🔹 50%-ը՝ երբ տեսնում և լսում է միաժամանակ,
🔹 70%-ը՝ երբ ինքն է մասնակցում քննարկմանը,
🔹 90%-ը՝ երբ սովորածը կիրառում է գործնականում կամ սովորեցնում է ուրիշին:

​Սա է պատճառը, որ ժամանակակից դպրոցում ուսուցիչը դադարում է լինել պարզապես «դասախոսող» և դառնում է ուղղորդող: Իսկական կրթությունը տեղի է ունենում այն ժամանակ, երբ աշակերտը ձեռքերը «թաթախում է» պրոցեսի մեջ:
​ Դասարանը փորձարկումների և բացահայտումների լաբորատորիա է, ոչ թե լռության դահլիճ:

06/02/2026

Ինչպե՞ս պատրաստել դասի պլանը 5 րոպեում (Արհեստական բանականությունը՝ որպես օգնական) 🤖

​Հարգելի՛ ուսուցիչներ, քանի՞ ժամ եք ծախսում ամեն երեկո հաջորդ օրվա դասի պլանը կամ թեստերը կազմելու վրա։ Իսկ եթե ասենք, որ այդ աշխատանքի 80%-ը կարելի է պատվիրել «թվային օգնականին»։

​Այսօր կիսվում ենք մի պարզ հնարքով, թե ինչպես օգտագործել ChatGPT-ն կամ նմանատիպ ծրագրերը Ձեր օգտին։

​💡 Մուտք գործեք AI հարթակ և տվեք հետևյալ հրահանգը.
​«Ես [առարկայի անուն] ուսուցիչ եմ: Պատրաստիր դասի պլան [թեմայի անուն] թեմայով 7-րդ դասարանի համար: Ներառիր մեկ ինտերակտիվ խաղ և 5 հետաքրքիր հարց քննարկման համար»:
​Արդյունքը. Դուք վայրկյանների ընթացքում կստանաք կմախքը, որը կարող եք հարմարեցնել Ձեր դասարանին։ Սա ոչ թե Ձեր փոխարեն մտածելն է, այլ Ձեզ ժամանակ տալը՝ ստեղծագործելու և աշակերտների հետ անմիջական աշխատելու համար։

​📍 Դուք արդեն փորձե՞լ եք կիրառել AI գործիքները Ձեր աշխատանքում, թե՞ դեռ զգուշանում եք դրանցից։ Գրեք ձեր փորձի մասին մեկնաբանություններում։
​Մեր առաջիկա վերապատրաստման ժամանակ մենք մանրամասն սովորեցնելու ենք, թե ինչպես դարձնել տեխնոլոգիաները Ձեր լավագույն դաշնակիցը, որպեսզի աշխատանքը դառնա հաճույք, այլ ոչ թե հոգնեցնող պարտականություն։ ✨

05/02/2026

Ուսուցիչ լինելը միայն մասնագիտություն չէ, այն անդադար կատարելագործում է։ 🔄

​Այսօրվա աշակերտին դաս լսել ստիպելը գրեթե անհնար է, եթե չկա հետաքրքրություն։
Մենք գիտենք, թե որքան էներգիա է պահանջվում յուրաքանչյուր դասին պատրաստվելու, նոր մեթոդներ փնտրելու և միևնույն ժամանակ հսկայական թղթաբանություն հասցնելու համար։
​Հաճախ «վերապատրաստում» բառը ուսուցիչների մոտ ասոցացվում է լրացուցիչ հոգնածության հետ։ Բայց արդյո՞ք այդպես պետք է լինի։

​Մենք հավատում ենք, որ վերապատրաստումը պետք է․
✅ Ոչ թե խլի ժամանակ, այլ խնայի այն (տալով պատրաստի գործիքներ)։
✅ Ոչ թե հոգնեցնի, այլ ոգեշնչի։
✅ Տա գիտելիք, որը կիրառելի է հենց հայկական դպրոցի իրականության մեջ։

​Մեր թիմն այս օրերին ավարտում է մի ծրագրի մշակում, որը ստեղծված է ուսուցչի կողմից՝ ուսուցչի համար։ Մենք չենք խոսելու միայն տեսությունից, մենք լուծելու ենք դասարանում առաջացող իրական խնդիրները։

​📍 Հարգելի՛ կոլեգաներ, ո՞րն է ձեզ համար այս պահին ամենամեծ մարտահրավերը դասարանում։
​Աշակերտների ուշադրության պահպանումը։
​Թվային գործիքների կիրառումը։
​Ժամանակի կառավարումը։
​Գրեք ձեր տարբերակը, և մենք հաշվի կառնենք դա մեր առաջիկա սեմինարների բովանդակության մշակման ընթացքում։ 👇

04/02/2026

5 րոպե, որը կփոխի ձեր սովորելու ձևը. Ֆեյնմանի մեթոդը 💡

​Հաճախ մենք կարծում ենք, թե հասկացել ենք որևէ թեմա, բայց հենց փորձում ենք բացատրել, բառերը չեն հերիքում։ Նոբելյան մրցանակակիր ֆիզիկոս Ռիչարդ Ֆեյնմանն առաջարկում էր հանճարեղ մի մեթոդ՝ ցանկացած բարդ բան արագ սովորելու համար։

​Ի՞նչ է պետք անել.
​1️⃣ Ընտրեք թեման և սկսեք այն ուսումնասիրել։
2️⃣ Բացատրեք այն 8 տարեկան երեխային. Փորձեք գրի առնել թեման այնքան պարզ, որ նույնիսկ երեխան հասկանա (առանց բարդ տերմինների)։
3️⃣ Գտեք ձեր «սպիտակ էջերը». Եթե ինչ-որ տեղ կանգ եք առնում կամ ստիպված եք օգտագործել մասնագիտական բառեր, նշանակում է՝ այդ հատվածը լավ չեք պատկերացնում։
4️⃣ Վերադարձեք գրքերին. Կրկին կարդացեք միայն այդ բարդ հատվածը և պարզեցրեք։

​✅ Արդյունքը. Դուք ոչ թե անգիր եք անում, այլ իրապես հասկանում եք նյութը։

​💬 Փորձե՞նք. Մեկնաբանություններում մեկ նախադասությամբ բացատրեք ձեր մասնագիտությունը այնպես, որ երեխան հասկանա։ Տեսնենք՝ ում մոտ ավելի պարզ կստացվի: 👇

03/02/2026

Ասում են՝ «Գիտելիքը միակ բանն է, որը կիսելիս բազմանում է»։ 🌟

​Մեր կազմակերպությունը ստեղծվել է մի պարզ, բայց կարևոր գաղափարի շուրջ՝ դարձնել կրթությունն ու գիտությունը ոչ թե պարտականություն, այլ ապրելակերպ։

Մենք հավատում ենք, որ յուրաքանչյուր մարդ՝ անկախ մասնագիտությունից կամ տարիքից, ունի ներուժ, որը բացահայտվելու կարիք ունի։

​Ի՞նչ սպասել մեր էջից․
✅ Օգտակար նյութեր և գիտական բացահայտումներ,
✅ Ոգեշնչող պատմություններ և փորձի փոխանակում,
✅ Քննարկումներ արդիական թեմաների շուրջ։

​Մենք այստեղ ենք, որպեսզի միասին հարցեր տանք, գտնենք պատասխաններ ու դառնանք ավելի հմուտ ու իրազեկ։

​📍 Հետաքրքիր է՝ ո՞րն է այն թեման, որի մասին կարող եք ժամերով խոսել կամ կարդալ։ Կիսվեք մեզ հետ մեկնաբանություններում։ 👇

15/10/2024

Ինտելեկտուալ խաղ նվիրված Շիրակի պետական համալսարանի հիմնադրման 90-ամյակին