«Միտ» կրթական կենտրոն

«Միտ» կրթական, ինժեներական և փորձարարական կենտրոնը հիմնադրվել է 2016թ-ին: Կրթական կենտրոնի գլխավոր նպատակն է նպաստել ինժեներությամբ հետաքրքրվող թիմերի, խմբակների, կառույցների ձևավորմանըն ու զարգացմանը։ Վերջին տարիներին կրթական կենտրոնը իրականացնում է ապագա օդագնացների (թռչող սարքեր կառավարող օդաչուներ) ձևավորման և զարգացման առաքելություն։

Խմբակը պատրաստ է իր հարկի տակ ընդունելու 10 տարին լրացած այն աղջիկներին և տղաներին, ովքեր հետաքրքրված են ինժեներությամբ և ցանկանում են բացահայտել ավիամոդելավորման գաղտնիքները:

Դասերն իրականացվում են շաբաթական 2 օր՝ 2-4-ական ժամով։

«Միտ»-ում ավիամոդելավորման գիտելիքներ ու փորձ են ստացել ավելի քան 5000 սան։

Կենտրոնի նախաձեռնությամբ պարբերաբար իրականացվում են դաշտային պարապմունքներ, որոնց ընթացքում սաները հնարավորություն են ունենում փարձարկելու իրենց իսկ կողմից ստեղծված մոդելները:

Արդեն երրորդ տարին է ինչ կրթական կենտրոնը նախաձեռնել է «Օդագնացներ կրթական» ծրագիրը, որի ընթացքում Հայաստանի բոլոր մարզերի 14-18 տարեկան երիտասարդները հնարավորություն են ստանում անվճար մասնակցելու ծրագրի շրջանակներում կազմակերպվող տարաբնույթ միջոցառումների, ինչպիսիք են տեխնոճամբարները, մրցույթները և հաքաթոնները։

«Միտ» կրթական, ինժեներական և փորձարարական կենտրոնի գործունեությանն աջակցելու և Հայաստանում անօդաչու մոդելների ստեղծմանն օժանդակելու համար կարող եք ձեր նվիրատվությունները կատարել հետևյալ հաշվեհամարներին՝
Ինեկոբանկ ՓԲԸ
AMD 2050122230411001 USD 2050122230411020 EUR 2050122230411040 RUB 2050122230411041
Ստացող՝ ՄԻՏ ՀԿ

PayPal