Կենտրոնական Շիրակ ՏԱԽ/Central Shirak LAG

17/08/2026

Արմենպրեսսի անդրադարձը մեր յուրահատուկ գրադարանային մոդելներին 😊

Շիրակի մարզի Ախուրյան համայնքի Մարմաշեն, Կապս և Մայիսյան բնակավայրերում բացվել են նոր, ժամանակակից ոճով կահավորված գրադարաններ՝ հարմարավետ ընթերցասրահով, խաղաղ...

09/08/2026

Մայիսյանում իր դռները բացեց «Կալեյդոսկոպ» ցանցի երրորդ գյուղական գրադարանը՝ գույն, շարժ ու հետաքրքրություն բերելով գյուղական միջավայր։

Գրադարանը ստեղծվել է European Union in Armenia EU-LEAD4Shirak ծրագրի շրջանակում։ Նմանատիպ նորարարական գրադարաններ արդեն գործում են Կապսում և Մարմաշենում։

Բացման միջոցառմանը Մայիսյանի երեխաները ներկայացրին իրենց պատրաստած «Անբան Հուռի» ներկայացումը՝ օրը լցնելով ուրախությամբ և ստեղծագործական էներգիայով։

«Կալեյդոսկոպը» ոչ միայն գրադարան է, այլև համայնքային տարածք՝ հանդիպումների, դասընթացների և քննարկումների համար։ Այստեղ երեխաներն ու երիտասարդները կարող են կարդալ, ստեղծագործել, հաղորդակցվել և զարգանալ։

24/07/2026

«2 կետ» կրթական սիմուլացիոն խաղի լավագույն ակնթարթները 😊

13/07/2026

Կենտրոնական Շիրակ ՏԱԽ-ի նախաձեռնությամբ ստեղծված «2 կետ» կրթական սիմուլացիոն խաղը անցկացվեց Ախուրյանի երիտասարդական հաբ / Akhuryan Youth HUB-ում։

Խաղի ընթացքում երիտասարդները զարգացրեցին թիմային աշխատանքի, համագործակցության, ռազմավարական մտածողության և ստեղծարար լուծումներ գտնելու հմտությունները՝ աշխատելով խմբերով և կայացնելով համատեղ որոշումներ։

Այս հանդիպումը դարձավ ևս մեկ հնարավորություն՝ խաղային և հաճելի միջավայրում զարգացնելու կարևոր կյանքի հմտությունները, ամրապնդելու համագործակցության մշակույթը և ձևավորելու ավելի ուժեղ թիմային ոգի։

Շնորհակալություն ենք հայտնում Ախուրյանի երիտասարդական ՀԱԲ-ին՝ համագործակցության և երիտասարդների համար նման հետաքրքիր և զարգացնող միջավայր ստեղծելու համար 😊

08/07/2026

Կենտրոնական Շիրակ ՏԱԽ-ը LEAD4SHIRAK ծրագրի շրջանակներում, ստեղծել է «2 կետ» կրթական սիմուլացիոն խաղը։
Կրթական խաղը հանդիսանում է Եվրոպական LEADER մեթոդաբանության գաղափարախոսությանն ու սկզբունքներին նվիրված առաջին հայալեզու խաղը:
Խաղի հիմնական նպատակն է մասնակիցներին պարզ, բայց միաժամանակ հետաքրքիր ձևաչափով հաղորդակից դարձնել համայնքային զարգացման ժամանակակից մոտեցումներին:

Խաղի ընթացքում խաղացողները գործնականում կկիրառեն ու կհասկանան տարբեր ոլորտների միջև սերտ համագործակցության կարևորությունը՝ հանուն մեկ ընդհանուր նպատակի՝ համայնքի կայուն զարգացմանը և առաջընթացին:

🇪🇺🇦🇹 Ծրագիրն իրականացվել է EU-LEAD4Shirak ծրագրի շրջանակներում Կենտրոնական Շիրակ ՏԱԽ-ի աջակցությամբ, Եվրոպական միության և Ավստրիական զարգացման համագործակցության ֆինանսավորմամբ:

23/06/2026

Դիլիջանում մեկնարկել է «ԼԻԴԵՐ-ն առանց սահմանների» եռօրյա կարողությունների զարգացման դասընթացն ու ռազմավարական աշխատաժողովը, որը համախմբել է տեղական ակտիվ խմբերի ներկայացուցիչներին, ոլորտային փորձագետներին և միջազգային գործընկերներին՝ համայնքների զարգացմանն ուղղված նոր գաղափարների և համագործակցության հնարավորությունների շուրջ։

📌 Աշխատաժողովի առաջին օրը նվիրված էր LEADER/CLLD մոտեցման եվրոպական փորձի, ազգային LEADER ցանցերի ինստիտուցիոնալ կայունության և միջազգային համագործակցության հեռանկարների քննարկմանը։ Մասնակիցները հնարավորություն ունեցան ծանոթանալու Վիշեգրադյան երկրների հաջողված փորձին, քննարկելու տեղական ակտիվ խմբերի զարգացման արդյունավետ մեխանիզմները և համայնքներում նոր նախաձեռնությունների իրականացման հնարավորությունները։

🤝 Դասընթացի շրջանակում կայացած հանդիպումները միջազգային և տեղական գործընկերների հետ կարևոր հարթակ դարձան փորձի փոխանակման, գործընկերային կապերի ամրապնդման և ապագա համագործակցության նոր ուղղությունների ձևավորման համար։

17/05/2026

📌Մարմաշենում ևս բացվեց «Kaleidoscope» գյուղական գրադարանը

«Kaleidoscope»-ը գրադարանների նոր մոդել է, որը Կենտրոնական Շիրակ ՏԱԽ-ն է ձևավորել՝ գյուղական համայնքների համար։ Այս տարածքները գյուղական առօրյայի մեջ բերում է գույներ, ստեղծագործական մթնոլորտ ու կենդանի հաղորդակցություն։

Ծրագիրն իրականացվել է EU-LEAD4Shirak-ի շրջանակներում՝ Կենտրոնական Շիրակ ՏԱԽ-ի և Ախուրյան համայնքի աջակցությամբ, European Union in Armenia և Ավստրիական զարգացման համագործակցության ֆինանսավորմամբ։

15/05/2026

📚 Հաջորդ բնակավայրը Մարմաշենն է որտեղ ևս բացվեց «Kaleidoscope» գյուղական գրադարան, որը ուղղակի գրադարան չէ այլ վայր որտեղ գրքերը կյանք են ստանում։

«Kaleidoscope»-ը գրադարանների նոր մոդել է, որը Կենտրոնական Շիրակ ՏԱԽ-ն է ձևավորել՝ գյուղական համայնքների համար։ Այս տարածքները գյուղական առօրյայի մեջ բերում է գույներ, ստեղծագործական մթնոլորտ ու կենդանի հաղորդակցություն։

«Kaleidoscope»-ը տարածք է շփվելու, ստեղծագործելու և ինքնաարտահայտվելու համար՝ երեխաների, երիտասարդների ու համայնքի բոլոր անդամների համար, ովքեր ցանկանում են ոչ թե պարզապես կարդալ, այլ ստեղծել ու կիսվել։

📍Ծրագիրն իրականացվել է EU-LEAD4Shirak-ի շրջանակներում՝ Կենտրոնական Շիրակ ՏԱԽ-ի և Ախուրյան համայնքի աջակցությամբ, European Union in Armenia -ի և Ավստրիական զարգացման համագործակցության ֆինանսավորմամբ։

11/05/2026

🇪🇺 Ուրախ ենք հայտնել, որ Կենտրոնական Շիրակ ՏԱԽ-ը Եվրոպայի օրվա տոնին ներկայացավ իր ինֆորմատիվ տաղավարով։

Մեր տաղավարում այցելուները ծանոթացան ՏԱԽ-ի գործունեությանը, գյուղական զարգացման ծրագրերին և Եվրոպական Միության աջակցությամբ իրականացված նախաձեռնություններին 💙

08/05/2026

📚✨ Կապսում բացվում է Կալեիդոսկոպ գրադարանը։
Այսօր՝ մայիսի 8-ին, Կենտրոնական Շիրակ ՏԱԽ-ի նախաձեռնությամբ Ախուրյան համայնքի Կապս բնակավայրում պաշտոնապես բացվեց Կալեիդոսկոպ գրադարանը։
Կալեիդոսկոպը կարդալու, նոր ծանոթությունների ու թարմ գաղափարների վայր է։ Մենք հավատում ենք, որ մեծ երազանքները հենց փոքր բնակավայրերից են սկսվում, ու «Կալեիդոսկոպը» դրա լավագույն ապացույցն է։

🌍 Ծրագիրն իրականացվել է EU-LEAD4Shirak ծրագրի շրջանակներում՝ Կենտրոնական Շիրակ ՏԱԽ-ի և Ախուրյան համայնքի աջակցությամբ, Եվրոպական միության և Ավստրիական զարգացման համագործակցության ֆինանսավորմամբ։