Գոշավանքի վերազարթոնք / Goshavank Renaissance

Մեր առաքելությունն է

· Վերականգնել Գոշավանքը որպես պատմական, ճարտարապետական ժառանգություն

· ստեղծել Մխիթար Գոշի ժառանգության ուսումնասիրման, պահպանման հարթակ

· ստեղծել դպրոց, որը կդառնա արժեքների և արժեհամակարգերի կերտման հարթակ։

Մեր նպատակներն են

· Գոշավանքի վերականգնում և վերանորոգում

· գաղափարների և արժեհամակարգերի կերտման հարթակի ստեղծում`բաղկացած գիտական, իրավական,բարոյական և ֆիզիկական դաստիարակության բաղադրիչներից

· արհեստների և արվեստների դպրոցների հիմնում և աջակցություն առկա դպրոցներին

· տարածաշրջանի մշակութային ժառանգության պատշաճ ներկայացում և իրազեկում, մասնավորապես` Մխիթար Գոշի կյանքի և գործունեության վերաբերյալ` զուգահեռներ տանելով ներկա մարդու խնդիրների հետ

· հիմնվելով իրավական փաստաթղթերի և մշակութային արժեքների ստեղծման ժառանգության վրա՝ կենտրոնների ձևավորում, որտեղ այսօր ևս տրվում են հասարակական խնդիրների լուծումներ։

Մեր նպատակը վանք և շինություն կառուցելը չէ։ Քարը չէ մեր նպատակը։ Մեր նպատակը հոգու տաճարը կառուցելն է։ Ձեռք ձեռքի են գնում հոգին և քարը։ Չկա հոգին՝ քարը գոյություն չունի:

Մեր նպատակը առաքինի մարդ կերտելն է։

Գոշավանքը դարձնենք Տավուշ աշխարհի և ողջ Հայաստանի նոր կյանքի վերանորոգման և վերազարթոնքի խորհրդանիշը։