Հայաստանի Բուհերի Արհմիություն - Trade Union of Higher Education of Armenia

  • Home
  • Armenia
  • Erevan
  • Հայաստանի Բուհերի Արհմիություն - Trade Union of Higher Education of Armenia

Հայաստանի Բուհերի Արհմիություն - Trade Union of Higher Education of Armenia Contact information, map and directions, contact form, opening hours, services, ratings, photos, videos and announcements from Հայաստանի Բուհերի Արհմիություն - Trade Union of Higher Education of Armenia, Labor Union, Վազգեն Սարգսյան 26/3, 608 սենյակ, Erevan.

Հարգելի՛ դասախոսներ, կրթության և գիտության ոլորտի սիրելի՛ գործընկերներ,Ջերմորեն շնորհավորում եմ ձեզ Գիտելիքի և դպրության...
01/09/2026

Հարգելի՛ դասախոսներ,
կրթության և գիտության ոլորտի սիրելի՛ գործընկերներ,

Ջերմորեն շնորհավորում եմ ձեզ Գիտելիքի և դպրության օրվա և նոր ուսումնական տարվա մեկնարկի առթիվ։
Սեպտեմբերի 1-ը նոր ուսումնական տարվա սկիզբն է, բայց միևնույն ժամանակ՝ գիտելիքի, մտքի և կրթության նկատմամբ մեր հավատը վերահաստատելու խորհրդանշական օրը։ Ամեն տարի այս օրը մեզ հիշեցնում է, որ պետության կայուն ու արժանապատիվ ապագան կառուցվում է նախ և առաջ կրթված, գիտակից և պատասխանատու սերնդի միջոցով։
Բարձրագույն կրթությունն իր առաքելությամբ շատ ավելին է, քան մասնագիտության փոխանցումը։

Այս կարևոր առաքելության կենտրոնում դուք եք՝ դասախոսները։ Ձեր մասնագիտական գիտելիքը, տարիների փորձը, պահանջկոտությունն ու մարդկային վերաբերմունքը ձևավորում են ոչ միայն մասնագետների, այլև անհատների, քաղաքացիների ու ապագա առաջնորդների։
Սակայն կրթության բարձր որակի հիմքում նաև դասախոսի արժանապատիվ աշխատանքն է։ Գիտելիք ստեղծող և փոխանցող մասնագետը պետք է ունենա իր աշխատանքի նկատմամբ արժանի վերաբերմունք, արդար վարձատրություն, մասնագիտական զարգացման հնարավորություններ, աշխատանքային ու մասնագիտական իրավունքների լիարժեք պաշտպանություն և սոցիալական արժանապատիվ պայմաններ։

Որպես արհմիություն՝ մենք համոզված ենք, որ ուժեղ կրթական համակարգը հնարավոր չէ կառուցել առանց ուժեղ, պաշտպանված և արժևորված աշխատողի։ Մեր պարտավորությունն է շարունակել հետևողականորեն պաշտպանել բուհերի աշխատողների աշխատանքային և մասնագիտական իրավունքները, նպաստել արժանապատիվ աշխատանքի մշակույթի ամրապնդմանը և բարձրաձայնել այն խնդիրները, որոնք անմիջականորեն առնչվում են կրթության ոլորտի աշխատողի իրավունքներին ու բարեկեցությանը։
Այս կարևոր օրվա առթիվ շնորհակալություն ենք հայտնում ձեր նվիրումի, համբերության, հետևողականության և ամենօրյա մասնագիտական աշխատանքի համար։

Մաղթում ենք ամուր առողջություն, անսպառ եռանդ, ստեղծագործական նոր ուժ, մասնագիտական ձեռքբերումներ և ձեր աշխատանքի արդյունքներով հպարտանալու բազմաթիվ առիթներ։

Թող նոր ուսումնական տարին լինի նոր գաղափարների, հաջողությունների և առաջընթացի տարի։ Թող մեր բուհերում ավելի ամուր լինեն գիտելիքի, մասնագիտական ազատության, սոցիալական արդարության և արժանապատիվ աշխատանքի արժեքները։

Շնորհավո՛ր Գիտելիքի և դպրության օրը։
Շնորհավո՛ր նոր ուսումնական տարվա մեկնարկը։

Սիրով՝
Հայաստանի բուհերի արհմիության նախագահ Արմեն ԱՎԵՏԻՍՅԱՆ

Ուրախությամբ տեղեկացնում ենք, որ 2026 թվականի ապրիլի 21-23-ը Բրյուսելում կայացած Կրթության միջազգային գլոբալ արհմիությու...
06/05/2026

Ուրախությամբ տեղեկացնում ենք, որ 2026 թվականի ապրիլի 21-23-ը Բրյուսելում կայացած Կրթության միջազգային գլոբալ արհմիությունների ֆեդերացիայի (Education International) գործադիր խորհրդի 72-րդ նիստի որոշմամբ Հայաստանի ԲՈՒՀ-երի արհմիությունը ընդունվել է որպես կազմակերպության լիիրավ անդամ՝ որոշումը անմիջապես ուժի մեջ մտնելու պայմանով։

Այս կարևոր ձեռքբերումը վերահաստատում է մեր կազմակերպության դերը և ներգրավվածությունը բարձրագույն կրթության ոլորտի միջազգային համագործակցության մեջ։ Հայաստանի բուհերի արհմիության անդամակցությունը Education International-ին նոր հնարավորություններ է ստեղծում միջազգային փորձի փոխանակման, կրթության ոլորտի աշխատողների իրավունքների պաշտպանության և համատեղ ծրագրերի իրականացման համար։

Մենք շնորհակալություն ենք հայտնում Education International-ին վստահության և աջակցության համար և պատրաստակամ ենք նպաստելու համաշխարհային կրթական արհմիութենական շարժման զարգացմանը՝ ի շահ մեր անդամների և Հայաստանի բարձրագույն կրթական համակարգի։

Շնորհավորում ենք մեր բոլոր անդամներին և գործընկերներին այս կարևոր իրադարձության կապակցությամբ։

Հ․Գ․ Education International-ի կողմից անդամակցության մասին մեզ ուղարկված պաշտոնական գրությունը կցվում է։

Սիրելի՛ կանայք և աղջիկներ,Սրտանց շնորհավորում եմ ձեզ Մարտի 8-ի՝ Կանանց միջազգային օրվա կապակցությամբ։Այս գարնանային տոնը...
08/03/2026

Սիրելի՛ կանայք և աղջիկներ,

Սրտանց շնորհավորում եմ ձեզ Մարտի 8-ի՝ Կանանց միջազգային օրվա կապակցությամբ։

Այս գարնանային տոնը ոչ միայն գեղեցկության և մայրության խորհրդանիշ է, այլև հիշեցում է կանանց իրավունքների, հավասար հնարավորությունների և արժանապատիվ աշխատանքի կարևորության մասին։ Կանանց դերը հասարակության զարգացման, ընտանիքի ամրապնդման և աշխատանքային կոլեկտիվների առաջընթացի գործում անգնահատելի է։

Բարձր եմ գնահատում ձեր նվիրվածությունը, աշխատասիրությունը և ակտիվ մասնակցությունը հասարակական ու աշխատանքային կյանքին։ Հայաստանի բուհերի արհմիութենական կազմակերպությունը մշտապես կարևորում է կանանց աշխատանքային իրավունքների պաշտպանությունը, հավասար հնարավորությունների ապահովումը և անվտանգ ու արժանապատիվ աշխատանքային պայմանների ձևավորումը։

Մաղթում եմ ձեզ ամուր առողջություն, ընտանեկան երջանկություն, բարօրություն և նորանոր հաջողություններ ձեր կարևոր ու պատասխանատու գործունեության մեջ։

Թող գարնանային այս գեղեցիկ տոնը ձեր կյանք բերի նոր հույսեր, ուժ և լավատեսություն։ Շնորհավոր Մարտի 8-ը։

Սիրով և գնահատանքով՝
Հայաստանի բուհերի արհմիության նախագահ Արմեն ԱՎԵՏԻՍՅԱՆ

Address

Վազգեն Սարգսյան 26/3, 608 սենյակ
Erevan
0056

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00

Telephone

+37410587217

Website

Alerts

Be the first to know and let us send you an email when Հայաստանի Բուհերի Արհմիություն - Trade Union of Higher Education of Armenia posts news and promotions. Your email address will not be used for any other purpose, and you can unsubscribe at any time.

Shortcuts

Share

Category