15/05/2026
Այսօր «Մեր տուն» ՀԿ-ում տեղի ունեցավ Ջանգյուլումի վիճակի օրվան նվիրված գեղեցիկ և ուրախ միջոցառում։ ✨
Հիսուս Քրիստոսի Համբարձման տոնը Հայ Առաքելական Սուրբ Եկեղեցին նշում է դեռևս V դարից։ Այս տոնը հարուստ է ոչ միայն եկեղեցական խորհուրդներով, այլև ժողովրդական գեղեցիկ ավանդույթներով ու ծեսերով։
Ավանդույթի համաձայն՝ աղջիկներից ամենակրտսերին զարդարել են հարսի զգեստով։ «Ջանգյուլում» երգից հետո հենց նրան էր վիճակված խորհրդավոր փարչի միջից հանել վիճակահանության իրը, որի միջոցով փոխանցվել է երգի ուղերձը՝ բարի բախտ կամ անհաջողություն։
Համբարձման տոնին բնորոշ այս գեղեցիկ արարողությունը միշտ եղել է սիրված և սպասված՝ ուղեկցվելով ուրախ երգերով, խաղերով ու կատակներով։ ❤️