Բերդ Մշակույթի Կենտրոն ՄՀԿ Berd Mshakuyti Kentron

12/06/2026

Գյուղի երիտասարդը և գրականությունը
#ՈՒրբաթՕրով
#ԲՄԿ
#Մշակույթ
#Գյուղ
#Երիտասարդ

12/06/2026

Այսօր մեր սիրելի հայրենակցուհի, Չորաթանի մշակույթի տան երկարամյա և նվիրյալ աշխատակցուհի Ռուզան Քոսակյանի ծննդյան տարեդարձն է։
Սիրելի՛ Ռուզան, սրտանց շնորհավորում ենք Ձեր ծննդյան տարեդարձը։ Մաղթում ենք Ձեզ քաջառողջություն, ընտանեկան ջերմություն, անսպառ եռանդ, երջանկություն և նորանոր հաջողություններ։ Թող Ձեր կյանքի յուրաքանչյուր օրը լցված լինի սիրով, հարգանքով ու գնահատանքով, իսկ տարիները բերեն միայն բարի հիշողություններ և իրականացված երազանքներ։
Թող միշտ ժպիտը ուղեկցի Ձեզ, իսկ հաջողությունն ու բարին լինեն Ձեր մշտական ուղեկիցները։
Սիրով և խորին հարգանքով ԲՄԿ ԸՆՏԱՆԻՔ։ #Մշակույթ
#ԲՄԿ
#Չորաթան

11/06/2026

Երբ կերել ես բռիս միջի աղն ու հացը,
Ու պարզել ես դու քո համար չորն ու թացը,
Պարտավոր ես շիտակ լինել ու գոհանալ ստացածից,
Քանզի ես դա քեզ եմ տվել
Իմ քրտնաջան վաստակածից։

Երբ մերել եմ քեզ իմ ապրած տարիներին,
Ու թույլ տվել, որ մաս դառնաս արժեքներին,
Պարտավոր ես շիտակ լինել ու գոհանալ քո չաղ բախտից,
Քանզի ես դա քեզ եմ տվել,
Որ տարբերվես մնացածից։

Երբ ներել եմ ու շեղել եմ
Քո ծուռ ու մուռ ճամփաներից,
Եվ ուժ տվել, ձեռքդ բռնել,
Ու քեզ հանել վեր սարերից,
Պարտավոր ես շիտակ լինել ու գոհ մնալ էս աշխարհքից։

Հեղ. Արմեն Մելիքյան
11.06.2026 թ.

11/06/2026

Սրտանց շնորհավորում ենք մեր անվանի հայրենակից, արվեստագետ, քանդակագործ Ալեքսան Բաբայանին (Բաբունց Ալիկ) ծննդյան տարեդարձի առթիվ։ Ալեքսան Բաբայանը արմատներով Այգեձորից է, սակայն ապրում և ստեղծագործում է Երևանում։
Նա իր տաղանդով ու նվիրումով կերտել է արվեստի բազմաթիվ արժեքավոր գործեր, որոնք դարձել են մեր մշակութային ժառանգության անբաժան մասը։ Հատկապես մեզ համար մեծ պատիվ է, որ նրա ստեղծագործություններից մի քանիսը զարդարում են նաև մեր համայնքը՝ փոխանցելով գեղեցիկի, հիշողության և հայրենասիրության պատգամը։
Առանձնակի գնահատանքի է արժանի նրա վերջին նշանակալի աշխատանքներից մեկը՝ Բերդ քաղաքի զբոսայգում կանգնեցված 44-օրյա և բոլոր պատերազմներում զոհված մեր հերոս հայորդիների հիշատակը հավերժացնող հուշարձանը, որը դարձել է խոնարհման, հիշողության և երախտագիտության խորհրդանիշ։
Մաղթում ենք Ալեքսան Բաբայանին առողջություն, երկար ու ստեղծագործ տարիներ, նորանոր հաջողություններ և անսպառ ներշնչանք։ Թող նրա արվեստը շարունակի ապրել սերունդների հիշողության մեջ և հարստացնի մեր ազգային մշակույթը։

Ծնունդդ շնորհավոր, հարգելի՛ Բաբունց Ալիկ։
🎉🎂 Մաղթում ենք, որ Ձեր կերտած արժեքները հավերժ մնան ժամանակի մեջ, իսկ Ձեր անունը՝ արվեստի ու հայրենասիրության լավագույն օրինակների շարքում։
Սիրով և խորին հարգանքով ԲՄԿ ԸՆՏԱՆԻՔ։ #Մշակույթ
#ԲՄԿ
#Այգեձոր

09/06/2026

Այսօր մեր անվանի հայրենակցուհի, տաղանդավոր երաժիշտ, դաշնակահար, Բերդի երաժշտական դպրոցի երկարամյա դասատու՝ Տաթևիկ Մելքումյանի ծննդյան տարեդարձն է։
Սիրելի՛ Տաթևիկ Մելքումյան.
Ջերմորեն շնորհավորում ենք Ձեզ, ծննդյան տարեդարձի առթիվ։ Ձեր երկարամյա ու նվիրյալ գործունեությամբ Դուք ոչ միայն երաժշտություն եք ուսուցանել, այլև սեր ու հոգևոր արժեքներ փոխանցել սերունդներին։
Թող Ձեր յուրաքանչյուր օրը լցված լինի առողջությամբ, երջանկությամբ, ստեղծագործական նոր հաջողություններով և արժանի գնահատանքով։ Մաղթում ենք, որ Ձեր դաշնամուրի հնչյունների պես ներդաշնակ ու գեղեցիկ լինեն Ձեր բոլոր օրերը, իսկ սաների ու գործընկերների սերն ու հարգանքը միշտ ուղեկցեն Ձեզ։
Մաղթանքներով՝ սիրով և խորին հարգանքով ԲՄԿ ընտանիք💐
#Մշակույթ
#ԲՄԿ

03/06/2026

Մելիքյանների մասին

Մելիքյանները՝ Բերդի հնագույն տոհմերից մեկը

Բերդ համայնքի, նախկին Շամշադինի շրջանի Մելիքյանները արյունակից բարեկամներ են և պատկանում են նույն մեծ տոհմական արմատին։

Մելիքյանները համարվում են տարածաշրջանի ամենամեծ և առավել ճյուղավորված տոհմերից մեկը։ Լինելով այս տարածքի ներկայիս բնակչության ձևավորման կարևոր բաղադրիչներից՝ նրանք ունեն խոր պատմական արմատներ և սերնդեսերունդ փոխանցված հարուստ ժառանգություն։

Մելիքյանները՝ բացառապես Բերդից

Մելիքյան տոհմի առանձնահատկություններից մեկն այն է, որ Մելիքյան ազգանունով առանձին տոհմ նախկին Շամշադինի շրջանի որևէ այլ գյուղում չի եղել ու չկա հիմա էլ։ Մելիքյանները բացառապես Բերդից են և հետագայում տարածվել են Հայաստանի տարբեր բնակավայրերում ու աշխարհի բազմաթիվ երկրներում։

Մելիքյան ազգանվան շուրջ տարածված թյուր կարծիքների մասին

Տարիներ շարունակ կատակով կամ թյուր մեկնաբանությամբ շրջանառվել է այն կարծիքը, թե «ով ազգ չի ունեցել, Մելիքյան է գրվել»։ Այս տեսակետը որևէ պատմական հիմք չունի։

Հայկական միջավայրում ազգանունները հիմնականում ձևավորվել են պապի անունից, տոհմական զբաղմունքից կամ տվյալ ժամանակաշրջանում հասարակության կողմից ընդունված այլ կարգավիճակներից։ Ուստի յուրաքանչյուր ազգանուն ունի իր ձևավորման բնական և պատմական ընթացքը։

Մելիքյան տոհմին միացած գերդաստանները

Այո՛, Մելիքյան տոհմում կան մի քանի գերդաստաններ, որոնք հայրական կողմից Մելիքյան չեն եղել, սակայն մայրական գծով միացել են տոհմին և կրել Մելիքյան ազգանունը։

Նախկին ժամանակներում հասարակական կարգերը տարբեր էին, և ոչ բոլոր ընտանիքներն էին իրավունք ունենում ունենալ սեփական հողատարածքներ կամ ինքնուրույն ապրուստի միջոցներ։ Այդ պատճառով որոշ տղամարդիկ, ամուսնանալով Մելիքյան գերդաստանի աղջիկների հետ, ընդունել են կնոջ ազգանունը՝ օգտվելով տվյալ տոհմի իրավունքներից և հնարավորություններից։

Վստահ եմ, որ նման երևույթներ եղել են նաև այլ հայտնի հայկական տոհմերի պատմության մեջ։

Արյունակցական կապը՝ ազգանունից առավել

Մեր ընկալմամբ՝ ընտանիքի մայրն ու նրա տոհմը նույնքան կարևոր են, որքան հայրական գիծը։ Այդ պատճառով այն գերդաստանները, որոնք մայրական գծով միացել են Մելիքյան տոհմին և կրել այդ ազգանունը, ոչնչով չեն տարբերվում մյուս Մելիքյաններից։ Նրանց նույնպես կապում են արյունակցական, գենետիկական և ժառանգական ամուր կապերը։

Մելիքյան տոհմից ձևավորված այլ ազգանուններ

Ժամանակի ընթացքում Մելիքյան մեծ տոհմից առանձնացել և ձևավորվել են նաև այլ ազգանուններ, որոնք սկսել են գրվել իրենց պապերի անուններով։

Այդպիսի ազգանուններից են՝ Մամիկոնյան, Ավալյան, Ավագյան և մի շարք այլ ընտանիքներ, որոնց արմատները կապվում են Մելիքյան մեծ տոհմի հետ։

Տոհմի հնագույն հիշատակություններից մեկը

Մելիքյան մեծ տոհմից պահպանված ամենահին հայտնի դամբարաններից մեկը գտնվում է Բերդի՝ Անտառտնտեսության դիմաց գտնվող Սուրբ Կիրակի խաչի հարակից դամբարանադաշտում։

Շարունակելի…

Սրանք ընդամենը նախնական տեղեկություններ են Մելիքյան տոհմի պատմության մասին։ Առաջիկայում հերթական հրապարակումներով կներկայացնեմ տոհմի առանձնահատկությունները, պատմական հիշատակությունները և մեզ հասած այլ արժեքավոր տեղեկություններ։

Արմեն Մելիքյան
03.06.2026 թ.

02/06/2026

Շատ կարևոր հարթակ

📢 ՏԱՎՈՒՇՆ Է ԽՈՍՈՒՄ - ԺՈՂՈՎՐԴԱԿԱՆ ԽՈՍԱՓՈՂ ԲԵՐԴՈՒՄ

🗓 Հունիսի 3-ին՝ ժամը 15:00 – 17:00-ը, Բերդի «Սորաններ» դենդրոպարկում կտեղակայվի «Տավուշի խոսափողը»՝ բաց հանրային հարթակը, որտեղ ամեն մի քաղաքացի՝ հենց Դուք, կարող է բարձրաձայնել իր խոսքը, հարցը, պահանջը, մտահոգությունը, քննադատությունն ու առաջարկը։ 🗣️

💼 Սոցիալ-տնտեսական խնդիրներ
🌾 Գյուղատնտեսություն
🛣 Ճանապարհներ և ենթակառուցվածքներ
🛡 Անվտանգություն
📚 Կրթություն
🏥 Առողջապահություն
🏞 Զբոսաշրջություն
👥 Երիտասարդություն
💼 Զբաղվածություն
🌄 Տավուշի ապագան
❗ Ձեզ մտահոգող այլ հարցեր
Խոսափողը բաց է ձեզնից յուրաքանչյուրի համար։ Սա քաղաքական բեմ չէ։ Սա ժողովրդի ձայնն է։ 🤝

🗓 Հունիսի 3
🕛 15:00 – 17:00
📍 Բերդի «Սորաններ» դենդրոպարկում

🔗 Այս ձևաչափով առաջին հանդիպումը տեղի ունեցավ Իջևանում․ ուղիղ հեռարձակումը ՝https://tavushmedia.am/hy/tavushcineri-dzayny-ughigh-eterum-zhoghovrdakan-khosapoghn-ijevanum/

Հորդորում ենք զերծ մնալ ատելության խոսքից, վիրավորանքներից և անհանդուրժողականություն տարածող արտահայտություններից՝ պահպանելով փոխադարձ հարգանքի մթնոլորտը։
Լրացուցիչ հարցերի դեպքում զանգահարել 055010401 կամ 077 568968 հեռախոսահամարներով, կամ գրել [email protected] հասցեին։

#ՏավուշնԷԽոսում #ժողովրդականԽոսափող #Տավուշ

02/06/2026

Պահպանենք մեր հիշողությունը միասին 📜 Սիրելի հայրենակիցներ, Երկար տարիների մեր ուսումնասիրությունների արդյունքում համոզվել ենք, որ մեր տարածաշրջանի տարբեր ժամանակաշրջանի արխիվների մի մասը, ցավոք, բարվոք վիճակում չէ։ ✨ Մենք սկսել ենք մի կարևոր նախաձեռնություն, որի նպատակն է մեզ հասանելի նյութերը պարզեցնել, համակարգել և փոխանցել սերունդներին։ 📷 Այս փուլում մեր ձեռքի տակ գտնվող լուսանկարները, որոնց հեղինակն է հիմնականում անվանի լուսանկարիչ Սամվել Քալանթարյանը, կամ պատկանում են նրա անձնական հավաքածուին, փորձում ենք ձեր օգնությամբ հստակեցնել․ 👤 ովքեր են պատկերված, 🎉 ինչ միջոցառումների կամ արարողակարգերի ընթացքում են արվել նկարները։ 🙏 Հաշվի առնելով, որ դեռևս կան մարդիկ, ովքեր կարող են ճանաչել նկարներում պատկերվածներին կամ նույնիսկ մասնակցել այդ միջոցառումներին՝ վստահ ենք, որ միայն ձեր աջակցությամբ կարող ենք հասնել մեր նպատակին։ 🔗 Խնդրում ենք հետևել պաշտոնական էջին և մասնակցել նախաձեռնությանը՝ 👉 https://www.facebook.com/share/19jpU1hNys/?mibextid=wwXIfr 💙❤️💛 Կանխավ շնորհակալություն ձեր մասնակցության և աջակցության համար։ Հարգանքներով՝ Արմեն Մելիքյան #Բերդ Տեսնել ավելի քիչ Տեսնել ավելի քիչ Տեսնել ավելի քիչ

01/06/2026

🎈🎉 Սիրելի՛ երեխաներ,

Սրտանց շնորհավորում ենք ձեզ Հունիսի 1-ի՝ Երեխաների պաշտպանության միջազգային օրվա առթիվ։ 🌈👧👦

Թող ձեր կյանքի յուրաքանչյուր օրը անցնի խաղաղ ու պայծառ երկնքի տակ ☀️🕊️, լի լինի ժպիտներով 😊, խաղով ⚽🎨, երազանքներով ✨ և անսահման սիրով ❤️։

Վայելե՛ք ձեր մանկության ամեն մի ակնթարթը, պահպանե՛ք ձեր անկեղծությունն ու բարությունը, և երբեք մի՛ դադարեք երազել։ 🌟

Իսկ մենք՝ պարտավոր ենք անել ամեն ինչ, որպեսզի ձեր մանկությունը լինի անվտանգ, երջանիկ և անհոգ։ 🤗

Սիրով՝
🌺 ԲԵՐԴ ՄՇԱԿՈՒՅԹԻ ԿԵՆՏՐՈՆ 🌺

#Հունիսի1 #ԵրեխաներիՕր #ԲերդՄշակույթիԿենտրոն #Մանկություն #Ժպիտ #ԵրջանիկՄանկություն

29/05/2026

Տանը տեր լիներ

Տանը տեր լիներ,
Ու պատիվ լիներ,
Հացոտ մարդ լիներ,
Տղամարդ լիներ,
Կողքին կին լիներ,
Սեր ու կյանք լիներ,
Տան խորհուրդ լիներ,
Բարք ու վարք լիներ։

Համերաշխ լիներ,
Ու կարոտ լիներ,
Համ ու հոտ լիներ,
Ու կենաց լիներ,
Բարի կամք լիներ,
Մարդն էլ մարդ լիներ,
Ու ամեն մարդ էլ իր դերում լիներ։

Հեղինակ՝ Արմեն Մելիքյան
29.05.2026 թ.