13/03/2025
Անվտանգային և ռազմամարզական ոլորտի ներկայացուցիչների միավորում
🔹 ՆԳՆ Նախարարի հայտարարության առաջին մասում օրինական զենքի նկատմամբ ձևավորվում է ընդհանրացված բացասական վերաբերմունք, մինչդեռ հաշվառված, օրինական և պատասխանատու զենքի մշակույթը ոչ թե սպառնալիք է, այլ անվտանգության լրացուցիչ երաշխիք։ Սա հատկապես կարևոր է, երբ Հայաստանում անվտանգության նկատմամբ համապարփակ մոտեցումը պետական մակարդակով որդեգրվել է որպես ազգային անվտանգության նոր մոդել։ Այդ տրամաբանության շրջանակում օրինական զենքը պետք է դիտարկվի որպես պաշտպանական կարողությունների ամրապնդման գործոն, ոչ թե վտանգ։
🔹 Բացի այդ, մեդիա դաշտում այս հայտարարության համար ընտրված մանիպուլյատիվ վերնագրերը ոչ միայն ապակողմնորոշում են հանրությանը, այլև վնասում են օրինական, պատասխանատու և հաշվառված զենքի մշակույթի ձևավորմանը՝ խոչընդոտելով այն ջանքերը, որոնք ուղղված են հանրային անվտանգության բարձրացմանը։
#հպահ #համապարփակ
Սիրելի՛ հայրենակիցներ, այսօր տարբեր լրատվական կայքերում տեղ է գտել ՆԳ նախարար Արփինե Սարգսյանի հայցազրույցը՝ վերնագրված. «Մեր տվյալներով՝ շատ են այնպիսի հանցանքները, որոնք օրինական զենքերով են կատարվում» կամ «Հրազենով հանցագործությունների մեծ մասը օրինական զենքերով է կատարվում»
Արձագանքելով նախարարի պնդումներին, թե շատ են հանցանքները, որոնք օրինական զենքերով են կատարվում, և թե միֆ է կարծիքը, որ զենքի գործադրմամբ հանցագործությունները կատարվում են հիմնականում ապօրինի զենքերով՝ հարկ ենք համարում նշել.
2024 թվականի հոկտեմբեր ամսի դրությամբ ՀՀ ՆԳՆ Ոստիկանությունը չի իրականացրել առանձին հաշվառում օրինական, ապօրինի զենքերով կատարված հանցագործությունների («Ազատազէն» ԿՀԿ-ի հարցման պաշտոնական պատասխանը՝ կից)։
Կցանկանայինք պարզաբանում, թե որտեղի՞ց ՆԳ նախարարին այն համոզմունքը, որ օրինական զենքով հանցագործությունները շատ են:
«Շատ են» արտահայտությունը առավելապես ունի հանրային, քան չափելի բնույթ։ Անհրաժեշտ է նաև պարզաբանում` համեմատած ի՞նչ տեսակի զենքի է կատարված հանցագործությունները շատ․ անօրինակա՞ն: Եթե հաշվառումը սկսվել է իրականացվել կից գրությունից անմիջապես հետո, 6 ամիսը արդյո՞ք բավարար ժամանակ է նման պատասխանատու հայտարարություններ անելու համար։
Խնդրահարույց է նաև ՆԳՆ նոր օրենսդրական նախաձեռնությունը պարգևատրական զենքերի վերաբերյալ, որը ըստ էության հակասահմանադրական է: Անընդունելի է մոտեցումը, որ կոռուպցիոն ճանապարհով պարգևատրված, գնված զենքերը հայտնաբերվելու, առգրավելու փոխարեն, ՆԳՆ փորձում է այդ խնդիրը լուծել քաղաքացիներին փաստացի ստիպելով պարգևատրված զենքերը վերադարձնել:
Հարգելի քաղաքացիներ, ինչպես գիտեք, «Ազատազէն» ԿՀԿ-ի նպատակը Հայաստանում զենքի գրագետ և պատասխանատու մշակույթ ձևավորելն է, և մտահոգիչ է ցանկացած պաշտոնյայի, լրատվականի կամ այլ անձի կողմից չհիմնավորված և անփույթ վերաբերմունքը զենքի հետ կապված ցանկացած հայտարարության։
