15/08/2026
📅 Օգոստոսի 12-ին «Արթիկի երիտասարդների տուն» բաց երիտասարդական կենտրոնը՝Արթիկի համայնքապետարանի հետ համատեղ, Արթիկի Ազատության հրապարակում կազմակերպեց Երիտասարդների միջազգային օրվան նվիրված միջոցառում։
🚶 Միջոցառումը մեկնարկեց երիտասարդների քայլերթով, որին հաջորդեցին 💃 ֆլեշմոբն ու 🚲 հեծանվային արշավը՝ համախմբելով համայնքի երիտասարդներին և ընդգծելով նրանց ակտիվ մասնակցությունն ու նախաձեռնողականությունը։
🧵 Միջոցառման շրջանակում Արթիկ համայնքի ՀՈԱԿ-ները հանդես եկան ցուցահանդես-վաճառքով՝ ներկայացնելով իրենց գործունեությունը, ստեղծագործական աշխատանքներն ու համայնքում ստեղծվող արժեքները։
👥 Միջոցառմանը ներկա էին Արթիկ համայնքի ղեկավար Անան Ոսկանյանը և համայնքի ղեկավարի տեղակալները։
🎶 Տոնական ծրագիրն ուղեկցվեց «Pink Stones» խմբի երաժշտական կատարումներով։
🤝 Մեր խորին շնորհակալությունն ենք հայտնում Արթիկի համայնքապետարանին՝ համագործակցության, աջակցության և նախաձեռնության իրականացման գործում ունեցած կարևոր դերակատարության համար։
👏 Շնորհակալություն ենք հայտնում նաեւ «Լիդա Դանս» պարային համույթին՝ ի դեմս տնօրեն Լիդա Հակոբյանի, և «Էնջլս» պարային համույթին՝ ի դեմս տնօրեն Խաչատուր Պոնչուկյանի՝ միջոցառմանը միանալու և իրենց արվեստով այն առավել վառ ու հիշարժան դարձնելու համար։
✨ Երիտասարդների միջազգային օրը Արթիկում պարզապես միջոցառում չէր։ Այն երիտասարդների ձայնի, ներուժի և համայնքի կյանքում նրանց կարևոր դերակատարության ևս մեկ ընդգծում էր։
Երիտասարդները համայնքի ներկան են և ապագան։ Իսկ նրանց նախաձեռնությունը՝ փոփոխության շարժիչ ուժը։
