15/07/2026
Ծառայությունների մատուցումը շարունակվում են մեր Վաղարշապատի կենտրոնում։ Այստեղ իրականացվում են տարբեր աշխատանքներ երեխաների հետ։ Կինետիկ ավազով կատարում ենք զարգացնող վարժություններ՝ խթանելով մանր մոտորիկան, զգայական ընկալումը, ուշադրության կենտրոնացումը և ստեղծագործական մտածողությունը։ Իսկ 2 տարեկան երեխայի հետ իրականացրել ենք գունավոր օղակների դասավորման վարժություն։ Վարժության ընթացքում երեխան սովորում է տարբերակել գույները, հերթականությամբ տեղադրել օղակները, զարգացնում է մանր մոտորիկան, աչք-ձեռք համակարգումը, ուշադրության կենտրոնացումը և խնդրի լուծման հմտությունները։ Միաժամանակ ձևավորվում են համբերատար սպասելու, հերթին հետևելու և հրահանգները կատարելու կարողությունները։
Վաղարշապատի կենտրոնը գործարկվում է «Հզոր քաղաքացիական հասարակություն հանուն երեխաների հզորացված պաշտպանության» ծրագրի շրջանակներում, որը ֆինանսավորվում է Գերմանիայի տնտեսական զարգացման և համագործակցության նախարարության /BMZ կողմից և իրականացվում է Վորլդ Վիժն Գերմանիայի, «Վորլդ Վիժն Հայաստան»-ի, «Երեխաների պաշտպանության ցանց» ՀԿ-ի, «Հայաստանի սոցիալական աշխատողների ասոցիացիա» ՀԿ-ի, «Արմավիրի զարգացման կենտրոն» ՀԿ-ի և «Տահույս» ՀԿ-ի հետ միասին։
