Արմաթ I Առափիի ճարտարագիտական աշխատանոց

04/03/2026

Առափիի «Արմաթ» ճարտարագիտական աշխատանոցի կայքն արդեն հասանելի է նաև պաշտոնական լատինատառ ենթադոմենով՝
🌐 https://arapi.armath.am/

Շնորհակալություն ենք հայտնում Armath Engineering Makerspacesի տեխնիկական թիմին՝ արագ արձագանքելու և մեզ պաշտոնական subdomain տրամադրելու համար:

Հիշեցնենք, որ մեր հայատառ տիրույթը նույնպես շարունակում է գործել՝ https://www.արմաթառափի.հայ/

08/02/2026

Ողջույններ #Առափիի #Արմաթից:

05/02/2026

Միանգամից թողարկվեց երկու նոր AI մոդել՝ 4.6-ը և 5.3-ը։

Անհամբերությամբ սկսել ենք փորձարկել Codex 5.3-ը մեր կայքի վրա։

05/02/2026

🌐 Առափիի Արմաթի կայքն այսուհետ հասանելի է արմաթառափի.հայ հասցեով։

Ուրախ ենք տեղեկացնել, որ մեր աշխատանոցի կայքն այսուհետ հասանելի է նոր՝ հայատառ պաշտոնական հասցեով՝
🔗 https://www.արմաթառափի.հայ/

Սեփական կայք ու դոմեն ունենալը մեր ճանապարհի հերթական հանգրվանն է, սակայն ոչ վերջնակետը։ Մեր նպատակն է ոչ միայն օգտվել պատրաստի լուծումներից, այլև հասկանալ դրանց աշխատանքի սկզբունքը։

Հաջորդիվ սպասվում ՝
🔹 Կրթական բաղադրիչ․ Այս պահին մշակում ենք ուսուցողական նյութեր, որոնց կիրառմամբ էլ կստեղծենք մեր կայքի սեփական պահոցը։ Այդ գործընթացն ինքնին կդառնա օգտակար ուսումնական նյութ մեր սաների համար։ Այնուհետև այն կկիրառենք մեր կայքի համար ու այն դուրս կհանենք vercel պահոցներից։ Սաները միաժամանակ կսովորեն և կկիրառեն իրենց գիտլիքը իրենց իսկ աշխատանոցի կայքի վրա։
🔹 Լատինատառ տիրույթ․ Աշխատանքները երկրորդ դոմենի ուղղությամբ ընթացքի մեջ են։ Քանի դեռ աշխատում ենք սեփական լատինատառ դոմենի ձեռքբերման ուղղությամբ, հին հասցեն՝ https://armatharapi.vercel.app/ -ը, շարունակում է գործել նրանց համար, ում լատինատառն ավելի հարմար է։
🔹 Էլեկտրոնային փոստ․ Սա մեր հաջորդ փուլային քայլն է։ Գործելու ենք նույն տրամաբանությամբ՝ նախ օգտագործել առկա լուծումները, ապա ստեղծել կրթական նյութն ու տեղում ներդնել սեփական համակարգը։

Շարունակե՛ք հետևել մեր կայքին արդեն նոր հասցեում։

28/01/2026

🎉 100-րդ Commit-ը Առափիի Արմաթի կայքի պահոցում։

Ուրախ ենք հայտարարել, որ մեր կայքի զարգացման պահոցը (repository) հասավ իր 100-րդ commit-ին։

✅ Այս հատուկ առիթին նվիրված commit-ով իրականացրինք մաքրման և օպտիմալացման աշխատանք։

🌟 Այսպիսով՝ մեր կայքը բաց կոդով է (open source)։ Դուք կարող եք՝
📖 Ուսումնասիրել ողջ կոդը
🔧 Ձևափոխել այն ըստ ձեր կարիքների
🏫 Օգտագործել ձեր դպրոցի կայքի ստեղծման համար

🔗 GitHub:

Contribute to GrishaKh/ArmathArapi-website development by creating an account on GitHub.

19/01/2026

Մեր «Ատոմն» ունի նոր էլեկտրոն։ ⚛️💻

Հաճախ բիզնեսի և տեխնոլոգիաների աշխարհում մոռացվում է ամենակարևորը՝ մարդկային կապն ու անշահախնդիր աջակցությունը։ Մենք Առափիի «Արմաթում» հավատում ենք, որ համայնքային նախաձեռնությունները կայանում են հենց այն մարդկանց շնորհիվ, ովքեր պատրաստ են իրենց փորձն ու ժամանակը ներդնել հանուն ընդհանուր գործի։

Հայկ Սարաֆյանը, ով վեբ ծրագրավորման փորձառու մասնագետ է, կամավոր հիմունքներով իր աջակցությունն է ցուցաբերել մեր նորաստեղծ կայքի թեստավորման հարցում և շարունակում է լինել մեր կողքին։ Նման օրինակները ցույց են տալիս, որ «չոր» գործնական հարաբերություններից զատ կա սրտացավություն, որն էլ հենց փոխում է իրականությունը։

Մեր համայնքի ուժը մարդկանց մեջ է... ✨

🌐 https://armatharapi.vercel.app/

31/12/2025

✨ 2025-ի վերջին րոպեներն են... 🕒

Երբ մնացել է կես ժամից էլ պակաս Ամանորին, մենք չէինք կարող ճանապարհել հին տարին առանց մեր մեծ ու կարևոր նպատակներից մեկի իրագործման։ Խոստացել էինք ինքներս մեզ ու... հասցրեցինք։ 💪

Սիրով ու մի փոքր էլ հուզմունքով ձեր դատին ենք հանձնում մեր ամիսների քրտնաջան, բայց ոգեշնչող աշխատանքի արդյունքը՝ Առափիի Արմաթ ճարտարագիտական աշխատանոցի պաշտոնական կայքը։ 🌐🚀

Սա դեռ ճանապարհի սկիզբն է։ Կայքը դեռ սկզբնական փուլում է, բազում գաղափարներ, էջեր ու գործիքներ դեռ սպասում են իրենց հերթին։ Բայց մեզ համար սկզբունքային էր 2026-ի նախաշեմին կանգնել ոչ թե խոստումներով, այլ կատարված գործով։
❤️ Սա մեր համայնքի նոր թվային այցեքարտն է։

Վայելե՛ք, ուսումնասիրե՛ք ու եղե՛ք ներողամիտ առկա խնդիրների համար, քանի որ լավագույնը դեռ առջևում է։ Դիմավորե՛ք 2026-ը նոր ու լուսավոր սպասելիքներով, որովհետև գալիք տարին իսկապես «թեժ» է լինելու։ Մենք դեռ շա՜տ գործեր ունենք անելու։ 😉🔥

Շնորհավո՜ր Ամանոր և Սուրբ Ծնունդ։

🔗 https://armatharapi.vercel.app/

A state-of-the-art makerspace where engineers, makers, and innovators create and learn.

19/12/2025

Արդի աշխարհում, ԱԲ ազդեցության պայմաններում, «խաղի կանոնները» գրեթե բոլոր ոլորտներում փոխվում են, հատկապես ՏՏ ոլորտում։ Եվ այս փոփոխությունները ստիպում են ինտենսիվ կերպով ուսումնասիրել ու հնարավորինս ճանաչել այդ գործիքները, որպեսզի թե՛ կարողանանք օգտվել հնարավորություններից, թե՛ հնարավորինս չեզոքացնենք վնասները կամ առնվազն միջոցներ ձեռք առնենք այդ ուղղությամբ։

Կարճ տեսահոլովակում ցույց ենք տալիս մի հատված, թե ինչպես է «Opus 4.5 thinking» մոդելը ոչ միայն գեներացնում անհրաժեշտ այլագիրը, այլև դիտարկիչում ինքնաշխատ կերպով կատարում է գործողություններ, թեստավորում է փոփոխությունները՝ զուգահեռաբար էկրանից հանելով կադրեր, որպեսզի ստուգի փոփոխության վավեր լինելը։

----
Մինչև Ամանոր պատրաստ կլինի այն նախագիծը, որի վրա ինտենսիվ աշխատում էինք այս ընթացքում, և կհանրայնացնենք նախնական տարբերակը 🥳։ #քիչմնաց


#ԱրմաթԱռափի

25/11/2025

#Էդուկիթ 🤝 #ԱրմաթԱռափի

Ուրախ ենք հայտնել, որ Առափիի «Արմաթ» ճարտարագիտական աշխատանոցին է փոխանցվել նախաձեռնության «Էլեկտրոնիկայի հիմունքներ» հայալեզու ուսումնական հավաքածուի նախատիպը՝ փորձարկումներ իրականացնելու նպատակով։

🔌Սաների անմիջական մասնակցությամբ արդեն իսկ սկսել ենք փորձարկել հավաքածուն։

Մեր պատանի ճարտարագետները ուսումնասիրեցին էլեկտրոնիկայի բազային սխեմաներ, իրենց ձեռքերով հավաքեցին և գործարկեցին դրանք։ Ընթացքում ստուգվում է նաև հավաքածուի հարմարավետությունն ու արդյունավետությունը։

Հավաքագրված կարծիքներն ու դիտողությունները կօգտագործվեն «EduKit»-ի կողմից՝ հավաքածուի վերջնական, կատարելագործված տարբերակը ստանալու համար։ 📈

🇦🇲Մեզ համար կարևոր է, որ հայկական կրթական արտադրանքը ստեղծվում է նաև աշակերտների անմիջական մասնակցությամբ։

21/11/2025

Այսօր Առափիի միջնակարգ դպրոցում տեղի ունեցավ հանդիպում աշակերտների հետ։

Աշակերտները ծանոթացան՝
• Արմաթի գաղափարներին և ծրագրերին
• Նարեկ Սարոյանի փորձառությանը FIRST Robotics միջազգային մրցույթում 🤖
• Օլյա Խաչատրյանի LogicGateSimulator նախագծին՝ մշակված Scratch-ում 💻

Հանդիպումից հետո հայտարարվեց նոր խմբի ընդունելություն։ Շուտով կսկսվի խմբի ձևավորման աշխատանքները։ 🚀

22/03/2025

Ի դեպ, «Rookie All-Star» մրցանակը պարտադիր տրվող մրցանակ չէ։ Ժյուրին կարող է ընդհանրապես չշնորհել այն, եթե համարի, որ ոչ մի նորեկ թիմ չի համապատասխանում չափանիշներին։

💪 Սա ցույց է տալիս, որ թիմը արժանիորեն վաստակել է այս մրցանակը։