Centre for Community Mobilization and Support

22/08/2026

🌱 ՀՀԱԿ-ն ու «Կանաչ խորհուրդների դաշնությունը»՝ Զառիթափի հանրային քննարկումներում

Օգոստոսի 21-ին Վայք համայնքի Զառիթափ բնակավայրում կայացած հանրային քննարկմանը մասնակցեցին «Համայնքային համախմբման և աջակցության կենտրոն» ՀԿ-ի ներկայացուցիչներն ու «Կանաչ խորհուրդների դաշնություն» էկոակտիվիստական շարժման անդամները։

Քննարկումը վերաբերում էր «ՋԻԷՄԷՆ ԳՈԼԴ ՄԱՅՆԻՆԳ» ՍՊԸ-ի ներկայացրած նախագիծն էր՝ Սոֆի-Բինայի ոսկի-բազմամետաղային հանքավայրի շահագործման ժամկետը երկարաձգելու և Զառիթափում ոսկու կորզման գործարան կառուցելու վերաբերյալ։

🗣️ «Համայնքային համախմբման և աջակցության կենտրոն» ՀԿ-ի նախագահ, իրավապաշտպան Օլեգ Դուլգարյանը հարց բարձրացրեց, թե ինչու նախկինում բացասական եզրակացություն ստացած նախագիծը կրկին ներկայացվել է փորձաքննության՝ առանց առաջին՝ նախնական հանրային քննարկման փուլին վերադառնալու։

🌿 ԿԽԴ համահիմնադիր Հայկ Աբրահամյանը խոսեց այս գործընթացի հնարավոր ավելի լայն հետևանքների մասին՝ նշելով, որ նման մոտեցումը կարող է վտանգավոր նախադեպ դառնալ հանրային մասնակցության տեսանկյունից։

🔎 Շարժման անդամ, ՀԿ ծրագրի համակարգող Հուսիկ Մարտիրոսյանը փորձեց պարզել՝ արդյոք մեկ փորձաքննության բացասական արդյունքից հետո նախագիծը կարող է շարունակվել մեկ այլ փորձաքննության շրջանակում։

❓ ԿԽԴ անդամ, էկո-ակտիվիստ Վարդուհի Բարսեղյանը նախարարության ներկայացուցչին հարցրեց՝ կա՞ որևէ փաստաթուղթ, որը ցույց է տալիս, որ Զառիթափի բնակիչները կողմ են ոսկու կորզման գործարանի կառուցմանը։

❓ Իսկ ԿԽԴ անդամ, էկո-ակտիվիստ Տիգրան Մաթևոսյանը, հղում անելով Վայոց ձորի մարզպետարանի բնապահպանության բաժնի պետի դիտարկմանը, հարցրեց՝ ինչու հաշվի չեն առնվում մարզպետարանի այն մտահոգությունները, որ ծրագիրը վտանգ է ներկայացնում շրջակա միջավայրի համար։

🌿 ՀՀԱԿ/CCMS-ի գործունեության արդյունքում ձևավորված «Կանաչ խորհուրդների դաշնության» անդամներն այսօր մասնակցում են տարբեր համայնքներում տեղի ունեցող բնապահպանական քննարկումներին, բարձրաձայնում խնդիրներ և իրենց փորձը փոխանցում միմյանց։

🌿 Զառիթափում ևս նրանց մասնակցությունը միտված էր հանրային վերահսկողությանը՝ բարձրաձայնելու համայնքի ու շրջակա միջավայրի շահերին վերաբերող հարցերը և թույլ չտալու, որ հանրային շահը դուրս մնա քննարկումից։

#ԿանաչԽորհուրդներիԴաշնություն #Զառիթափ #ՀանրայինՄասնակցություն #Բնապահպանություն

21/08/2026

«ՋԻԷՄԷՆ ԳՈԼԴ ՄԱՅՆԻՆԳ» ՍՊԸ-ն երկու հանրային քննարկում է նախաձեռնել Վայոց ձորի Վայք համայնքի Զառիթափ բնակավայրի վարչական կենտրոնում։ Ընկերությունը ցանկանում է Վայոց ձորի մարզի Սոֆի-Բինայի ոսկի-բազմամետաղային հանքավայրի արդյունահանման աշխատանքների ժամկետի երկարաձգման և Զառիթափ բնակավայրի վարչական տարածքում հանքաքարի, հանքանյութի և խտանյութի վերամշակման գործարանի կառուցման թույլտվություններ ստանալ։

20/08/2026

Քաղաքացու ձայնը-ի անդրադարձը՝ «Էկո-Ակտիվիզմի Ակադեմիայի» 6-րդ հոսքի մեկնարկին

Օգոստոսի 6-9-ը Փոքր Այրումում ակադեմիայի մասնակիցները քննարկել են էկո-ակտիվիզմը, համայնքային բնապահպանական խնդիրները, էկոլոգիական իրավունքներն ու քաղաքացիական արշավների հնարավորությունները։ 🌿🤝

📍 Առաջին շրջափուլը ներառել է նաև գործնական աշխատանքներ և այց դեպի «Նահատակ» պոչամբար։

🎥 Մանրամասները՝ «Քաղաքացու ձայնի» ռեպորտաժում։

Օգոստոսի 6-9 Լոռու Փոքր Այրումում կրկին բնապահպանական խնդիրներով մտ...

11/08/2026

ՈւՂԻՂ․ Հանրային քննարկում ՀՀ Լոռու մարզի Վահագնիում՝ Հանքաձորում հանքերևակման նախագծի վերաբերյալ

«ԲԱՐԻԲԱ» ՍՊԸ-ն ՀՀ Լոռու մարզի Փամբակ խոշորացված համայնքի վարչական սահմաններում գտնվող Հանքաձորի հանքային դաշտի տարածքում արդյունաբերական նշանակության հանքայնացում հայտնաբերելու համար երկրաբանական ուսումնասիրության աշխատանքներ է ցանկանում իրականացնել։

11/08/2026

ՈւՂԻՂ․ Հանրային քննարկում Դեբետում՝ Հանքաձորում հանքերևակման նախագծի վերաբերյալ

ՈւՂԻՂ․ Հանրային քննարկում Դեբետում՝ Հանքաձորում հանքերևակում իրականացնելու նախագծի վերաբերյալ «ԲԱՐԻԲԱ» ՍՊԸ-ն ՀՀ Լոռու մարզի Փամբակ խոշորացված համայնքի վարչական սահմաններում գտնվող Հանքաձորի հանքային դաշտի տարածքում արդյունաբերական նշանակության հանքայնացում հայտնաբերելու համար երկրաբանական ուսումնասիրության աշխատանքներ է ցանկանում իրականացնել։

11/08/2026

10/08/2026

🌿ՀՀ-ում Չեխիայի Հանրապետության Արտակարգ և Լիազոր դեսպան Պետր Պիրունչիկը այցելեց ՀՀ Լոռու մարզի Փոքր Այրում գյուղում գտնվող «Գրին Քեմփ»։

🌿Այցի ընթացքում դեսպանը ծանոթացավ «Գրին Քեմփ» քեմփինգին, ՍՁ-ի ստեղծման փիլիսոփայությանը։

🌿Դեսպանի այցը «Գրին Քեմփ» ևս մեկ առիթ էր ներկայացնելու Լոռու ոչ միայն բնական, այլև քաղաքացիական ներուժը։

🎬 Մանրամասները՝ տեսանյութում

10/08/2026

🔎 «Համայնքային համախմբման և աջակցության կենտրոն» ՀԿ-ն փնտրում է Հաղորդակցության օգնական

📌 «Համայնքային համախմբման և աջակցության կենտրոն» ՀԿ-ն փնտրում է նախաձեռնող, ստեղծագործ և պատասխանատու հաղորդակցության օգնականի, ով կաջակցի կազմակերպության արտաքին հաղորդակցության, թվային հարթակների կառավարման և բովանդակության ստեղծման աշխատանքներին։

Աշխատակիցը սերտորեն համագործակցելու է Արտաքին հաղորդակցության մենեջերի հետ՝ ապահովելով կազմակերպության առցանց հարթակների ամենօրյա աշխատանքը, միջոցառումների լուսաբանումը և հաղորդակցական նյութերի պատրաստումը։

📌Հիմնական պարտականություններ`

- աջակցել կազմակերպության սոցիալական հարթակների ամենօրյա կառավարմանը,
- պատրաստել, պլանավորել և հրապարակել սոցիալական ցանցերի բովանդակությունը,
- մասնակցել լսարանի ներգրավվածության բարձրացման աշխատանքներին,
- աջակցել սոցիալական ցանցերի գրառումների, հայտարարությունների, տեղեկագրերի և այլ հաղորդակցական նյութերի պատրաստմանը,
- աջակցել տեղեկատվական և իրազեկման արշավների իրականացմանը,
- պատրաստել կարճ տեսանյութեր, Reels, Stories և այլ թվային բովանդակություն։
- աջակցել կազմակերպության վիզուալ (տեսողական) բովանդակության ստեղծմանը։
- մասնակցել միջոցառումների լուսաբանման աշխատանքներին։

📌 Մենք փնտրում ենք մասնագետ, ով՝

- ունի միջին մասնագիտական կամ բարձրագույն կրթություն լրագրության, հաղորդակցության, մարքեթինգի, PR-ի կամ հարակից ոլորտում,
- ունի սոցիալական մեդիայի կառավարման փորձ,
- ունի տեքստերի խմբագրման հմտություններ կամ փորձ
- ունի լուսանկարահանման և տեսանկարահանման հիմնական հմտություններ,
- տիրապետում է Canva-ին (Adobe Photoshop, Illustrator, Premiere Pro կամ CapCut-ի իմացությունը կդիտվի որպես առավելություն),
- ստեղծագործ է, նախաձեռնող և պատասխանատու,
- անգլերենի իմացությունը կդիտվի որպես առավելություն,
- ճկուն է և պատրաստ՝ գործուղումների ՀՀ մարզեր

📍 Աշխատանքի վայր՝ ՀՀ Լոռու մարզ, ք. Ալավերդի

Պաշտոնի համար նախապատվությունը կտրվի Լոռու մարզում բնակվող թեկնածուներին, հատկապես՝ Ալավերդիից և հարակից համայնքներից։

📩 Դիմելու համար խնդրում ենք ուղարկել ինքնակենսագրականը (CV) և հետաքրքրվածության նամակը [email protected] հասցեին:

10/08/2026

2026 թվականի Օգոստոսի 8-9, Հայաստանի Հանրապետությունում Չեխիայի Հանրապետության Արտակարգ և Լիազոր դեսպան Պետր Պիրունչիկը այցելեց «Համայնքային համախմբման և աջակցության կենտրոն» ՀԿ-ի, ՀՀ Լոռու մարզի Փոքր Այրում գյուղում գտնվող «Գրին Քեմփ» էկո-գյուղական և քաղաքացիական հասարակության զբոսաշրջության կենտրոն Սոցիալական Ձեռնարկատիրություն։
Այցի ընթացքում դեսպանը ծանոթացավ «Գրին Քեմփ» քեմփինգին, ՍՁ-ի ստեղծման փիլիսոփայությանը, նրա կողմից տարվող աշխատանքներին, կենտրոնում գործող Էկո-ակտիվիզմի Ակադեմիային, նրա նպատակներին, ծանոթացավ էկո-ակտիվիզմի ակադեմիայի 6-րդ հոսքի մասնակիցների հետ։
Այցի ընթացքում դեսպանը հնարավորություն ունեցավ նաև ծանոթանալու «Գրին Քեմփ»-ի շրջապատող բնությանը։

10/08/2026

🌱Օգոստոսի 6-9-ը Լոռու մարզի Փոքր Այրում գյուղի «Գրին Քեմփ» էկո-գյուղական և քաղաքացիական հասարակության զբոսաշրջության կենտրոնում մեկնարկեց «Էկո-Ակտիվիզմի Ակադեմիայի» 6-րդ հոսքի առաջին շրջափուլը։

🤩Ակադեմիայի առաջին հանդիպումը համախմբեց ՀՀ տարբեր մարզերից ժամանած ակտիվ և ներգրավված երիտասարդների, որոնք առաջիկա փուլերում հնարավորություն կունենան խորացնելու իրենց գիտելիքները էկո-ակտիվիզմի և համայնքային փոփոխությունների վերաբերյալ։

📖Հանդիպման ընթացքում մասնակիցները ծանոթացան էկո-ակտիվիզմի գաղափարին, դրա նպատակներին և համայնքային զարգացման գործընթացում ունեցած դերին։ Քննարկվեցին նաև Հայաստանում ձևավորված բնապահպանական շարժումները, դրանց փորձը և ազդեցությունը՝ հնարավորություն տալով մասնակիցներին ավելի ամբողջական պատկերացում կազմել էկո-ակտիվիզմի դաշտի և դրա հնարավորությունների մասին։

📍Առանձին ուշադրություն դարձվեց համայնքներում առկա էկոլոգիական խնդիրների բացահայտմանը։ Մասնակիցները ծանոթացան էկոլոգիական վտանգի թեժ կետերի վերհանման և քարտեզագրման մոտեցումներին, այնուհետև գործնական աշխատանքի միջոցով փորձեցին ուսումնասիրել և վերլուծել խնդիրները՝ դրանց պատճառներն ու հնարավոր լուծումները հասկանալու համար։

⚖Հանդիպման ընթացքում անդրադարձ եղավ նաև էկոլոգիական իրավունքներին և սոցիալ-էկոլոգիական անվտանգությանը՝ համայնքի համատեքստում։ Մասնակիցները ծանոթացան «Կանաչ խորհուրդների դաշնության» մանիֆեստին և կառուցվածքին, ինչպես նաև քննարկեցին հանրային քաղաքացիական արշավների և համայնքի մոբիլիզացիայի կարևորությունը՝ որպես փոփոխություն նախաձեռնելու և համայնքային խնդիրների շուրջ մարդկանց համախմբելու գործիքներ։

🤝Ակադեմիայի երրորդ օրը մեզ միացավ նաև Հայաստանում Չեխիայի Հանրապետության դեսպան Պետր Պիրունչիկ։ Այցի ընթացքում դեսպանը ծանոթացավ «Էկո-Ակտիվիզմի Ակադեմիաին», հանդիպեց Ակադեմիայի մասնակիցներին և հնարավորություն ունեցավ ավելի մոտիկից ծանոթանալու նրանց հետաքրքրություններին, փորձին ու նախաձեռնություններին։

🚶Ակադեմիայի շրջանակում իրականացվեց նաև քայլարշավ դեպի «Նահատակ» պոչամբար, որի ընթացքում մասնակիցները հնարավորություն ունեցան տեղում ուսումնասիրելու բնապահպանական խնդիրների համատեքստը և իրենց քննարկումները կապելու իրական միջավայրի հետ։

Առաջին շրջափուլն անցավ ակտիվ քննարկումների, գործնական աշխատանքների, փորձի փոխանակման և նոր կապերի ձևավորման մթնոլորտում՝ հիմք դնելով Ակադեմիայի հետագա հանդիպումների և մասնակիցների միջև համագործակցության համար։