Qendra e të moshuarve "Besa" Barbullush

02/06/2026

02/06/2026

Aktivitet me të moshuarit!

Në qendër organizuam një aktivitet me të moshuarit, ku përgatitëm një zgarë dhe kaluam një kohë të këndshme së bashku. Atmosfera ishte e ngrohtë dhe plot gëzim, ndërsa të gjithë shijuan momentet e kaluara në grup.

Një falënderim i veçantë shkon për personat që dhuruan qingja me rastin e Kurban Bajramit. Kontributi dhe bujaria e tyre sollën gëzim tek të moshuarit dhe ndihmuan në krijimin e një atmosfere festive e të veçantë. Ju falënderojmë për mbështetjen dhe zemërgjerësinë tuaj.

20/05/2026

Sot patëm kënaqësinë të mirëprisnim në qendrën tonë nxënësit e Shkollës 9-vjeçare Bushat, në një aktivitet shumë të ngrohtë dhe plot emocione.

Falënderojmë nxënësit për vizitën, respektin dhe atmosferën e bukur që sollën, mësuesen për përkushtimin dhe organizimin, si edhe drejtoreshën e shkollës për bashkëpunimin dhe mbështetjen.

Vizita të tilla sjellin gëzim, afërsi dhe momente të veçanta për të gjithë ne. 🌸

19/05/2026

Qendra Besa – aty ku buzëqeshja, kujdesi dhe lumturia e gjyshërve tanë janë prioriteti ynë çdo ditë. Një vend i ngrohtë ku respekti, dashuria dhe përkujdesja i bëjnë të moshuarit të ndihen si në familje.

16/05/2026

🌸 Dita e Familjes 🌸
15 maj 2026
Familja është vendi ku fillon dashuria dhe ku zemra gjen gjithmonë ngrohtësi. Në shtëpinë tonë çdo ditë përpiqemi të krijojmë pikërisht këtë ndjenjë – një ambient familjar, plot kujdes, respekt dhe dashuri për ata që kanë dhënë kaq shumë në jetë.
Në këtë Ditë të Familjes, kujtojmë se familja nuk është vetëm lidhje gjaku, por edhe përkushtim, mbështetje dhe praninë e sinqertë pranë njëri-tjetrit.

Falenderoj shumë për organizimin e aktivitetit për ditën e familjes ,Sherbimin social Vau Dejes,
Qendren hapa të lehtë,
Nxënesit e shkollës Barbullush dhe Bushat,
Shkolla profesonale Ndre Mjeda,
Agroturizëm Harapi 🥰

Falenderoj shume të gjithe ato që
U bënë pjese e jona ne ditën e familjes duke dhuruar buzëqeshje e dashuri për gjyshërit tanë.
Gëzuar Ditën e Familjes! ❤️

06/05/2026

🌞Aktivitet në natyrë me rastin e Festës së Luleve.

04/04/2026

Gëzuar Pashkët! 🕊️✨Në këtë ditë të mbushur me dritë dhe shpresë, le të rikthejmë besimin te mirësia, te dashuria dhe te forca që na bashkon.

Sot, në Qendrën Besa, nuk festuam thjesht Pashkët — i dhamë kuptim festës përmes pranisë dhe kujdesit. Mes syve plot jetë, buzëqeshjeve të qeta dhe fjalëve të ngrohta, krijuam një atmosferë që ndihej më shumë se festë… ndihej si familje.

Ishte një moment i bukur që na kujtoi se vlera më e madhe që kemi është njëri-tjetri, dhe se dashuria e ndarë bëhet gjithmonë më e madhe.

Gëzuar Pashkët nga zemra! Paqe, shëndet dhe shumë dritë në çdo shtëpi! 🥰🥰🥰🥰

20/03/2026

Në këtë ditë të bekuar të Fitër Bajramit, përcjellim urimet më të përzemërta për të gjithë: paqe, shëndet, begati dhe harmoni në çdo familje! 🌙✨

Me këtë rast, qendra jonë pati kënaqësinë të mirëpresë Drejtorin e Shërbimit Social në bashkinë tonë, z. Ridvan Luzaku, i cili ndau pak momente me gjyshërit tanë, duke iu bashkuar atmosferës festive.

Gëzuar Fitër Bajramin! 🤍

17/03/2026

Sonte ,në një atmosferë të ngrohtë dhe plot mirësi znj Ardita Agaj Shameti dhe Vjollca Pashaj mundësuan shtrimin e një iftari për të moshuarit në Qendrën Sociale “Besa”. Ky gjest fisnik solli gëzim, bashkim dhe një ndjenjë të veçantë kujdesi për të gjithë të pranishmit.
E falënderojmë🥰 përzemërsisht për këtë akt human dhe për mbështetjen qe na mundeson vazhdimisht !🥰

16/03/2026

Sonte, në një atmosferë të ngrohtë dhe plot respekt, u shtrua një iftar për të moshuarit e qendrës sonë me ndermjetesimin e Z. Ervis Molla, i cili me bujarinë dhe përkushtimin e tij vazhdon të qëndrojë gjithmonë pranë tyre. Me gjestin e tij fisnik, ai solli jo vetëm një tryezë iftari, por edhe shumë gëzim e vëmendje për të moshuarit. Z. Ervis Molla është vazhdimisht pranë Qendrës Sociale Besa, duke kontribuar herë pas here me ndihma dhe mbështetje të ndryshme për banorët e saj. E falënderojmë përzemërsisht për këtë akt bujarie dhe për kujdesin e vazhdueshëm që tregon ndaj Gjysherve tane!