Rotaract është një organizatë ndërkombëtare klubesh për të rinjtë nga mosha 18 deri në 30 vjeç, promovuar nga Rotary International. Është një klub që ndihmon në rritjen e aftësive drejtuese dhe dinjitetit personal, inkurajon praktikën dhe përhapjen e normave të larta etike në biznes, po ashtu promovon mirëkuptimin dhe paqen mbarëbotërore. Shtysa më e madhe për themelimin e programit Rotaract erdhi
nga krijimi i Interact, i cili filloi si program i Rotary International në 1962, ku pati një sukses të menjëhershëm, megjithëse ishte i përbërë vetëm nga student gjimnazesh, persona të cilët ishin të destinuar të rrinin për një periudhë të shkurtër në klub. Kështu bordi i RI vendosi të fillonte një program të ri për “të rinj të rritur”. Në një klimë ku mbizotëronin protestat studentore (jemi në periudhën e luftës në Vietnam) lindi Rotaract. Ky klub lindi jo vetëm që t’i mundësonte Intereract-ianëve që të vazhdonin të rrinin në familjen rotariane por edhe të ishte një klub nxitës për të drejtuar energjitë e të rinjve në aktivitete për të mirë të komunitetit. Për koinçidencë Klubi i Universitetit te North Carolina kishte adoptuar këtë emër që në 1966, por ato kishin bashkuar fjalët “ROTARy” dhe “InterACT”. Rotaract Club Tirana është themeluar në verën e vitit 1998. Ky klub sponsorizohet dhe mbështetet në mënyrë të vazhdueshme nga Rotary Club Tirana. Qëllimi i Rotaract Club Tirana është kanalizimi i enegjisë së të rinjve në rritjen e frymës së “Shërbimit ndaj të tjerëve”- “Service above Self “ , gjithmonë në të mire të komunitetit. Që prej vitit të krijimit, klubi ka qënë aktiv me projekte dhe shërbime të ndryshme në ndihmë të komunitetit të Tiranës dhe veçanërisht shtresave në nevojë. Aktivitetet tona ndër vite dhe projektet për të ardhmen do mund ti shikoni në postimet tona të ardhshme!
