25/06/2024
🚨 Publication alert
1 Dita e Studiuesit (Punimet e konferencës)
Ky botim është koleksioni i artikujve dhe i prezantimeve të eventit të veçantë për Departamentin e Theologjisë dhe Kulturës, Ditës së 1-rë të Studiuesit, që u zhvillua më 21 maj 2024. Këtë vit akademik, Departamenti i Theologjisë dhe Kulturës ka themeluar ditën e titulluar “Dita e Studiuesit”, gjatë së cilës studentë, të diplomuar, si dhe lektorë e studiues që bashkëpunojnë me Departamentin prezantuan para komunitetit universitar dhe publikut përpjekjet e tyre kërkimore, punimet dhe tezat e botuara. Ky është një event i përvitshëm dhe çdo vit Departamenti do të shpallë datën për eventin e çdo viti.
Dita e Studiuesit është festa e kërkimit pasi ajo u jep fjalën të diplomuarve, studentëve dhe lektorëve tanë që të paraqesin dhe publikojnë mendimin e tyre shkencor mbi temën që kanë studiuar ose që po punojnë aktualisht dhe të fillojnë një debat me komunitetin kërkimor dhe publikun mbi punën që po zhvillohet në Departament në këtë moment. Në pjesën e parë të këtij botimi mund të lexoni punimet e të diplomuarve të Master-it dhe Bachelor-it dhe të studentëve aktualë të Master-it dhe në pjesën e dytë punimet e disa prej lektorëve tanë. Punimet mbulojnë shumë fusha të theologjisë, arsimit, arkeologjisë dhe turizmit religjioz, kështu që është një mundësi me mjaft interes për lexuesin që të kuptojë larminë e lëndëve që ne trajtojmë si Departament.
Dëshirojmë të falenderojmë kontribuesit e Ditës së parë të Studiuesit dhe veçanërisht MSc. Klajdi Dervishi, “Ikonografia e Onufër Neokastritit në Zonën e Shpatit”, Kristijan Mishevskin (I diplomuar në Theologji – student i Master-it Profesional në Theologjinë Sociale), “Rruga e Sikhëve drejt pavarësisë fetare”, Çenkuela Selenica (E diplomuar në Theologji), “Tradita e Jetës Murgërore Orthodhokse në Shqipëri”, Ana Baba (studente e Master-it Profesional në Theologjinë Sociale), “Lutja, jeta e shpirtit”, Jonilda Cfarku Stojko (studente e Master-it Profesional në Theologjinë Sociale), “Familja e Krishterë Orthodhokse dhe Rritja e Fëmijëve”, As. Lektor MSc. Thoma Çomëni, “Disa aspekte sociale dhe etike mbi varfërinë në shoqërinë shqiptare”, Lektor Dr. Thoma Shkira, “Lipsanologjia në Shqipëri”, Lektor Dr. Nikolaos Tsirevelos & As. Lektor MSc. Marina Baba, “Duke jetuar së bashku në një botë pluraliste. Shfaqja e rëndësisë së dialogut ndërfetar dhe ndërkulturor nëpërmjet predikimit dhe edukimit në Kishën Orthodhokse” dhe Lektor Dr. Georgios Gaitanos, “Përdorimi i dhomave të arratisjes digjitale në lëndën ‘Historia e Religjioneve’”.
