23/12/2025
Ditën e shtunë, më 20 dhjetor, Tek Bunkeri u mbajt prezantimi i studimit “Punësimi sezonal në turizmin bregdetar: mes informalitetit, pasigurisë dhe të drejtave të punëtorëve”.
Studimi paraqet një analizë të situatës së punëtorëve sezonalë në sektorin e turizmit bregdetar, duke evidentuar shkeljet më të shpeshta të të drejtave të tyre. Ndër problematikat kryesore të identifikuara janë informaliteti në punë, orët e zgjatura, mosrespektimi i pushimit dhe puna e të miturve.
Aktiviteti u shoqërua me diskutime dhe ndarje eksperiencash mbi punën sezonale nga pjesëmarrësit.
Puna sezonale duhet të jetë në qendër të vëmendjes publike dhe, përmes këtij studimi, synojmë ta bëjmë pjesë të diskursit publik, veçanërisht duke pasur parasysh se ky sektor është në ekspansion të vazhdueshëm, ndërkohë që përmirësimi i kushteve të punëtorëve nuk ecën në mënyrë proporcionale me këtë zhvillim.
Studimi i plotë është i aksesueshëm në:
https://ikesh.org/wp-content/uploads/2025/12/Punesimi-Sezonal-.pdf
