KSSH-Federata Sindikatave Administrates Publike e Sherb.Civil Shqiperise

12/06/2026

12/06/2026

07/06/2026

🎉 Urime për ri-zgjedhjen e motrës Liz Shuler, Presidente e AFL-CIO! 🎉!

Në emër të KSSH-së, shprehim përgëzimet tona më të sinqerta për ri-zgjedhjen e saj në krye të AFL-CIO dhe i urojmë suksese të mëtejshme në mandatin e ri.

Lidershipi i saj i vendosur dhe arritjet e rëndësishme gjatë mandatit të kaluar, pavarësisht sfidave dhe vështirësive politike në SHBA, kanë qenë një shembull i fuqishëm në mbrojtjen e të drejtave të punëtorëve dhe forcimin e lëvizjes sindikale.

Gjatë takimit tonë, Presidentja Shuler ritheksoi se bashkëpunimi me KSSH-në do të vazhdojë të mbetet një prioritet i rëndësishëm dhe me interes të ndërsjellë për të dy organizatat tona.

Një falënderim i veçantë shkon për Solidarity Center për mbështetjen e vazhdueshme ndaj KSSH-së në edukimin, formimin dhe trajnimin sindikal të aktivistëve dhe drejtuesve sindikalë.

Ky partneritet ka dhënë një kontribut të çmuar në forcimin e kapaciteteve sindikale dhe në promovimin e të drejtave të punëtorëve.

KSSH dhe AFL-CIO mbeten të angazhuara për të thelluar më tej bashkëpunimin strategjik, bilateral dhe multilateral, të mbështetur mbi vlerat e solidaritetit sindikal, veçanërisht në kuadër të ITUC.

Jemi të bindur se marrëdhëniet tona do të vazhdojnë të forcohen në të ardhmen, në shërbim të punëtorëve dhe të drejtave të tyre kudo.

Solidariteti sindikal nuk njeh kufij! ✊🤝
💪💪

07/06/2026

Urime dhe Suksese Liderishipit të ri-zgjedhur të Federatës Amerikane të Sindikatave AFL-CIO:

Liz Shuler President e AFL-CIO dhe Fred Redmond Sekretari i Thesarit i AFL-CIO! 💪💪

07/06/2026

AFL-CIO 30th Constitutional Convention

Re-elected Elisabeth Shuler as AFL-CIO President.

CONGRATULATIONS sister LiZ👏👏💪💪

06/06/2026

35 VJET KSSH.

5 Qershor 1991 – 5 Qershor 2026.!

35 Vjet në shërbim të punëtorëve, solidaritetit dhe drejtësisë sociale!

Sot, Konfederata e Sindikatave të Shqipërisë (KSSH) shënon me krenari 35-vjetorin e themelimit të saj.

Më 5 Qershor 1991, në një periudhë të vështirë transformimesh politike, ekonomike dhe shoqërore, lindi KSSH-ja si zëri i lirë dhe i pavarur i punëmarrësve shqiptarë.

Përgjatë këtyre 35 viteve, KSSH ka mbrojtur me vendosmëri të drejtat e punëtorëve, ka promovuar dialogun social dhe ka kontribuar në ndërtimin e një Shqipërie më demokratike, më sociale dhe më europiane.

Në këtë përvjetor të rëndësishëm, ne shprehim mirënjohjen dhe respektin më të thellë për mijëra anëtarë, aktivistë dhe drejtues sindikalë që me përkushtimin e tyre kanë ndërtuar historinë e organizatës sonë.

Nderojmë veçanërisht ata që nuk janë më mes nesh, por që kanë lënë gjurmë të pashlyeshme në themelet dhe vlerat e KSSH-së.

Sot, sfidat e botës së punës janë të reja: emigracioni, mungesa e fuqisë punëtore, transformimi teknologjik, kostot e jetesës dhe nevoja për paga e kushte më dinjitoze. Përballë këtyre sfidave, KSSH mbetet e vendosur të forcojë mbrojtjen e punëmarrësve, të zgjerojë dialogun social dhe të luftojë për punë të denjë, paga të drejta, siguri në punë dhe mbrojtje sociale për të gjithë.

Vizioni ynë mbetet i pandryshuar: një Shqipëri me sindikata të forta, me punëmarrës të respektuar, me drejtësi sociale dhe me standarde europiane të punës e mirëqenies.

Në këtë jubile të 35-vjetorit, riafirmojmë angazhimin tonë për të qenë pranë çdo punëtori, çdo familjeje dhe çdo qytetari që beson tek solidariteti, barazia dhe dinjiteti njerëzor.

35 vjet histori, përvojë dhe përkushtim.!

35 vjet zë i punëtorëve shqiptarë.!

35 vjet KSSH.!

Gëzuar 35-vjetorin e themelimit të KSSH-së!

Presidenca Ekzekutive e KSSH-së
5 Qershor 2026

05/06/2026

04.06.2026 📍Pallati i Kongreseve, Tiranë

🇪🇺🇦🇱 Takimi i 3-të i Këshillit të Përbashkët Konsultativ BE–Shqipëri (JCC)

U zhvillua Takimi i 3-të i KPK-së BE–Shqipëri (JCC), me pjesëmarrjen e përfaqësuesve të institucioneve europiane dhe shqiptare, organizatave të punëdhënësve dhe sindikatave dhe organizatave të shoqërisë civile.

Takimi u bashkëdrejtua nga Juliana Hoxha dhe Violeta Jelić, ndërsa ndër folësit kryesorë ishin Zëvendësministrja e Ekonomisë dhe Inovacionit, Olta Manjani, Kreu i Seksionit Politik të Delegacionit të Bashkimit Europian në Shqipëri, André Rizzo, si dhe përfaqësues të institucioneve, biznesit, shoqërisë civile dhe partnerëve socialë.

🗣️ Konfederata Sindikatave të Shqipërisë (KSSH) u përfaqësua nga Dirida Nikollaj, e cila përcolli qëndrimet e KSSH-së të shprehura vazhdimisht në tryezat kombëtare dhe ndërkombëtare, duke theksuar nevojën për një dialog social real dhe efektiv, përfshirjen e partnerëve socialë në proceset vendimmarrëse, forcimin e negociatave kolektive dhe garantimin e respektimit të të drejtave të punëtorëve.

🤝 Në të njëjtin sesion, Valerie Cović, Attaché për Bashkëpunimin me Shoqërinë Civile në Delegacionin e Bashkimit Europian në Shqipëri, theksoi se procesi i integrimit europian nuk mund të jetë i suksesshëm pa përfshirjen reale të shoqërisë civile dhe partnerëve socialë, ja nevojë për më shumë transparencë dhe efektivitet në dialogun social, forcimin e kapaciteteve të partnerëve socialë, si dhe mbështetjen institucionale dhe financiare për partnerët sociale.

✅ KSSH mbetet e angazhuar për promovimin e një dialogu social efektiv, gjithëpërfshirës dhe të qëndrueshëm, si një element kyç në procesin e integrimit europian të Shqipërisë dhe në garantimin e standardeve europiane të punës dhe mbrojtjes sociale.

Në fund u miratua një Deklaratë, që e gjeni në linkun:
https://x.com/EESC_REX/status/2062567216390848876

🇪🇺🇦🇱

28/05/2026

Mbledhja konstituive e Këshillit Konsultativ Trepalësh Rajonal në Qarkun Lezhë

Nën drejtimin e Prefektit të Qarkut Lezhë u zhvillua sot mbledhja konstituive e Këshillit Konsultativ Trepalësh Rajonal.

Në fjalën e tij hapëse, Prefekti theksoi se ky këshill përfaqëson një mekanizëm të rëndësishëm institucional, i cili synon forcimin e dialogut social dhe të bashkëpunimit ndërmjet institucioneve shtetërore, njësive të pushtetit vendor, si dhe organizatave të punëdhënësve dhe punëmarrësve.

Ky bashkëpunim synon adresimin e sfidave ekonomike, sociale dhe të punësimit në nivel qarku, kryesisht në evidentimin e disa çështjeve kryesore, ndër të cilat:
• problematikat ekonomike të biznesit të vogël;
• subvencionimi në sektorin e bujqësisë;
• punësimi, aftësimi dhe formimi profesional, si dhe politikat përkatëse;
• krijimi i kushteve të përshtatshme për punësimin e personave me aftësi të kufizuara;
• sfidat e punësimit sezonal;
• respektimi i kontratave të punës;
• siguria dhe shëndeti në punë.

Në vijim të mbledhjes, u miratua rregullorja e funksionimit të këshillit dhe u zgjodhën nënkryetarët nga pala e organizatave të punëdhënësve dhe punëmarrësve/Sindikatave, ku nga pala e Sindikatave u zgjodh Nënkryetar Pjetër Gjinkoka, Koordinatori i KSSH-së për Qarkun Lezhë.

Gjithashtu, u paraqitën problematika dhe sugjerime konkrete, për të cilat institucionet përkatëse do të angazhohen në adresimin dhe zgjidhjen në kohë të tyre.

27/05/2026

Gëzuar Kurban Bajramin!🕌

Federata e Sindikatave të Admibistratës Publike dhe Shërbimit Civil të Shqipërisë (FSAPSHCSH), uron anëtarët e saj dhe gjithë shqiptarët myslimanë Gëzuar Kurban Bajramin.
Le të jetë kjo festë e bekuar një mundësi për të forcuar lidhjet njerëzore, për të ndarë mirëkuptim, tolerancë dhe për të treguar solidaritet ndaj njëri-tjetrit.🌙

Qofshi të bekuar.