Save the Children in Albania

19/10/2026

💙 Si ndihen fëmijët këto ditë? Ne i pyetëm dhe i dëgjuam.
Pyetëm fëmijët dhe të rinjtë, pjesëmarrës në projektet tona, për mënyrën se si po i përjetojnë ditët e fundit, çfarë i shqetëson dhe çfarë u jep shpresë.

💬 Ja çfarë ndanë ata me ne:
🛡️ Siguria dhe mbrojtja
Fëmijët dhe të rinjtë kanë shqetësime për sigurinë e tyre, të familjeve dhe të bashkëmoshatarëve. Për disa, frika ndikon në përditshmërinë, vajtjen në shkollë, takimet me miqtë dhe mirëqenien emocionale.
🗣️ Të dëgjohen pa frikë
Edhe pse kanë mendime të ndryshme, ata ndajnë një dëshirë të përbashkët: zëri i tyre të dëgjohet, mendimet e tyre të respektohen dhe të merren seriozisht. Çdo fëmijë dhe i ri ka të drejtë të shprehet lirshëm dhe të marrë pjesë në jetën publike, në mënyrë paqësore dhe të sigurt.
🌱 Mbështetje dhe shpresë
Mes pasigurisë, ata vazhdojnë të shpresojnë për të ardhmen e tyre në Shqipëri. Kërkojnë informacion të besueshëm, hapësira të sigurta ku mund të flasin hapur dhe mbështetje emocionale e ligjore kur kanë nevojë.
💙 T’i dëgjojmë fëmijët nuk është thjesht një zgjedhje, por një përgjegjësi. Zëri i tyre ka rëndësi, ndjenjat e tyre meritojnë vëmendje dhe siguria e mirëqenia e tyre duhet të jenë gjithmonë në qendër.

Le të krijojmë së bashku më shumë hapësira ku çdo fëmijë ndihet i sigurt, i dëgjuar dhe i mbështetur.

19/10/2026

💛 Shërim dhe Edukim përmes Artit

Stafi i 4 qendrave komunitare po vijon me trajnimet mbi metodologjinë HEART, me një fokus të veçantë te fëmijët me nevoja të veçanta. 🤝

🌟 Çfarë është HEART?
HEART (Shërim dhe Edukim përmes Artit) është një metodologji e zhvilluar nga Save the Children, e cila përdor artin (vizatimin, muzikën, lëvizjen, dramën dhe tregimin) si një mënyrë natyrale që fëmijët të shprehin ndjenjat dhe përjetimet e tyre, edhe kur fjalët nuk mjaftojnë. 🎶🖍️

🎨 Si i ndihmon HEART fëmijët?
✨ T’i shprehin lirshëm emocionet e tyre
✨ Të besojnë më shumë te vetja
✨ Të zbulojnë kreativitetin dhe të krijojnë miqësi të reja
✨ Të ndihen mirë, të sigurt dhe pjesë e grupit

Cdo fëmijë ka të drejtë të mësojë, të shprehet dhe të rritet me buzëqeshje. 💫

Qendra Komunitare “Të Qëndrojmë së Bashku”
Qendra Komunitare Shkoze
Qendra Komunitare Multidisiplinare - Bashkia Tiranë
Qendra Komunitare Gonxhe Bojaxhi- Bashkia Tiranë

16/10/2026

13/10/2026

JO DHUNËS!

Konventa e OKB-së për të Drejtat e Fëmijës u garanton fëmijëve dhe të rinjve të drejtën të shprehin lirisht mendimin e tyre dhe të dëgjohen (Neni 12), të mblidhen e të protestojnë në mënyrë paqësore (Neni 15), dhe të mbrohen nga çdo formë dhune (Neni 19).

Ftojmë institucionet, prindërit, mësuesit dhe vetë të rinjtë të zgjedhin dialogun në vend të përplasjes. Femijet dhe të rinjtë duhet të kenë hapësira të sigurta ku të ngrenë zërin, dhe vendimmarrësit duhet t’i dëgjojnë dhe të marrin masa për plotësimin e kërkesave dhe realizimin e të drejtave të tyre.

Askush nuk duhet të dhunohet për mendimin që shpreh apo për të drejtat që kërkon.

13/10/2026

🤝 Besimi dhe komunikimi janë mbrojtja më e fortë 💙

“Nuk jemi gati t'i mbështesim fëmijët. Ndihemi shumë të papërgatitur për botën online.” – një prind, gjatë diskutimit në grup

Nga Konsultimet tona me prindër dhe mësues të TIK në Shqipëri, ata shprehen se problemi nuk është vetëm mungesa e njohurive por ka edhe një mungesë mirëkuptimi mes brezave. Fëmijët duan të rritur që i dëgjojnë pa i gjykuar. Prindërit kanë frikë se po humbasin kontrollin.

📌 Çfarë kërkuan pjesëmarrësit:
✅ Edukim digjital edhe për prindërit dhe mësuesit, jo vetëm për fëmijët
✅ Aftësi për mendim kritik dhe për të dalluar dezinformimin
✅ Aftësi emocionale për të përballuar presionin dhe përvojat negative online
✅ Udhëzime praktike në gjuhën shqipe
✅ Llogaridhënie më të madhe nga kompanitë e teknologjisë
✅ Përfshirje e fëmijëve në hartimin e politikave dhe të produkteve digjitale

Përgjegjësia është e përbashkët. Barra nuk mund të bjerë vetëm mbi fëmijët dhe familjet. 💬

12/10/2026

🏠 Qëndrueshmëria fillon në shtëpi. Fëmijët, familjet, shkollat dhe komunitetet duhet të jenë të informuara dhe të përgatitura për emergjencat. Një e ardhme më e sigurt për çdo fëmijë fillon me përgatitjen sot.

11/10/2026

👧 Çdo vajzë ka të drejtë të rritet e sigurt, të mësojë, të luajë, të ëndërrojë dhe të zgjedhë të ardhmen e saj.

Save the Children in Albania punon për të drejtat e çdo fëmije, përfshirë vajzat duke mbështetur ato të fuqizojnë zërin e tyre, të njohin të drejtat dhe të marrin pjesë në vendimet që ndikojnë jetën e tyre.

Të investojmë te vajzat do të thotë të investojmë në një të ardhme më të drejtë.
Le të sigurojmë që çdo vajzë të ketë mundësinë të rritet, të mësojë dhe të realizojë potencialin e saj.

10/10/2026

Të dëgjojmë përvojat dhe të ndihmojmë ndryshimin.

Çdo fëmijë ka të drejtë të ndihet i sigurt, i dëgjuar dhe i mbështetur. Zëri i fëmijëve duhet të dëgjohet dhe të ndikojë në shërbimet dhe vendimet që prekin shëndetin e tyre mendor.

💬 Më shumë investim në parandalim, shërbime komunitare dhe mbështetje të specializuar, në mënyrë që çdo fëmijë të marrë ndihmën që i nevojitet dhe kur i nevojitet.

Shëndeti mendor i fëmijëve nuk mund të presë. ❤️

09/10/2026

Siguria online e fëmijëve nuk është vetëm çështje sjelljeje individuale. A e dini si e përjetojnë fëmijët tuaj botën online? 🌐

Si pjese e projektit , folëm me 39 persona në Shqipëri: adoleshentë, prindër dhe profesionistë të TIK-ut. Secili prej tyre kishte këndvështrime të ndryshme në mënyrën si e konsiderojnë internetin:
🔹 Fëmijët e shohin hapësirën online si vend për miqësi, argëtim, përkatësi dhe vetëshprehje. Shqetësimet e tyre kryesore janë bullizmi, komentet fyese, keqpërdorimi i fotove, vjedhja e llogarive dhe presioni për pëlqime dhe ndjekës.
🔹 Prindërit shqetësohen për kohën para ekranit dhe përmbajtjen e papërshtatshme. Shumë prej tyre e ndiejnë se nuk arrijnë dot ritmin e teknologjisë.
🔹 Profesionistët e TIK-ut vënë theksin te algoritmet, inteligjenca artificiale, mbrojtja e të dhënave dhe boshllëqet në zbatimin e ligjeve.
E përbashkëta e tyre ishte se: kompanitë e teknologjisë duhet të marrin më shumë përgjegjësi për sigurinë e fëmijëve.

👇 Po ju a flisni me fëmijët tuaj për internetin? Ndani me ne në komente qendrimet, mendimet tuaja.

07/10/2026

🌐 Për një mjedis digjital më të sigurt për çdo fëmijë! 👧👦

Përfaqësues të Save the Children in Albania, Salvati Copiii Romania, Save the Children Kosova/o Rädda Barnen and mblodhën në Tiranë, në kuadër të projektit iMatterOnline (iMO), me fokus sigurinë online të fëmijëve.

🤝 Takimi shënoi nisjen e punës për paketat informuese për fëmijët, prindërit dhe profesionistët, si dhe diskutimin e gjetjeve të raporteve kombëtare që do të kontribuojnë në politikat evropiane për sigurinë online.

💬 Në fokus ishte edhe pjesëmarrja aktive e fëmijëve në hartimin e materialeve dhe zgjidhjeve që lidhen me sigurinë e tyre në internet.

💡 iMO zbatohet në 4 vende dhe në nivel evropian, për fëmijët 7–18 vjeç, veçanërisht ata nga grupet vulnerabël. Përmes edukimit digjital, videove, trajnimeve dhe aktiviteteve bashkëpunuese për politikat, projekti synon të angazhojë 1,441 fëmijë dhe 1,198 të rritur, ndërsa shtrirja në Evropë do të arrijë 2.3 milionë persona.

🇪🇺 Projekti mbështet prioritetet e Strategjisë së BE-së për të Drejtat e Fëmijës, duke i dhënë fëmijëve më shumë njohuri, siguri dhe zë në botën digjitale.