Albanian Conservative Institute

14/08/2026

Në këtë analizë, drejtuesja e Bordit Lindita Komani shqyrton Strategjinë e Kulturës 2026-2030, duke vënë në pah hendekun mes vizionit, kulturëbërjes dhe financimit, nga Statusi i Artistit dhe decentralizimi, te mungesa e një politike të qartë për bashkëpunimin kulturor me Kosovën dhe mbështetjen konkrete të krijuesve.

06/08/2026

Shteti nuk duhet të jetë pasqyra e dobësive të shoqërisë, por institucioni që i vendos kufij atyre dhe ngre standardin. Ndoshta ka ardhur koha të kalojmë nga “sipas kokës edhe festen”, tek “sipas festes edhe kokën”, shkruan sipërmarrësi Iljaz Mehmeti per The Albanian Conservative.

Shqiptarët kanë një shprehje të vjetër: “Sipas kokës edhe festen.” që domethënë se në përfundim të një proçesi forma i përshtatet përmbajtjes. Kjo ngjan të ketë ndodhur edhe me ndërtimin e shtetit tonë, ku duket se kemi zgjedhur jo t'a ndërtojmë shtetin që t'i ngrejë stan...

05/08/2026

Historia nuk ka dhënë një përgjigje përfundimtare për çdo problem, por një mësim duket se e ka bërë të qartë. Shoqëritë që kanë besuar tek individi, tek prona private, tek sipërmarrja dhe tek liria për të krijuar kanë qenë ato që kanë prodhuar më shumë pasuri, më shumë inovacion dhe më shumë dinjitet njerëzor. Dhe ndoshta ky është mësimi më i rëndësishëm që mund të nxjerrim nga kjo përplasje e madhe intelektuale: ekonomia nuk është thjesht studimi i pasurisë. Ajo është, mbi të gjitha, studimi i lirisë njerëzore, shkruan Enri Çeno

Shpesh e gjej veten duke bërë një pyetje, së cilës ende nuk i kam dhënë një përgjigje përfundimtare: a ishte pasioni im për filozofinë ai që më shtyu drejt politikës, apo ishte politika ajo që më detyroi të zhytem gjithnjë e më thellë në filozofi?

28/07/2026

Lëvizjet shoqërore nuk shuhen, ato veç transformohen. Ashtu ishte edhe rasti i lëvizjes për Teatrin Kombëtar, ku njerëzit dhe aktivistët e saj vazhdojnë të luftojnë edhe sot për drejtësi.

Fjala e drejtueses se Bordit të Institutit Konservator, Lindita Komani.

20/07/2026

Problemi i një shoqërie të lirë nuk është pasuria, dhe as suksesi, por pushteti që e mbron atë nga konkurrenca. Në këtë shkrim Enri Çeno argumenton pse tregu i lirë, sundimi i ligjit dhe mundësia për t’u ngjitur janë themeli i dinjitetit, përgjegjësisë dhe shpresës.

Pse tregu i lirë është një filozofi e dinjitetit, përgjegjësisë dhe shpresës

01/05/2026

Në Forumin e IDU-së, Unionit Ndërkombëtar Demokrat, Instituti Konservator Shqiptar ishte këtë vit organizatë partnere, duke u bërë organizata e parë shqiptare me këtë status në këtë forum të rëndësishëm ndërkombëtar.
Gjatë sesioneve dhe takimeve të zhvilluara u diskutua mbi situatën në Lindjen e Mesme, luftën në Ukrainë, sfidat e Europës në fushën e sigurisë, konkurrueshmërisë, demografisë dhe ndryshimeve gjeopolitike, si dhe mbi të ardhmen e marrëdhënies transatlantike.

Një vëmendje të veçantë pati edhe Ballkani, për të cilin u zhvillua një nga panelet kryesore të forumit, me pjesëmarrjen e liderit të opozitës shqiptare, Sali Berisha; Përfaqësuesit të Lartë për Bosnjë-Hercegovinën, Christian Schmidt; Ministrit të Jashtëm të Maqedonisë së Veriut, Timčo Mucunski; Ministrit të Jashtëm të Kroacisë, Gordan Grlić Radman; nën moderimin e Paul Prososki-t, drejtues i Institutit Republikan Ndërkombëtar.

Nga të ftuarit në panel, por edhe nga diskutimet e tjera, u theksua qartë se integrimi mbi bazë merite është rruga e vetme për anëtarësimin në Bashkimin Europian. U diskutua gjerësisht edhe për situatën shqetësuese të narkotrafikut në Shqipëri, problemet e rënda të sigurisë kombëtare dhe rajonale, potencialin e madh që ka Shqipëria, veçanërisht përmes Korridorit VIII, si dhe domosdoshmërinë e zgjedhjeve të lira dhe të ndershme.

Instituti u perfaqesua nga bashkëthemeluesit Nikola Kedhi dhe Enri Ceno.

Në forum morën pjesë liderë nga Europa, SHBA-ja, Kanadaja, Azia dhe Afrika, kryeministra, presidentë, parlamentarë dhe personalitete të rëndësishme politike e të shoqërisë civile. Ishte kënaqësi e veçantë të takoheshim me Kryeministrin e Kroacisë dhe mikpritësin e forumit, Andrej Plenković, një prej figurave më të rëndësishme të së djathtës europiane dhe të rajonit; me ish-Kryeministren e Mbretërisë së Bashkuar, Liz Truss; me ministra nga Kroacia dhe rajoni; si dhe me përfaqësues të nderuar të Partive Popullore Europiane, konservatorëve dhe republikanëve amerikanë.

Instituti Konservator Shqiptar do të vazhdojë të kontribuojë në trajtimin serioz të këtyre temave, në forcimin e zërit shqiptar në forumet ndërkombëtare dhe në ndërtimin e një vizioni të djathtë, perëndimor, patriotik dhe pro-atlantik për të ardhmen e Shqipërisë.

29/04/2026

Jemi të lumtur dhe të nderuar të njoftojmë se këtë vit Instituti Konservator Shqiptar do të jetë një nga partnerët e Unionit Ndërkombëtar të Demokracisë (IDU) për forumin e Zagrebit që zhvillohet më 29 dhe 30 prill.

IDU është organizata më e madhe dhe influente e të djathtës në Botë, ku bëjnë pjesë Republikanët amerikanë, Konservatorët britanikë, Partitë Popullore Europiane dhe Konservatorët e Riformistët Europianë.

Jemi krenarë që japim kontributin tonë në forcimin e aleancës së qendrës së djathtë dhe kontribuojmë në diskutimet e rëndësishme që ndikojnë në të gjitha shoqëritë tona.

Në Institutin tonë, IDU, partitë anëtare dhe organizatat e saj të lidhura do të gjejnë gjithmonë një partner të besueshëm e të qendrueshëm në Shqipëri dhe në Ballkan.

Na ndiqni në vijim për panelet dhe për përditësimet nga Forumi.

16/04/2026

https://albanianconservativeinstitute.org/on-autocracy-hungary-and-the-cost-of-crying-wolf-observations-from-hungary

Nje raport per zgjedhjet ne Hungari nga Drejtuesi i Institutit, Nikola Kedhi, i cili i ndoqi nga afer si vezhgues, pjese e Koalicionit Nderkombetar per Zgjedhje te Lira dhe te Ndershme.

Viktor Orbán has just lost a free election. That single fact should settle the debate, but only if we are honest about what the debate was actually about.

10/03/2026

Rivendosja e supremacisë – Një vëzhgim mbi sulmet mbi Iran

Në përfundim, përshkallëzimi në Iran, transformimet në Venezuelë, rikonfigurimi i infrastrukturës në Panama dhe diplomacia e nivelit të lartë mes fuqive të mëdha nuk janë episode të izoluara. Ato janë pjesë e një riorganizimi më të thellë të sistemit ndërkombëtar, ku energjia, transporti dhe tregtia shndërrohen në instrumente të fuqisë strategjike.

Nga Enri Çeno

Në fillim të vitit 2026, skena ndërkombëtare u trondit nga një përshkallëzim i papritur i tensioneve me ndikim global, i cili kulmoi me sulmet ajrore të Shteteve të Bashkuara dhe Izraelit ndaj infrastrukturës ushtarake iraniane. Këto zhvillime erdhën në një moment kur Irani, i goditur ...

25/02/2026

Sot u zhvillua një takim i rëndësishëm me delegacionin e përbërë nga përfaqësues të 28 partive anëtare të Partive Popullore Europiane, të ardhura në Shqipëri në kuadër të një misioni faktmbledhës mbi zhvillimet politike dhe institucionale në vend.

Instituti Konservator Shqiptar, përfaqësuar nga drejtuesi ekzekutiv, Nikola Kedhi, pati mundësinë të kontribuojë në këtë takim përmes prezantimit të punës sonë kërkimore mbi modelin ekonomik aktual, deformimet strukturore të tregut, ndikimon e narkoeurove, kapjen e shtetit dhe konsolidimin e një sistemi klientelist që dëmton konkurrencën e lirë, shtetin e së drejtës dhe perspektivën europiane të Shqipërisë.

Gjatë takimeve, u theksua rëndësia e rikthimit të Shqipërisë në standardet e normalitetit demokratik, forcimit të institucioneve të pavarura dhe garantimit të zgjedhjeve të lira dhe të ndershme si parakusht për integrimin europian.

E djathta shqiptare, dhe në veçanti Partia Demokratike, gëzon mbështetjen e partive simotra në familjen e EPP-së, përfshirë 15 parti që qeverisin sot në vendet e Bashkimit Europian dhe që përbëjnë shumicën në Parlamentin Europian dhe Komisionin Europian.

Instituti Konservator Shqiptar do të vijojë të ofrojë analiza të bazuara në fakte, rekomandime konkrete dhe bashkëpunim të ngushtë me partnerët europianë te Partive Popullore Europiane apo te tjerë partnerë, për një Shqipëri me institucione të forta, ekonomi të lirë dhe demokraci funksionale.