Mary Ward Loreto

15/06/2026

Më 12 Qershor në Ditën Botërore Kundër Punës së Fëmijëve, u mblodhëm në Shëngjin bashkë me Shërbimin Social Bashkia Lezhë në një aktivitet ndërgjegjësues me pjesëmarrjen e përfaqësuesve të institucioneve, prindërve dhe fëmijëve.
Së bashku ndamë mesazhin:
♦️“Karton i kuq ndaj punës së fëmijëve!
Lojë e ndershme për fëmijët dhe punë e denjë për të rriturit.”
Gjatë aktivitetit u theksua rëndësia e mbrojtjes së fëmijëve nga çdo formë shfrytëzimi për punë, si dhe nevoja për të garantuar arsimim, siguri dhe mundësi të barabarta për çdo fëmijë.
Një fokus i veçantë iu kushtua krijimit të vendeve të punës dhe të ardhurave të denja për familjet, në mënyrë që ato të mos detyrohen të mbështeten te puna e fëmijëve.

04/06/2026

Në një atmosferë bashkëpunimi, kreativiteti dhe vlerësimi, zhvilluam një aktivitet të veçantë në formën e një retreat-i, dedikuar punonjësve të vijës së parë.

Përmes performancave artistike, ushtrimeve me role dhe aktiviteteve në grup, ky takim kishte si qëllim motivimin, fuqizimin dhe vlerësimin e kontributit të jashtëzakonshëm që këta profesionistë japin çdo ditë në shërbim të njerëzve dhe komuniteteve.

Psikologë, punonjës socialë, juristë dhe profesionistë të tjerë u bënë bashkë për të reflektuar mbi sfidat e punës së përditshme, për të ndarë përvoja dhe për të festuar sukseset e arritura në terren. Ishte një mundësi për të rikujtuar se pas çdo shërbimi të ofruar me përkushtim, qëndrojnë njerëz të palodhur që punojnë me empati, profesionalizëm dhe përkushtim.

Ky aktivitet u zhvillua në kuadër të zbatimit të projektit “Strehë e Sigurt-Zgjerimi i Burimeve të Strehëzave për të Mbijetuarit e Trafikimit në Ballkanin Perëndimor”, financuar nga Departamenti Amerikan i Shtetit, menaxhuar nga World Vision Bosnjë dhe Hercegovinë dhe zbatuar në Shqipëri nga World Vison Albania dhe Mary Ward Loreto.

04/06/2026

Fondacioni Mary Ward Loreto pati kënaqësinë të zhvillojë disa takime me Kryetarin e Bashkisë Konispol Z. Ergest Dule dhe Kryetarin e Bashkisë Delvinë Z. Besmir Veli.

Gjatë këtyre takimeve, rikonfirmuam bashkëpunimin e gjatë dhe të suksesshëm ndërmjet Fondacionit dhe bashkive në menaxhimin dhe mbështetjen e rasteve në nevojë. Ky partneritet mbetet një element kyç për ofrimin e shërbimeve sa më cilësore, koordinimin ndërinstitucional dhe mbrojtjen e grupeve më vulnerabël në komunitet.

Falënderojmë Bashkinë Konispol dhe Bashkinë Delvinë për gatishmërinë, mbështetjen dhe angazhimin e vazhdueshëm në funksion të mirëqenies së qytetarëve. Presim me optimizëm vijimin e kësaj bashkëpunimi në iniciativa dhe shërbime që sjellin ndikim pozitiv në komunitet.

Partneritet ShërbimeSociale

01/06/2026

Fëmijët janë e tashmja që duhet mbrojtur dhe e ardhmja që duhet ndërtuar me kujdes.

Në këtë 1 Qershor, festojmë buzëqeshjet, ëndrrat dhe të drejtat e çdo fëmije.

Gëzuar Ditën Ndërkombëtare të Fëmijëve! 💙

Mary Ward Loreto

26/05/2026

Prej disa muajsh, një grup prej 14 grash kanë ndjekur sesione fuqizuese me fokus në mbështetjen sociale, zhvillimin ekonomik, fuqizimin emocional dhe rritjen e vetëvlerësimit. Përmes këtyre takimeve, gratë janë inkurajuar të njohin më mirë vlerat, aftësitë dhe potencialin e tyre, duke fituar më shumë besim për të marrë vendime dhe për të ndërtuar një të ardhme më të qëndrueshme.
Krahas sesioneve fuqizuese, ato janë mbështetur edhe me mundësi të tjera zhvillimi, si ndjekja e kurseve profesionale në kuzhinë, parukeri dhe rrobaqepësi. Këto mundësi janë realizuar pjesërisht me fondet e fondacionit dhe pjesërisht falë bashkëpunimit të ngushtë me partnerët tanë lokalë, të cilët mbështesin vazhdimisht fuqizimin e grave në komunitet. Sesionet I permbyllem me nje retreat te zhvilluar ne Prizren Kosove ku gratë shprehën mirënjohjen për përfshirjen në këtë rrugëtim .

22/05/2026

Z left her country after facing serious risks to her safety and well-being. Arriving alone in Albania, she was searching not only for protection, but also for hope and a chance to rebuild her life.

Today, Z’s story stands as a powerful example of resilience, dignity, and new beginnings. This is more than a success story — it is a reminder that with the right support, protection, and opportunity, people can rebuild their lives and thrive. 🤍

NewBeginnings ProtectionAndHope

22/05/2026

Bëhuni gati për edicionin e 7-të të Çmimit Rajonal për Projekte të zbatuara mbi bazat e metodologjisë “Të nxënit përmes shërbimit” - “Service-Learning”

Dorëzoni aplikimin tuaj deri më 12 korrik 2026 ne adresen e email [email protected] dhe bëhuni gati të shkëlqeni!

19/05/2026

Every person deserves to live with dignity,safety and hope!

18/05/2026

Në kuadër të projektit “SAFER”, Mary Ward Loreto zhvilloi në Pukë trajnimin me temë “Soft Skills Needed for Successful and Meaningful Employment”.

Sesioni trajnues dhe eksperienca e të nxënit në grup u udhëhoq nga bashkëpunëtori ynë, z. Ilirjan Lleshi, drejtues i Zyrës së Punësimit në Pukë, i cili ndau njohuri dhe praktika mbi aftësitë e buta të nevojshme për integrim të suksesshëm dhe të qëndrueshëm në tregun e punës.

12/05/2026