Mary Ward Loreto

19/08/2026

Part 2:

Empowering women and young people with skills, confidence, and opportunities to build a more secure future within their communities. 🤝

17/08/2026

Empowering women and young people with skills, confidence, and opportunities to build a more secure future within their communities. 🤝

Through economic empowerment and practical skills training, we work towards stronger, safer, and more independent communities.

With the support of KAMBIA, Mary Ward International Spain and Misean Cara through Mary Ward International Ireland.

30/07/2026

30/07/2026

⚠️ Jo çdo premtim është një mundësi. Disa janë fillimi i një skeme shfrytëzimi.

Trafikantët shpesh përdorin oferta pune, udhëtime, marrëdhënie romantike apo premtime për një jetë më të mirë për të fituar besimin e viktimave. Pas këtyre premtimeve mund të fshihen kontrolli, shfrytëzimi dhe humbja e lirisë.

🚩 Kujdes nëse një ofertë:
• Duket shumë e mirë për të qenë e vërtetë.
• Të kërkon të mbash sekrete ose të veprosh menjëherë.
• Nuk jep informacion të qartë për punën, vendin apo punëdhënësin.
• Të kërkon dokumente personale ose para paraprakisht.

Nëse diçka të duket e dyshimtë, mos e përballo vetëm. Fol me dikë që i beson dhe kërko ndihmë.

Informohu. Reago. Mbështet.
Mos shiko nga ana tjetër.

📞 +355 67 40 92 630
📧 [email protected]
🌐 www.marywardloreto.org

StopHumanTrafficking

28/07/2026

🚨 Mashtrimet po bëhen gjithnjë e më të sofistikuara.

Trafikantët nuk veprojnë vetëm në rrugë. Ata janë në rrjetet sociale, në aplikacionet e komunikimit, në faqet e punësimit dhe madje edhe pas profileve që duken të besueshme.

Premtime për punë me paga të larta, udhëtime falas, lidhje romantike apo një jetë “më të mirë” mund të jenë mënyra për të fituar besimin e dikujt dhe për ta manipuluar.

🎯 Qëllimi i tyre është gjithmonë i njëjtë: të izolojnë, të kontrollojnë dhe të shfrytëzojnë.

Mos prano çdo ofertë pa e verifikuar. Fol me dikë që i beson. Informimi është hapi i parë drejt mbrojtjes.

Informohu. Reago. Mbështet.
Mos shiko nga ana tjetër.

📞 +355 67 40 92 630
📧 [email protected]
🌐 www.marywardloreto.org

HumanTrafficking

27/07/2026

📅 30 Korriku – Dita Botërore Kundër Trafikimit të Njerëzve

Trafikimi i njerëzve shpesh nuk fillon me dhunë. Fillon me një premtim: një ofertë pune, një mundësi studimi, një histori dashurie apo një udhëtim që duket shumë i mirë për të qenë i vërtetë.

Tema e këtij viti, “Trapped Behind the Scam”, na kujton se pas mashtrimit mund të fshihen shfrytëzimi, kontrolli dhe humbja e lirisë.

Gjatë kësaj jave, Mary Ward Loreto Foundation do të ndajë informacione, këshilla dhe mesazhe ndërgjegjësuese për të ndihmuar në njohjen e shenjave të trafikimit dhe mënyrave për ta parandaluar atë.

Informohu. Reago. Mbështet.
Së bashku mund të kontribuojmë në mbrojtjen e njerëzve nga trafikimi.

📞 +355 67 40 92 630
📧 [email protected]
🌐 www.marywardloreto.org

LeaveNoOneBehind

03/07/2026

Mary Ward Loreto ASC Sarandë zhvilloi një workshop me një grup studentësh nga Anglia, me fokus rritjen e ndërgjegjësimit për trafikimin e qenieve njerëzore dhe rëndësinë e parandalimit të këtij fenomeni.
Përmes historive reale, diskutimeve dhe punës në grupe, pjesëmarrësit u njohën me punën e ASC Sarandë dhe kontribuan me ide për fushata ndërgjegjësuese.

Një falënderim i veçantë shkon për Bashkinë Sarandë për mbështetjen dhe bashkëpunimin në organizimin e këtij aktiviteti, si edhe për Evi Zyba dhe ekipin e saj për besimin, bashkëpunimin dhe mundësinë për të ndarë përvojën tonë me studentët.

25/06/2026

Mary Ward Loreto zhvilloi një trajnim dy ditor që synon të rrisë kapacitetet e psikologëve dhe punonjësve socialë që punojnë në shkolla për të identifikuar, mbështetur dhe referuar në mënyrë të përshtatshme fëmijët, të rinjtë dhe familjet që përballen me probleme të shëndetit mendor. Përmes qasjeve praktike dhe bashkëpunuese, trajnimi ndihmoi pjesëmarrësit të forcojnë njohuritë mbi komunikimin mbështetës, menaxhimin e rasteve, ndërhyrjen e hershme dhe bashkëpunimin me familjen, shkollën dhe shërbimet e specializuara, me qëllim krijimin e një mjedisi më të sigurt, gjithëpërfshirës dhe mbështetës për mirëqenien emocionale të nxënësve.
Tema u vleresua si mjaft e rëndësishme dhe shumë ndihmëse per stafin psikosocial në shkolla dhe mjaft ndihmës për të adresuar me profesionalizëm rastet komplekse me të cilat stafi përballet .

15/06/2026

Më 12 Qershor në Ditën Botërore Kundër Punës së Fëmijëve, u mblodhëm në Shëngjin bashkë me Shërbimin Social Bashkia Lezhë në një aktivitet ndërgjegjësues me pjesëmarrjen e përfaqësuesve të institucioneve, prindërve dhe fëmijëve.
Së bashku ndamë mesazhin:
♦️“Karton i kuq ndaj punës së fëmijëve!
Lojë e ndershme për fëmijët dhe punë e denjë për të rriturit.”
Gjatë aktivitetit u theksua rëndësia e mbrojtjes së fëmijëve nga çdo formë shfrytëzimi për punë, si dhe nevoja për të garantuar arsimim, siguri dhe mundësi të barabarta për çdo fëmijë.
Një fokus i veçantë iu kushtua krijimit të vendeve të punës dhe të ardhurave të denja për familjet, në mënyrë që ato të mos detyrohen të mbështeten te puna e fëmijëve.

04/06/2026

Në një atmosferë bashkëpunimi, kreativiteti dhe vlerësimi, zhvilluam një aktivitet të veçantë në formën e një retreat-i, dedikuar punonjësve të vijës së parë.

Përmes performancave artistike, ushtrimeve me role dhe aktiviteteve në grup, ky takim kishte si qëllim motivimin, fuqizimin dhe vlerësimin e kontributit të jashtëzakonshëm që këta profesionistë japin çdo ditë në shërbim të njerëzve dhe komuniteteve.

Psikologë, punonjës socialë, juristë dhe profesionistë të tjerë u bënë bashkë për të reflektuar mbi sfidat e punës së përditshme, për të ndarë përvoja dhe për të festuar sukseset e arritura në terren. Ishte një mundësi për të rikujtuar se pas çdo shërbimi të ofruar me përkushtim, qëndrojnë njerëz të palodhur që punojnë me empati, profesionalizëm dhe përkushtim.

Ky aktivitet u zhvillua në kuadër të zbatimit të projektit “Strehë e Sigurt-Zgjerimi i Burimeve të Strehëzave për të Mbijetuarit e Trafikimit në Ballkanin Perëndimor”, financuar nga Departamenti Amerikan i Shtetit, menaxhuar nga World Vision Bosnjë dhe Hercegovinë dhe zbatuar në Shqipëri nga World Vison Albania dhe Mary Ward Loreto.