What are the opening hours?

Monday 08:00 - 16:00 Tuesday 08:00 - 16:00 Wednesday 08:00 - 16:00 Thursday 08:00 - 16:00 Friday 08:00 - 16:00

AIITC - Instituti Shqiptar i Mendimit dhe Qytetërimit Islam

Home
Albania
Tirana
AIITC - Instituti Shqiptar i Mendimit dhe Qytetërimit Islam

Instituti Shqiptar i Mendimit dhe i Qytetërimit Islam (AIITC) është themeluar në vitin 1996, me vendim të Gjykatës së Tiranës nr. 143, datë 04. 03. 1996.

Veprimtaria e këtij Instituti është e shumëfishtë dhe e larmishme në fusha të ndryshme si: shkencore, kulturore, studimore, botuese, informuese dhe dokumentuese. AIITC organizon konferenca dhe simpoziume shkencore, si dhe promovon studime akademike në çështje që lidhen me kulturën, qytetërimin, artin, traditën dhe zakonet islame te shqiptarët. Ky Institut mban lidhje të rregullta me institucione s

htetërore, akademi, institute shkencore, universitete, shoqata kulturore etj., duke krijuar një rreth shumë cilësor të bashkëpunëtorëve në fusha të ndryshme. Përveç stafit të përhershëm, angazhohen në mënyrë të vazhdueshme studiues të fushave të ndryshme, historianë, punonjës shkencorë, teologë, artistë, lektorë etj., të cilët japin kontributin e tyre nëpërmjet hulumtimit e grumbullimit të materialeve me vlera historike, shoqërore dhe kulturore, si dhe nëpërmjet hartimit të monografive dhe përkthimit të literaturës të vjetër dhe të re, përçuese e filozofisë, qytetërimit dhe të ideve islame. Përmes kësaj veprimtarie të shumanshme, AIITC: - Kontribuon për ruajtjen e vlerave tradicionale kulturore islame te shqiptarët dhe popujt e tjerë të Ballkanit. Publikon këto vlera në rrugë shkencore, në përqasje me arritjet e kohës. Vendos ura lidhëse ndërmjet kulturës së popullit shqiptar dhe popujve të Ballkanit, e më gjerë, në fushat e historisë, të artit, të gjuhësisë, të filozofisë, të shkencës etj. Krijon kushte të nevojshme për studimin, ruajtjen dhe regjistrimin e objekteve të kulturës dhe arkitekturës islame, nëpërmjet një biblioteke ku mblidhen dorëshkrime dhe libra për kulturën shqiptare, si dhe nëpërmjet një muzeu islam, ku koleksionohen dhe ruhen relikte të rralla të kulturës dhe të qytetërimit islam. Instituti ka nxjerrë një varg botimesh nga fusha të ndryshme si: monografi figurash të shquara të kulturës shqiptare e të historisë kombëtare, përkthime të literaturës së traditës dhe bashkëkohore. Këto botime, ndër të tjera, janë vlerësuar edhe në Panairet e librit në Tiranë, Prishtinë, Shkup, Ulqin etj.

07/07/2026

📚 AIITC organizoi promovimin e librit:📕 "Anësia Epistemologjike në Shkencat Fizike dhe Sociale"

💠 Instituti Shqiptar i Mendimit dhe Qytetërimit Islam (AIITC) organizoi promovimin e librit "Anësia Epistemologjike në Shkencat Fizike dhe Sociale", një vepër që nxit reflektimin kritik mbi natyrën e dijes, objektivitetin shkencor dhe ndikimin e paradigmave në ndërtimin e teorive dhe modeleve shkencore.

🎓 Programi akademik u zhvillua përmes tre prezantimeve:

❇️ Sociologia Sidorela Brahaj prezantoi librin dhe veprimtarinë e Institutit Shqiptar të Mendimit dhe Qytetërimit Islam, duke theksuar rëndësinë e mendimit kritik dhe dialogut akademik në trajtimin e çështjeve bashkëkohore.

🔰 Psikologia Kismete Sykaj trajtoi anësinë epistemologjike në shkencat sociale, me fokus në ndikimin e botëkuptimeve, vlerave dhe kontekstit historik në zhvillimin e teorive politike, psikologjike dhe arsimore, duke theksuar rëndësinë e një qasjeje kritike ndaj paradigmave dominuese.

〽️ Inxhinierja fizike Gentjana Brahaj trajtoi anësinë epistemologjike në shkencat fizike, si dhe temën "Një eksplorim i natyrës së njeriut dhe inteligjencës artificiale: perspektiva kuranore", duke sjellë një reflektim mbi marrëdhënien ndërmjet zhvillimit shkencor, inteligjencës artificiale dhe dimensionit etik e shpirtëror në dritën e Kuranit.

📖 Aktiviteti u shoqërua me diskutime mbi sfidat epistemologjike të shkencës bashkëkohore dhe rëndësinë e analizimit kritik të paradigmave që orientojnë prodhimin dhe transmetimin e dijes.

🤝 AIITC falënderon ligjërueset dhe të gjithë pjesëmarrësit për kontributin e tyre në realizimin e këtij aktiviteti, i cili shërbeu si një hapësirë e vlefshme reflektimi dhe dialogu akademik.

📧𝐜𝐨𝐧𝐭𝐚𝐜𝐭@𝐚𝐢𝐢𝐭𝐜.𝐧𝐞𝐭
🌐𝐰𝐰𝐰.𝐚𝐢𝐢𝐭𝐜.𝐧𝐞𝐭

02/07/2026

📚 PROMOVIM LIBRI

📚Instituti Shqiptar i Mendimit dhe Qytetërimit Islam (AIITC) ka kënaqësinë t'ju ftojë në promovimin e librit:

📘"Anesia Epistemologjike në Shkencat Fizike dhe Sociale"

🗓 Data: 7 Korrik 2026
🕙 Ora:10:00

📍 Adresa: Rr. e Elbasanit, Pallati nr. 111, Hyrja 1, Kati 2, Ap. 3 (Pallati Xheker)

🎙 Ligjëruese:
• Inxhiniere Fizike Gentjana Brahaj
• Psikologe Kismete Sykaj
• Sociologe Sidorela Brahaj

📚Ky promovim do të jetë një mundësi për të reflektuar mbi temat që trajton libri, për të dëgjuar diskutime nga profesioniste të fushave të ndryshme dhe për të marrë pjesë në një bashkëbisedim me vlerë.

📞 Konfirmoni pjesëmarrjen tuaj në: +355 67 206 3709

🤝Mirë se vini!
Pjesëmarrja është e hapur për të gjithë të interesuarit.

16/06/2026

🌍 𝗥𝗲𝘃𝗶𝘀𝘁𝗮 𝗨𝗻𝗶𝘃𝗲𝗿𝘀 𝗣𝗷𝗲𝘀𝗲̈𝗺𝗮𝗿𝗿𝗲̈𝘀𝗲 𝗻𝗲̈ 𝗦𝗶𝗺𝗽𝗼𝘇𝗶𝘂𝗺𝗶𝗻 𝗡𝗱𝗲̈𝗿𝗸𝗼𝗺𝗯𝗲̈𝘁𝗮𝗿 𝗦𝗵𝗸𝗲𝗻𝗰𝗼𝗿 𝗻𝗲̈ 𝗦𝗵𝗸𝘂𝗽

📖 Revista Shkencore-Kulturore Univers, e përfaqësuar nga koordinatorja e saj Anisa Hykaj, mori pjesë në 𝗦𝗶𝗺𝗽𝗼𝘇𝗶𝘂𝗺𝗶𝗻 𝗡𝗱𝗲̈𝗿𝗸𝗼𝗺𝗯𝗲̈𝘁𝗮𝗿 𝗦𝗵𝗸𝗲𝗻𝗰𝗼𝗿 𝘁𝗲̈ 𝗼𝗿𝗴𝗮𝗻𝗶𝘇𝘂𝗮𝗿 𝗻𝗴𝗮 𝗕𝗮𝗹𝗸𝗮𝗻 𝗦𝘁𝘂𝗱𝗶𝗲𝘀 𝗙𝗼𝘂𝗻𝗱𝗮𝘁𝗶𝗼𝗻 i mbajtur në Shkup, më 12–14 qershor 2026.

🎓 Në kuadër të programit shkencor të simpoziumit, znj. Hykaj prezantoi studimin e saj me titull 𝗜𝘀𝗹𝗮𝗺𝗶, 𝗜𝗱𝗲𝗻𝘁𝗶𝘁𝗲𝘁𝗶 𝗞𝗼𝗺𝗯𝗲̈𝘁𝗮𝗿 𝗱𝗵𝗲 𝗞𝘂𝗷𝘁𝗲𝘀𝗮 𝗞𝘂𝗹𝘁𝘂𝗿𝗼𝗿𝗲 𝗻𝗲̈ 𝗥𝗲𝘃𝗶𝘀𝘁𝗲̈𝗻 𝗨𝗻𝗶𝘃𝗲𝗿𝘀 (𝟮𝟬𝟬𝟭–𝟮𝟬𝟭𝟴), i cili analizon rubrikën 𝗔𝗿𝘁, 𝗞𝘂𝗹𝘁𝘂𝗿𝗲̈ 𝗱𝗵𝗲 𝗧𝗿𝗮𝗱𝗶𝘁𝗲̈ të revistës dhe nxjerr në pah kontributin e saj në promovimin e trashëgimisë kulturore, kujtesës historike dhe identitetit kombëtar.

🤝 Pjesëmarrja në këtë aktivitet ndërkombëtar përbën një vlerësim për kontributin e revistës Univers në fushën e studimeve kulturore dhe historike, si dhe një mundësi për promovimin e kërkimit shkencor dhe shkëmbimin e përvojave akademike në nivel rajonal dhe ndërkombëtar.

📧 𝗿𝗲𝘃𝗶𝘀𝘁𝗮𝘂𝗻𝗶𝘃𝗲𝗿𝘀@𝗮𝗶𝗶𝘁𝗰.𝗻𝗲𝘁
🌐 𝘄𝘄𝘄.𝗮𝗶𝗶𝘁𝗰.𝗻𝗲𝘁

Balkan Studies Foundation

08/06/2026

💠 Hamami i Gazi Mehmed Pashës, Prizren/Kosovë

📷 Foto: Shkëlzen Rexha

03/06/2026

♻️VAKËFI NË PRITJE TË LIRISË

▫️Në kodrën e dytë brenda kështjellës, mbi vetë liqenin, ngrihet krenare Xhamia e Arslan Pashës. Bukuria e kësaj ndërtese, ashtu si edhe vendi ku ajo ndodhet, është vërtet e jashtëzakonshme. Udhëtimi deri në Janinë ia vlen qoftë edhe vetëm për pamjen madhështore që ofron ky peizazh.

🏢Vetëm pak metra larg xhamisë ka funksionuar dikur Shkolla e Kur’anit, me plot 16 klasa mësimore, ndërsa aty ndodhej edhe një kuzhinë popullore për nevojtarët.

📌Ndërtesa e vjetër që shihet në këmbët e xhamisë ka shërbyer dikur si bibliotekë, përkatësisht mekteb. Në anën e djathtë (fotografia në koment) ndodhet hamami, i cili pas restaurimit gjendet në gjendje dukshëm më të mirë krahasuar me vizitën tonë të mëparshme në këtë qytet.

🗓️Që nga viti 1933, hapësira e Xhamisë së Arslan Pashës përdoret për nevojat e Muzeut Etnografik.

📍 Janinë, 30 maj 2026
✍️ M. Ćeman

27/05/2026

💫Instituti Shqiptar i Mendimit dhe Qytetërimit Islam uron të gjithë besimtarët muslimanë me rastin e festës së Kurban Bajramit. 🕋

✨Me këtë rast, lusim Allahun e Madhëruar që të pranojë adhurimet, sakrificat dhe veprat e mira të secilit, duke sjellë paqe, mirësi dhe begati në familjet dhe jetën tuaj.

🤲🏻 Urojmë që kjo festë e bekuar të jetë një mundësi për forcimin e besimit, shtimin e dashurisë dhe mëshirës mes njerëzve, si dhe afrimin me Allahun e Madhëruar përmes devotshmërisë, sakrificës dhe veprave të mira.

🕋 Gëzuar Festën e Kurban Bajramit!

📧 [email protected]
🌐 www.aiitc.net

25/05/2026

🕋 Vlera e Ditës së Arafatit💫

📖Allahu i Madhëruar thotë në Kuran:

📖“Sot jua përsosa fenë tuaj, e plotësova ndaj jush dhuntinë Time dhe zgjodha për ju Islamin fe.”[El-Maide: 3]

🤲🏻Le të jetë kjo ditë një mundësi për pendim, lutje dhe afrim me Allahun e Madhëruar.

📧 𝐜𝐨𝐧𝐭𝐚𝐜𝐭@𝐚𝐢𝐢𝐭𝐜.𝐧𝐞𝐭
🌐 𝐰𝐰𝐰.𝐚𝐢𝐢𝐭𝐜.𝐧𝐞𝐭

14/04/2026

📢 NJOFTIM PËR VEND PUNE
📍 AIITC – Instituti Shqiptar i Mendimit dhe Qytetërimit Islam, Tiranë

AIITC fton kandidatë të motivuar të aplikojnë për pozicionin:
Përgjegjës për menaxhimin e publikimeve elektronike dhe koordinimin e veprimtarive akademike.

🎓 Kriteret e kërkuara:
🏷️ Diplomë universitare në fusha relevante
🏷️ Aftësi shumë të mira organizative dhe komunikuese
🏷️ Njohuri të mira të gjuhës shqipe dhe angleze

📅 Afati i aplikimit: 30 Prill 2026

📧 Aplikimi:
Kandidatët e interesuar janë të lutur të dërgojnë:
📝 CV-në
📝 Letër motivimi
📬 në adresën: [email protected]

27/03/2026

📣 THIRRJE PËR ARTIKUJ – REVISTA “UNIVERS” (Nr. 27)
Revista shkencore–kulturore “Univers” fton studiues, akademikë dhe autorë të kontribuojnë me artikuj për botim në numrin 27, në fushën e shkencave humane dhe sociale.

📝 Artikujt duhet të jenë origjinalë dhe të përgatitur sipas standardeve akademike.

📅 Afati i dorëzimit: 05 maj 2026
📧 [email protected]

👉 Udhëzimet për autorët: https://tinyurl.com/Univers27

🌐 www.aiitc.net

Mirëpresim kontributet tuaja! ✨

Address

Lagjja Qesarak, Rruga Muhamet Deliu, Fresk
Tirana
1040

Opening Hours

Monday	08:00 - 16:00
Tuesday	08:00 - 16:00
Wednesday	08:00 - 16:00
Thursday	08:00 - 16:00
Friday	08:00 - 16:00

Telephone

+355672063709

Website

http://www.aiitc.net/

Alerts

Be the first to know and let us send you an email when AIITC - Instituti Shqiptar i Mendimit dhe Qytetërimit Islam posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to AIITC - Instituti Shqiptar i Mendimit dhe Qytetërimit Islam:

Want your organization to be the top-listed Non Profit Organization in Tirana?