Qendra Shqiptare për Zhvillimin e Familjes/ACFD

06/10/2026

🌸 Për Tetorin Rozë, Muaji i Ndërgjegjësimit për Kancerin e Gjirit

Tetori na kujton të kujdesemi për veten dhe për njëra-tjetrën. 💗

Një kontroll në kohë, një bisedë, një kujtesë apo thjesht mbështetja jonë mund të bëjë një ndryshim të madh. Le të mos e lëmë shëndetin pas dore dhe të flasim më shumë për rëndësinë e kontrolleve të rregullta.

Në këtë Tetor Rozë, le të jemi pranë grave, të ndajmë informacion dhe të përcjellim një mesazh të thjeshtë: kujdesu për veten, mos e shty kontrollin dhe mos u përball vetëm. 🎀

01/10/2026

👵👴 Dita Ndërkombëtare e të Moshuarve

Të jetosh më gjatë është një mundësi e bukur, por mbi të gjitha duhet të jetë një jetë me dinjitet, shëndet dhe përfshirje. 💙

Të moshuarit nuk janë vetëm njerëz që duhen mbështetur. Ata janë pjesë e familjeve, komuniteteve dhe jetës sonë, me përvojë, kujtime, dije dhe shumë për të dhënë.

Sot, le t’u japim më shumë hapësirë, respekt, kujdes dhe mundësi për të qenë aktivë e të përfshirë.

Sepse një jetë më e gjatë meriton të jetë edhe një jetë më e mirë 🥰

05/09/2026

5 Shtator | Dita Ndërkombëtare e Bamirësisë & Dita e Shenjtërimit të Nënë Terezës

Sot kujtojmë se bamirësia nuk matet vetëm me atë që japim, por mbi të gjitha me dashurinë, kujdesin dhe njerëzillëkun që përcjellim tek të tjerët. ❤️

Le të zgjedhim çdo ditë të bëhemi një arsye për një buzëqeshje, një dorë ndihme dhe një shpresë për dikë.

“Nuk është e rëndësishme se sa shumë japim, por sa shumë dashuri kemi për të dhënë.” – Nënë Tereza

31/08/2026

20 shkolla me kamera "inteligjente".
Por a bëhet shkolla më e sigurt kështu?

Kryeministri njoftoi sot se 20 shkolla në Tiranë janë pajisur me kamera inteligjente dhe se ky proces do të shtrihet në çdo shkollë në vend. Sipas tij, kjo është përmbushja e një zotimi pas tragjedisë së rëndë ku humbi jetën i mituri Martin Cani, pasi kamerat e vjetra nuk ndihmuan për të kuptuar dinamikën e ngjarjes.

Kamerat e reja, sipas njoftimit, janë vendosur po aty ku ishin të vjetrat, por ndryshe nga të vjetrat, ato jo vetëm shohin, por edhe sinjalizojnë në kohë reale drejtorinë, punonjësit e sigurisë dhe vetë Policinë e Shtetit.

Dhe këtu lindin pikërisht shqetësimet tona më të mëdha.

Së pari, çfarë do të thotë "inteligjente" dhe "sinjalizim në kohë reale"?
Nëse bëhet fjalë për njohje fytyre, analizë të sjelljes, emocioneve, apo grumbullimit të fëmijëve, atëherë ne nuk flasim më për siguri, por për survejim biometrik të fëmijëve.

Një praktikë që në Bashkimin Evropian është e ndaluar me ligj në shkolla, pikërisht për shkak të Aktit për Inteligjencën Artificiale.
Edhe në SHBA, shteti i New York-ut e ka ndaluar përdorimin e teknologjisë biometrike në shkolla.

Së dyti, teknologjia nuk e zëvendëson njeriun që dështoi. Nëse oficeri i sigurisë, drejtoria dhe Policia nuk reaguan në kohë kur kishin prova, pse duhet të besojmë se do të reagojnë tani sepse i sinjalizon një algoritëm?
Kush e garanton që sinjali nuk do të fshihet apo injorohet prapë?
Pa transparencë, kamera është vetëm një sy që regjistron, jo një dorë që mbron.

Ne nuk jemi kundër sigurisë se femijeve.
Jemi kundër idesë që siguria barazohet me kamera.

Një shkollë e sigurt ka nevojë për:
- Psikologë dhe punonjës socialë të pranishëm, jo vetëm kamera që i shohin;
- Oficerë sigurie të trajnuar dhe të përgjegjshëm;
- Rregullore të qartë: kush i sheh pamjet, ku ruhen, për sa kohë ruhen dhe kush ka akses?

A kanë dhënë pëlqim prindërit?
Ju si prindër, a jeni pyetur?
A e dini se çfarë filmojnë dhe analizojnë këto kamera për fëmijën tuaj?

Siç tha Kryeministri, "teknologjia në shërbim të njeriut".
Ne shtojmë: vetëm nëse njeriu pas teknologjisë është i përgjegjshëm dhe i kontrollueshëm nga prindërit dhe ligji.

Në të kundërt, rrezikojmë të rrisim fëmijë që ndihen të vëzhguar, jo të mbrojtur.

31/08/2026

"Human Rights are not West or East, North or South.

They are not a luxury — they are not negotiable.

They are the foundation of a more peaceful and secure world."

— United Nations Secretary-General

26/08/2026

Nga tradita te krijimtaria e të rinjve ✨

Trashëgimia kulturore merr jetë të re kur kalon te brezi i ri. 🧵🎨

Përmes Akademisë së Trashëgimisë Kulturore, të rinjtë e Y-CRAFT po zbulojnë, mësojnë dhe praktikojnë mjeshtëri tradicionale, duke i sjellë ato më pranë ideve dhe krijimtarisë së tyre.

Një hap i vogël për të mësuar një zanat, por një hap i madh për ruajtjen e trashëgimisë, fuqizimin e të rinjve dhe ndërtimin e komuniteteve më krijuese e të qëndrueshme. 🌱💛

Y-CRAFT zbatohet nga Fondacioni “Tradita Popullore”, në bashkëpunim me ACFD, në kuadër të skemës së nën-grantimit të BOOST Balkans, të zbatuar nga ALDA – European Association for Local Democracy, me mbështetjen e AFD – Agence Française de Développement.

BOOST Balkans
ALDA Balkans
ALDA - European Association for Local Democracy
AFD - Agence Française de Développement
Tradita.al

15/07/2026

25/06/2026

📢 Keni hasur raste korrupsioni, mungesë transparence apo problematika të mirëqeverisjes?

Zëri juaj ka rëndësi!

Nëse keni hasur raste që lidhen me korrupsionin, abuzimin me detyrën, mungesën e transparencës apo shkelje të parimeve të mirëqeverisjes, ju mund t’i raportoni ato në mënyrë të sigurt dhe konfidenciale përmes Platformës së Integritetit.

📝 Raportoni shqetësimin tuaj këtu:

Platforma e Integritetit https://integritydeskalbania.al/ -i-raportimit

🤝 Si anëtare e Rrjetit Antikorrupsion, Qendra Shqiptare për Zhvillimin e Familjes inkurajon çdo qytetar të kontribuojë në ndërtimin e institucioneve më transparente, më të përgjegjshme dhe më pranë qytetarëve.

✅ Integriteti fillon me raportimin. Mos heshtni përballë korrupsionit.

Komiteti Shqiptar i Helsinkit

Lufta kundër korrupsionit Rritja e llogaridhënies dhe transparencës së qeverisjes. Raporto Informohu Vepro Çfarë është kjo platformë? Integrity Desk Albania është një platformë e pavarur dhe e sigurt që u mundëson qytetarëve dhe organizatave të shoqërisë civile të raportojnë pro...

25/06/2026

Qendra Shqiptare për Zhvillimin e Familjes mori pjesë në aktivitetin e lançimit të Platformës së Integritetit date 22.06.2026, një nismë e organizuar nga Komiteti Shqiptar i Helsinkit për të promovuar transparencën, llogaridhënien dhe luftën kundër korrupsionit në Shqipëri.

Platforma e Integritetit https://integritydeskalbania.al/ -i-raportimit ofron një mundësi të sigurt dhe të aksesueshme për raportimin e shqetësimeve nga qytetarët, duke kontribuar në forcimin e integritetit institucional dhe rritjen e transparencës në shërbim të interesit publik.

Si anëtare e Rrjetit Antikorrupsion, organizata jonë vlerëson rëndësinë e krijimit të mekanizmave që fuqizojnë qytetarët, organizatat e shoqërisë civile dhe sinjalizuesit për të raportuar raste që lidhen me korrupsionin, mungesën e transparencës dhe problematikat e mirëqeverisjes.

Gjatë aktivitetit u prezantuan gjetjet kryesore të Hartës së Riskut të Korrupsionit në Shqipëri, të cilat evidentojnë se korrupsioni vijon të perceptohet si një sfidë e rëndësishme në sektorë të tillë si administrata publike, shërbimet shëndetësore, shërbimet sociale, punësimi në sektorin publik dhe sistemi i drejtësisë.

✅ Besojmë se pjesëmarrja aktive e qytetarëve dhe bashkëpunimi ndërmjet institucioneve dhe shoqërisë civile janë elementë kyç për ndërtimin e një qeverisjeje më transparente dhe më të përgjegjshme.