BiznesAlbania

08/10/2026

🚀 KE NJË IDE INOVATIVE? FENESTRAE HAP MUNDËSI TË REJA PËR BIZNESET SHQIPTARE!
🌱 A po zhvilloni një teknologji inovative në fushën e eficiencës energjetike, ndërtesave inteligjente apo bujqësisë së qëndrueshme?
FENESTRAE Call for Ideas fton bizneset, startup-et dhe profesionistët shqiptarë të aplikojnë për të përfituar mbështetje të specializuar ndërkombëtare për zhvillimin dhe përgatitjen e zgjidhjeve të tyre për treg.
✅ Kush mund të aplikojë?
🔹 Ndërmarrjet e vogla dhe të mesme (SME)
🔹 Startup-et dhe kompanitë inovative
🔹 Bizneset e ndërtimit dhe agroteknologjisë
🔹 Spin-off-et universitare
🔹 Arkitektët, inxhinierët dhe profesionistët e sektorit
💡 Çfarë përfitoni?
✔ Konsulencë teknike dhe mbështetje për zhvillimin e biznesit
✔ Këshillim financiar dhe përgatitje për investime
✔ Mbështetje për aksesin në tregje të reja
✔ Rrjetëzim dhe bashkëpunim me ekspertë ndërkombëtarë
📅 Afati i aplikimit: 31 tetor 2026
🔗 Zbuloni më shumë dhe aplikoni:
https://fenestrae.interreg-ipa-adrion.eu/2026/07/02/fenestrae-call-for-ideas-is-now-open/
🇪🇺 Nisma realizohet në kuadër të projektit FENESTRAE, financuar nga Programi Interreg VI-B IPA ADRION.

Are you developing an innovative solution for smarter, more energy-efficient buildings or sustainable agricultural applications?

17/07/2026

Sot u prezantua Programi Kombëtar “Dyfisho Sipërmarrjen Tënde”, një nismë që hap një kapitull të ri për financimin dhe zhvillimin e sipërmarrjes në Shqipëri.
Programi krijon mundësi të reja për ndërmarrjet mikro, të vogla dhe të mesme, si dhe për fermerët, duke mbështetur investimet në sektorët strategjikë të ekonomisë. Gjatë aktivitetit u prezantuan instrumentet e reja të financimit dhe u diskutuan mundësitë konkrete që ky program ofron për rritjen e konkurrueshmërisë dhe zhvillimin e qëndrueshëm të bizneseve shqiptare.

15/06/2026

🇪🇺 TES2026 mblodhi përfaqësues nga vendet kandidate për në BE, përfshirë Shqipërinë, për të diskutuar mbi dialogun social, transformimin digjital dhe inteligjencën artificiale.

Në sesionin “Social Dialogue and the Digital Transition in an Enlarged EU”, z. Koli Sinjari prezantoi perspektivën shqiptare mbi rëndësinë e EU AI Act dhe ndikimin e tij për bizneset, institucionet publike dhe partnerët socialë.

Diskutimet theksuan nevojën për forcimin e dialogut social dhe garantimin e një tranzicioni digjital e zhvillimi të IA-së të orientuar drejt njeriut.

05/06/2026

Takimi i 3-të i Komitetit të Përbashkët Konsultativ të Shoqërisë Civile BE–Shqipëri (JCC)
BiznesAlbania mori pjesë në Takimin e 3-të të Komitetit të Përbashkët Konsultativ BE–Shqipëri (JCC), i zhvilluar me pjesëmarrjen e përfaqësuesve të institucioneve shqiptare, Bashkimit Europian, organizatave të biznesit, sindikatave dhe shoqërisë civile.
Takimi u fokusua në progresin e Shqipërisë në procesin e integrimit europian, veçanërisht në kuadër të Klasterit 2 – Tregu i Brendshëm, përgatitjet për integrimin në Tregun Unik Europian, mbrojtjen e konsumatorit, lëvizjen e lirë të mallrave, shërbimeve, kapitalit dhe punëtorëve, si dhe rolin e shoqërisë civile në procesin e reformave.
Në emër të komunitetit të biznesit, z. Koli Sinjari, anëtar i palës shqiptare në JCC, mbajti një fjalë ku theksoi rëndësinë strategjike të integrimit të Shqipërisë në Tregun Unik Europian dhe nevojën për përshpejtimin e reformave që lidhen me katër liritë themelore të Bashkimit Europian: lëvizjen e lirë të mallrave, punëtorëve, shërbimeve dhe kapitalit.
Në fjalën e tij, z. Sinjari vlerësoi përmbushjen me sukses të Klasterit “The Fundamentals”, duke e cilësuar atë një moment të rëndësishëm në procesin e anëtarësimit. Ai nënvizoi gjithashtu se progresi në kapitujt që lidhen me Tregun e Brendshëm duhet të trajtohet si prioritet kombëtar.
Ai theksoi më tej rëndësinë e:
Njohjes reciproke të kualifikimeve profesionale për profesionistët shqiptarë në tregun europian;
Përshpejtimit të harmonizimit me Direktivën e Shërbimeve dhe Direktivën për Kualifikimet Profesionale;
Zhvillimit të sistemeve që mundësojnë lëvizjen e lirë dhe mbrojtjen sociale të punëtorëve shqiptarë në vendet anëtare të BE-së;
Përfshirjes së organizatave të biznesit dhe shoqërisë civile si partnerë të strukturuar gjatë gjithë procesit të reformave dhe negociatave.
Z. Sinjari theksoi se Tregu Unik Europian mbetet një nga shtyllat kryesore të integrimit europian dhe, njëkohësisht, një test i rëndësishëm i angazhimit politik të Shqipërisë në rrugën e saj drejt anëtarësimit në Bashkimin Europian.
BiznesAlbania vlerëson këtë dialog të strukturuar ndërmjet institucioneve, komunitetit të biznesit dhe shoqërisë civile si një instrument të domosdoshëm për të siguruar një proces integrimi gjithëpërfshirës dhe të orientuar drejt rezultateve konkrete për ekonominë shqiptare dhe sipërmarrjen.
Takimi përfundoi me miratimin e Deklaratës së Përbashkët të Komitetit të Përbashkët Konsultativ BE–Shqipëri.

02/02/2026

30/01/2026

Zhvillohet Mbledhja e Parë për Vitin 2026 e Këshillit Kombëtar të Punës

Nën drejtimin e Ministres së Ekonomisë dhe Inovacionit, znj. Delina Ibrahimaj, u zhvillua Mbledhja e Parë për vitin 2026 e Këshillit Kombëtar të Punës (KKP).

Në kuadër të konstituimit të Këshillit, z. Luan Bregasi u zgjodh Nënkryetar i Këshillit Kombëtar të Punës, duke shënuar një hap të rëndësishëm në funksionimin dhe përfaqësimin institucional të këtij organi këshillimor.

Mbledhja shënon fillimin e punës së KKP-së për vitin 2026, me fokus forcimin e dialogut social dhe bashkëpunimit ndërmjet institucioneve shtetërore dhe partnerëve socialë.