Qendra për Zhvillim dhe Integrim

05/09/2026

5 Shtator | Dita e Shën Terezës

Sot kujtojmë Nënë Terezën dhe një trashëgimi që vazhdon të frymëzojë përmes dhembshurisë, solidaritetit dhe shërbimit ndaj tjetrit.

Jeta dhe vepra e saj na kujtojnë se ndryshimi nis edhe nga gjestet e vogla: nga kujdesi për tjetrin, nga gatishmëria për të qenë pranë dhe nga vullneti për të kontribuar në komunitet.

Në QZHI besojmë se komunitetet më të forta ndërtohen mbi dinjitetin njerëzor, përfshirjen dhe solidaritetin.

🕊️ Në kujtim të Nënë Terezës.

Community Inclusion

29/08/2026

🌍 Hapen aplikimet për Balkan International Youth Summit for Peace 2026

QZHI ju fton të aplikoni për International Youth Summit for Peace 2026, i cili do të zhvillohet më 1–4 tetor 2026 në Mitrovicë, Kosovë.

Nën temën “Youth as Peace Practitioners: From Dialogue to Action”, samiti do të mbledhë të rinj dhe profesionistë nga vende të ndryshme për të diskutuar mbi paqen, pjesëmarrjen demokratike, bashkëpunimin rajonal dhe rolin e të rinjve në ndërtimin e komuniteteve më gjithëpërfshirëse.

Programi do të përfshijë diskutime, dialog ndërkulturor, workshop-e praktike, networking dhe shkëmbim eksperiencash.

🤝 QZHI është organizatë partnere e këtij edicioni.

🔗 Apliko këtu: https://www.ysp-balkan.org/international-youth-summit-for-peace/2026-edition

24/08/2026

🌍 Nga Shqipëria në Poloni me QZHI 🇦🇱🇵🇱

Nga data 20 deri më 27 qershor 2026, QZHI u përfaqësua nga Ema Bilbilaj në “communiCARE 5.0”, një kurs trajnimi Erasmus+ për punonjësit rinorë, i zhvilluar në Gorajec të Polonisë.

Aktiviteti bashkoi 20 pjesëmarrës nga 11 vende, duke krijuar një hapësirë ndërkombëtare për të mësuar, reflektuar dhe shkëmbyer përvoja mbi komunikimin empatik dhe jo të dhunshëm. 🤝

Përmes dëgjimit aktiv, punës në grup, simulimeve dhe metodave të edukimit joformal, pjesëmarrësit zhvilluan mjete praktike për ndërtimin e marrëdhënieve më të shëndetshme dhe krijimin e hapësirave të sigurta e gjithëpërfshirëse për të rinjtë.

Pjesëmarrja e Emës në këtë trajnim sjell në QZHI njohuri, metoda të reja dhe një perspektivë ndërkombëtare që mund të përdoret në aktivitetet tona të ardhshme me të rinjtë dhe komunitetet lokale. ✨

Aktiviteti u organizua nga Instytut Innowacji dhe u mbështet nga Bashkimi Evropian përmes programit Erasmus+.

20/08/2026

⚽ Më shumë se futboll: zhvillim rinor dhe komunitar përmes sportit

Gjatë periudhës 2023–2025, Qendra për Zhvillim dhe Integrim udhëhoqi dhe menaxhoi “Himara Sports Academy – AS Himara”, një nismë e mbështetur nga Bashkia Himarë.

Puna u përqendrua në strukturimin institucional dhe menaxhimin operacional të një akademie futbolli për të rinjtë, e cila konkurroi në kampionatin kombëtar shqiptar, në Kategorinë e Tretë.

Përmes organizimit të klubit dhe zhvillimit të më shumë se 10 ndeshjeve zyrtare në çdo sezon, iniciativa kontribuoi në:

⚽ përfshirjen e të rinjve në sportin e organizuar;
🤝 forcimin e disiplinës, bashkëpunimit dhe frymës së ekipit;
🏟️ krijimin e një strukture më të qëndrueshme sportive;
📍 rritjen e dukshmërisë së sportit dhe komunitetit lokal.

Për QZHI-në, sporti është më shumë se konkurrencë: është një mjet për zhvillimin e të rinjve, ndërtimin e marrëdhënieve dhe forcimin e komunitetit. 🤝

15/08/2026

📣 THIRRJE E HAPUR | Vullnetarizëm ESC në Itali 🇮🇹

QZHI ndan me të rinjtë nga Shqipëria një mundësi ndërkombëtare vullnetarizmi në kuadër të projektit “On the Path to Solidarity – Connessioni 2026”.

👥 Për të rinj 18–30 vjeç
📍 Cagliari, Sardenjë, Itali
📅 26 shtator – 26 tetor 2026
⏳ Afati i aplikimit: 27 gusht 2026

Projekti mbulon akomodimin, ushqimin, sigurimin ndërkombëtar, pocket money dhe, kur është e nevojshme, transportin lokal. Shpenzimet e udhëtimit mbështeten pjesërisht, sipas distancës dhe rregullave të European Solidarity Corps.

🔗 Informacioni dhe aplikimi:

https://youth.europa.eu/solidarity/opportunity/53807_en

Mundësia organizohet nga TDM 2000 ODV dhe ndahet nga QZHI për qëllime informimi.

This project aims to create a Volunteering Team that can help with the ex*****on of an international event on youth work, youth participation and volunteering that will take place in Sardinia, Italy, in October 2025. The international youth work conference known as "Connessioni" will bring together....

10/08/2026

🎭 “Kurrë njëherë tjetër” | Momente nga skena

Nga data 20 deri më 22 dhjetor 2024, QZHI solli në skenën e Teatrit Metropol komedinë romantike “Kurrë njëherë tjetër”.

Përmes humorit, emocioneve dhe situatave të papritura, shfaqja tregoi historinë e një vajze që kishte vendosur një rregull të prerë për jetën e saj dashurore: të mos dilte kurrë dy herë me të njëjtin mashkull. Por një takim i papritur do ta vinte përballë frikës, bindjeve dhe mundësisë për të besuar përsëri.

Me regji të Astiano Shehajt, shfaqja solli në skenë interpretimet e Amos Zaharisë, Artemisa Kusit dhe Alesia Xhemalajt. Asistent regjisor ishte Livion Aliaj ndërsa përkthimi u realizua nga Ardita Zela.

E realizuar nga QZHI me mbështetjen financiare të Bashkisë Tiranë, shfaqja u prezantua gjatë tri mbrëmjeve në Teatrin Metropol.

Falënderojmë regjisorin, aktorët, ekipin artistik dhe teknik, bashkëpunëtorët dhe publikun që u bë pjesë e kësaj përvoje teatrore! 🎭👏

📍 Teatri Metropol, Tiranë
📅 20–22 dhjetor 2024

06/08/2026

🧠 QZHI partnere në projektin rajonal “Regional Talks About Mental Health”

QZHI mori pjesë si organizatë partnere nga Shqipëria në projektin “Regional Talks About Mental Health”, një nismë që bashkoi organizata dhe të rinj nga Ballkani Perëndimor për të nxitur dialogun dhe bashkëpunimin rajonal mbi shëndetin mendor dhe mirëqenien e grupeve të margjinalizuara.

Në konferencën rajonale të zhvilluar në Sarajevë, QZHI u përfaqësua nga Albkrist Dhimo, i cili drejtoi delegacionin e të rinjve nga Shqipëria dhe kontribuoi si panelist.

Gjatë ndërhyrjes së tij, ai foli për rolin e sektorit privat dhe të marketingut me përgjegjësi sociale në mbështetjen e shëndetit mendor, duke theksuar rëndësinë e bashkëpunimit ndërmjet organizatave të shoqërisë civile, institucioneve, bizneseve dhe komuniteteve.

🤝 Projekti u zbatua nga Centar za psihološku podršku Sensus, në partneritet me:

▪️ Društvo Psihologa FBiH
▪️ Association of Psychologists Novi Pazar
▪️ Udruženje Na Pola P**a
▪️ Kosova Young Lawyers - KYL
▪️ Centar za afirmaciju RE populacije - CAREP
▪️ Center for Development and Integration – QZHI

Nisma u financua nga Western Balkans Fund, përmes skemës së granteve ERC, të bashkëfinancuar nga Bashkimi Evropian nëpërmjet IPA-s, dhe u mbështet nga Alviral Media Company.

Falënderojmë organizatën udhëheqëse, të gjithë partnerët, pjesëmarrësit dhe të rinjtë që kontribuuan në këtë përvojë të rëndësishme bashkëpunimi rajonal. 🌍

05/08/2026

📢 Mundësi ndërkombëtare për të rinjtë e angazhuar në nivel vendor

QZHI fton anëtarët aktivë të Këshillave Vendorë Rinorë, drejtuesit rinorë dhe përfaqësuesit e organizatave që punojnë për pjesëmarrjen e të rinjve në vendimmarrje të aplikojnë në seminarin ndërkombëtar “Why municipal youth participation?”

Seminari do të mbledhë në Budapest 50 pjesëmarrës për të diskutuar politikat rinore vendore, standardet e Këshillit të Europës dhe mënyrat e përfshirjes së të rinjve në proceset demokratike.

📍 Budapest, Hungari
📅 16–21 nëntor 2026
🌐 Gjuha: anglisht
⏳ Afati i aplikimit: 6 shtator 2026
🎓 Ofrohet certifikatë Youthpass

🔗 Informacioni dhe aplikimi: https://www.salto-youth.net/tools/european-training-calendar/training/why-municipal-youth-participation.14905/

Everything at a glance: training within the ERASMUS+ Youth and European Solidarity Corps programmes and beyond! Are you curious about what Europe has to offer in training activities in the field of youth and non-formal education? Would you like to contribute to the varied range to make it even more....

04/08/2026

🌍 Nga Shqipëria në Lituani me QZHI!

Dy të rinj të përzgjedhur nga QZHI u bënë pjesë e një përvoje ndërkombëtare Erasmus+, së bashku me pjesëmarrës nga 15 vende.

Trajnim, shkëmbim kulturor, miqësi të reja dhe ide për komunitete më të qëndrueshme – një tjetër hap i të rinjve tanë drejt mundësive evropiane. ✨

04/08/2026

🇱🇹 Të rinjtë e QZHI-së në projekte ndërkombëtare

Në qershor 2024, Qendra për Zhvillim dhe Integrim mundësoi pjesëmarrjen e dy të rinjve nga Shqipëria në kursin ndërkombëtar të trajnimit “Empowering Youth Work for a Sustainable Future: Focus on People and Communities”, të zhvilluar në Antalkiai, në rajonin e Kaunasit, Lituani.

🌍 Trajnimi mblodhi punonjës rinorë nga 15 vende dhe u përqendrua te dimensioni social i zhvillimit të qëndrueshëm dhe mënyrat e integrimit të tij në punën me të rinjtë.

Gjatë programit, pjesëmarrësit eksploruan rolin e të rinjve në zhvillimin e qëndrueshëm, ndërtimin e komuniteteve gjithëpërfshirëse, pjesëmarrjen demokratike dhe proceset gjithëpërfshirëse të vendimmarrjes. Aktiviteti krijoi gjithashtu hapësira për shkëmbimin e përvojave dhe ndërtimin e partneriteteve të reja ndërkombëtare.

Në trajnim, QZHI u përfaqësua nga Z. Dritan Lloçi dhe Z. Erisjan Bregu.

🤝 Një përvojë e vlefshme mësimore dhe ndërkulturore, e cila kontribuoi në zhvillimin e kompetencave të pjesëmarrësve dhe në forcimin e angazhimit të tyre në komunitet.