Linja e Keshillimit per Gra dhe Vajza

Home
Albania
Tirana
Linja e Keshillimit per Gra dhe Vajza

Call Directions Website Contact the organization

Linja e Keshillimit eshte e vetmja hotline per viktimat e dhunes ne familje, dhunes seksuale dhe ate me baze gjinore qe nga viti 1996. Mos Hesht!!

Telefono numrin pa pagese 116117 ose 042233408

22/10/2026

Një shoqëri nuk mund të përparojë duke lënë gratë pas. ❤️

Fjalët e Michelle Obama na kujtojnë se barazia gjinore nuk është vetëm çështje e të drejtave të grave, por edhe një kusht i domosdoshëm për zhvillimin e gjithë shoqërisë.

Kur gratë kanë mundësi të barabarta për t’u arsimuar, për të punuar, për të marrë vendime dhe për të kontribuar në jetën publike, përfiton e gjithë shoqëria.

Fuqizimi i grave nuk është privilegj. Është drejtësi, barazi dhe përparim për të gjithë.

Le të ndërtojmë një shoqëri ku potenciali i asnjë gruaje apo vajze të mos pengohet nga paragjykimet, diskriminimi apo pabarazia.

📞 116 117 – Qendra Shqiptare për Impakt Social Për këshillim dhe mbështetje për gratë dhe vajzat.

#116117

21/10/2026

💙 Fuqia nuk është diçka që duhet të na e japë dikush tjetër. Ajo ekziston brenda secilit prej nesh.

Shpesh flasim për fuqizimin e vajzave dhe grave, se duhet të rriten duke besuar te vetja, duhet të guxojnë e provojnë, të guxojnë për ëndrrat e tyre.

Të fuqizosh nuk do të thotë t'i japësh dikujt një fuqi që nuk e ka, por ta ndihmosh të njohë dhe të përdorë fuqinë që ka brenda vetes.

Sepse çdo fëmijë meriton të rritet me besimin se ëndrrat e tij janë të mundura.

20/10/2026

DEKLARATË

Qendra Shqiptare për Impakt Social (SICA) dhe Linja e Këshillimit për Burra dhe Djem shprehin shqetësimin e thellë për aktet e dhunës dhe pasojat që ato sjellin te njerëzit, familjet dhe shoqëria jonë.

Dhuna nuk është zgjidhje. Ajo nuk i zgjidh konfliktet dhe nuk i shuan pakënaqësitë, por shton dhimbjen, frikën dhe pasigurinë. Pasojat e saj shkojnë përtej lëndimeve fizike dhe mund të mbeten gjatë në jetën e të prekurve dhe të familjarëve të tyre.

Pas çdo personi të lënduar ka një jetë, një familje dhe njerëz që presin ta shohin të kthehet shëndoshë e mirë në shtëpi. Asnjë mospajtim dhe asnjë konflikt nuk mund të jetë më i rëndësishëm se jeta, shëndeti dhe dinjiteti njerëzor.

Bëjmë thirrje për qetësi, përmbajtje dhe përgjegjësi në fjalë dhe në veprime. Edhe në momente zemërimi dhe tensioni, dialogu, dëgjimi dhe respekti për tjetrin duhet të udhëheqin mënyrën se si përballemi me mosmarrëveshjet. Parandalimi i dhunës kërkon angazhimin e secilit prej nesh.

U bëjmë thirrje personave të lënduar të kërkojnë ndihmën e nevojshme dhe institucioneve përgjegjëse të garantojnë kujdes mjekësor dhe mbështetje për këdo që ka nevojë.

Mbroni jetën. Respektoni dinjitetin. Zgjidhni dialogun. Dhuna nuk është zgjidhje.

14/10/2026

Ka momente kur lodhja bëhet e padukshme për të tjerët. Momente kur mbyll derën, lejon veten të qash në heshtje, merr frymë thellë, rregullon veten dhe vazhdon ditën sikur asgjë të mos ketë ndodhur. ❤️

Por të jesh e fortë nuk do të thotë të mos lodhesh, të mos qash apo të mos kërkosh ndihmë. Nuk ke pse të jesh gjithmonë e fortë. Edhe ti meriton të dëgjohesh, të mbështetesh dhe të kujdesesh për veten.

Mos e mat forcën tënde me sa shumë mund të durosh në heshtje. Ndonjëherë, forca më e madhe është të pranosh se ke nevojë për dikë pranë.

📞 116 117 – Qendra Shqiptare për Impakt Social Për gratë dhe vajzat që kanë nevojë të flasin, të dëgjohen dhe të marrin mbështetje.

#116117 GratëDheVajzat NukJeVetëm

13/10/2026

Mos e nënvlerëso kurrë një vajzë me një ide të madhe. 💜

Nga shpikjet shkencore te zgjidhjet që përmirësojnë jetën e të tjerëve, këto vajza dëshmojnë se mosha nuk është pengesë për të sjellë ndryshim.

Ato nuk pritën të rriteshin për të bërë diçka të rëndësishme. Me kreativitet, guxim dhe këmbëngulje, treguan se idetë e tyre meritojnë të dëgjohen dhe të marrin hapësirën që u takon.

Sepse kur vajzave u jepet mundësia të mendojnë, të krijojnë dhe të veprojnë, ato mund të ndryshojnë botën. ✨

Le t’i mbështesim vajzat jo vetëm të ëndërrojnë, por edhe të besojnë te vetja dhe te fuqia e ideve të tyre.

12/10/2026

Pesë gra. Pesë histori. Një trashëgimi që vazhdon të na frymëzojë. 💜

Musine Kokalari, Shote Galica, Sevasti Qiriazi, Urani Rumbo dhe Tefta Tashko Koço – pesë gra që sfiduan kufijtë e kohës dhe lanë gjurmë të pashlyeshme në historinë shqiptare.

📚 Me dijen, mbrojtën të drejtën e vajzave për arsimim.
✊ Me guximin, sfiduan padrejtësitë dhe luftuan për liri.
🎶 Me talentin dhe krijimtarinë, pasuruan kulturën shqiptare.
💜 Me qëndresën e tyre, hapën rrugë për brezat që erdhën pas.

Në vijim të Ditës Ndërkombëtare të Gruas, rikthejmë në vëmendje historitë e tyre, për të nderuar kontributin e grave në shoqërinë shqiptare dhe për të kujtuar se barazia, dinjiteti dhe mundësitë e barabarta janë të drejta për të cilat duhet të punojmë çdo ditë.

Sepse të njohësh kontributin e grave do të thotë të nderosh të kaluarën dhe të kontribuosh për një të ardhme më të drejtë për të gjitha gratë dhe vajzat. 💜

BaraziGjinore

09/10/2026

Kjo është fituesja e Nobelit në Letërsi!

📚 Anne Carson: një zë letrar që sfidon kufijtë e zakonshëm të letërsisë.

Nga rrugëtimi i saj krijues te mënyra e veçantë se si e përjetoi lajmin e Nobelit, Anne Carson na kujton se pas çdo arritjeje të madhe qëndrojnë vite pune, një vizion origjinal dhe guximi për të ndjekur një rrugë të ndryshme.

Përmes poezisë, filozofisë dhe mitologjisë, ajo eksploron dashurinë, dëshirën, humbjen dhe identitetin, duke krijuar vepra që sfidojnë mënyrën tradicionale të të shkruarit dhe të të kuptuarit të letërsisë.

Në këtë seri prej katër slidesh, ju ftojmë të njihni më nga afër karrierën, veçantinë krijuese, reagimin dhe disa nga veprat më të njohura të saj. ✨

Kulturë GraQëFrymëzojnë

08/10/2026

Për vite me radhë, grave u është thënë se paratë, investimet dhe vendimet financiare janë “punë burrash”.

Por pavarësia financiare është edhe pavarësi personale. 💜

Gratë kanë të drejtë të dinë, të vendosin, të fitojnë, të investojnë dhe të menaxhojnë paratë e tyre. Sepse të kesh kontroll mbi financat do të thotë të kesh më shumë mundësi për të zgjedhur jetën që dëshiron.

Mos ia delego askujt të ardhmen tënde financiare. Mësoje. Kuptoje. Menaxhoje. Ndërtoje.

FinancialIndependence

07/10/2026

Vajzat trashëgojnë. Janë trashëgimtare po aq sa djemtë të edukatës, dashurisë, energjisë, mendësisë që prindi i jep. Dhe kjo përgjigje e këtij babai është përgjigje mençur për këdo që ende nuk e ka kuptuar se vajzat dhe djemtë, sidomos kur i ke fëmijët e tu, përballë njëri-tjetrit janë njësoj.
Videoja është shkëputur nga profili i gazetares Paulina Nushi Muhaxhiri ().

06/10/2026

Pavarësia është një nga dhuratat më të rëndësishme që mund t’u mësojmë fëmijëve tanë. ❤️

Vajzat meritojnë të rriten duke ditur se mund të ndërtojnë jetën e tyre, të punojnë, të fitojnë dhe të marrin vendime të pavarura. Jo për të pasur nevojë për një burrë që t’i mbajë, por për të zgjedhur një partner sepse e duan dhe e respektojnë.

Djemtë, po ashtu, duhet të mësojnë që kujdesi për shtëpinë dhe familjen nuk është “punë grash”. Të gatuash, të pastrosh, të kujdesesh për fëmijët dhe të ndash përgjegjësitë janë aftësi jetësore, jo detyra që përcaktohen nga gjinia.

Rrisim vajza të pavarura dhe djem të përgjegjshëm, që nesër të ndërtojnë marrëdhënie të bazuara në dashuri, respekt dhe barazi.

📞 116 117 – Qendra Shqiptare për Impakt Social
Për këshillim dhe mbështetje për gratë dhe vajzat.

#116117 Prinderimi MarrëdhënieTëShëndetshme

Address

Rr "Muhamet Gjollesha" Nd. 122, H. 4, Ap. 8
Tirana
1023

Telephone

+35542233408

Website

http://www.hotlinealbania.org/

Alerts

Be the first to know and let us send you an email when Linja e Keshillimit per Gra dhe Vajza posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Linja e Keshillimit per Gra dhe Vajza:

Want your organization to be the top-listed non profit organization in Tirana?