Komiteti Shqiptar i Helsinkit

10/06/2026

https://www.facebook.com/share/17mKrtgp3A/

Një koalicion i organizatave të shoqërisë civile ka publikuar një deklaratë të përbashkët duke shprehur shqetësim të thellë për shënjestrimin publik të Kristina Vokos, Drejtoreshë Ekzekutive e BIRN Albania, nga deputeti Ardit Bido.

Gjatë një seance dëgjimore të mbajtur më 8 qershor në Komisionin Parlamentar për të Drejtat e Njeriut dhe Mediat e Informimit Publik, Voko ngriti një shqetësim të qartë ligjor lidhur me detyrimin e transmetuesit publik për të ofruar informacion dhe përmbajtje gjithëpërfshirëse, përfshirë për pakicat kombëtare dhe personat me aftësi të kufizuara.

Ky shënjestrim po ndodh në një kontekst veçanërisht të ndjeshëm, ndërsa qytetarë, aktivistë, media dhe organizata të shoqërisë civile po ngrenë shqetësime lidhur me mbrojtjen e mjedisit, transparencën, konsultimin publik, llogaridhënien dhe respektimin e shtetit të së drejtës, në lidhje me ndërtimet në zonën e mbrojtur të Vjosë-Nartës.

Përpjekja për t’i paraqitur zërat kritikë si “armiq”, “të huaj” ose të motivuar nga përkatësia etnike, largon vëmendjen nga çështjet me interes publik dhe krijon një klimë intimidimi ndaj shoqërisë civile, medias dhe qytetarëve që marrin pjesë në debatin publik.

📌 Ne i bëjmë thirrje:
✔️Deputetit Ardit Bido të fshijë postimin dhe të kërkojë ndjesë publike
✔️Kuvendit të Shqipërisë, Kryetarit të Kuvendit dhe Grupit Parlamentar të Partisë Socialiste të distancohen qartë nga çdo gjuhë që shënjestron përfaqësues të shoqërisë civile, medias apo qytetarë mbi bazë etnie, gjuhe, origjine apo qëndrimi kritik.
✔️Komisionerit për Mbrojtjen nga Diskriminimi ta shqyrtojë rastin brenda mandatit të tij ligjor

🔗 Lexoni deklaratën e plotë në koment.

cc
Blerjana Bino

➡️ Organizatat Nënshkruese:
•Qendra Shkencë dhe Inovacion për Zhvillim (SCiDEV)
•Fondacioni Së Bashku
•Qëndresa Qytetare
•Qendra Shqiptare për Kërkime Ekonomike (ACER)
•Qendra Shqiptare për Gazetari Cilësore (ACQJ)
•Asociacioni i Gazetarëve të Shqipërisë (AGSH)
•Citizens.al
•Komiteti Shqiptar i Helsinkit (KSHH)
•Këshilli Shqiptar i Medias (KSHM)
•Faktoje.al
•Rrjeti i Informimit dhe Qytetarisë Aktive (INAC)
•Gruaja Shqiptare në Audiovizual (AWA)
•Partnerët Shqipëri për Ndryshim dhe Zhvillim (Partners)
•Qendra për të Drejtat e Fëmijëve në Shqipëri (CRCA-ECPAT Shqipëri)
•Qendra Amfora
•Civil Rights Defenders Shqipëri
•Lëvizja Europiane Shqipëri (EMA)
•Akademia e Studimeve Politike (ASP)
•Qendra "Aleanca Gjinore per Zhvillim" (GADC)
•Instituti i Studimeve Politike (ISP)
•Qendra për Mbrojtjen e Mjedisit dhe Zhvillim të Qëndrueshëm (All Green Centre)
•Shoqata Together for Life (TFL)
•Qendra ResPublica
•Aleanca Kundër Diskriminimit LGBTI
•Qendra “Education for Change”
•Shoqata “Përtej Barrierave”
•Fondacioni Shqiptar për të Drejtat e Personave me Aftësi të Kufizuara (ADRF)
•Qendra për Studimin e Demokracisë dhe Qeverisjes (CSDG)
•Të Ndryshem & Të Barabartë
•Qendra për Drejtësi Gjinore në Shqipëri
•Qendra Burimore e Mjedisit në Shqipëri
•Rrjeti i Fuqizimit të Gruas në Shqipëri (AWEN)
•Qendra Europiane për Lirinë e Medias dhe Shtypit (ECPMF)
•Nisma Arsis
•Instituti Shqiptar i Medias
•Rrjeti i Grave për Barazi në Vendimmarrje
•Shoqata Kombëtare Edukim për Jetën
•Qendra Shërbimi Ligjor Falas
•Co-Plan

09/06/2026

THIRRJE PËR PRAKTIKË PROFESIONALE PËR STUDENTËT E FAKULTETIT TË EKONOMISË

Data e hapjes së thirrjes: 09 Qershor 2026
Thirrje për: Dy Praktikantë
Afati i fundit për aplikim: 21 Qershor 2026
Adresa: Rr. Brigada VIII, Pll. Tekno-Projekt, Shk.2, Ap.10, kati 6, Tiranë.

Kush jemi ne?

📌Komiteti Shqiptar i Helsinkit (KSHH) është një organizatë jofitimprurëse që ka në mision mbrojtjen e të drejtave dhe lirive të njeriut, shtetin e së drejtës si dhe zgjedhjet e lira dhe të ndershme.
Programi i praktikës profesionale (internship) do të zhvillohet pranë zyrave të Komitetit Shqiptar të Helsinkit për një periudhë 3 mujore me angazhim fizikisht cdo ditë jo më pak se 4 orë. Kjo praktikë ofrohet pa pagesë dhe synon t’i mundësojë praktikantit/es përfitimin e një përvoje të vlefshme profesionale, zhvillimin e aftësive praktike si dhe thellimin e njohurive në fushën përkatëse.

📌Cilat janë kërkesat për studentët që do të kualifikohen në fazën e intervistës?

• Të ndjekin vitin e fundit të studimeve Master ose të kenë përfunduar studimet Bachelor në Fakultetin e Ekonomisë (përparësi do t’u akordohet kandidatëve me përvojë të mëparshme praktike, apo angazhim në menaxhimin dhe zbatimin e projekteve).
• Njohuri bazë në kontabilitet dhe financë.
• Kanë njohuri të mira të përdorimit të Microsoft Word dhe Excel.
• Njohuri e gjuhës angleze (avantazh).
• Janë të hapur të punojnë në grup.
• Integritet dhe konfidencialitet.

📌 Detyrat dhe Përgjegjësitë e Praktikantit/es:
Gjatë periudhës së praktikës, praktikanti/ja do të angazhohet nën mbikëqyrjen e Menaxherit të Financës, kryesisht në detyra mbështetëse si më poshtë:

1. Të asistojë në sistemimin, organizimin dhe arkivimin e dokumentacionit financiar (fatura, kontrata, mandate pagesash, etj.),
2. Të ndihmojë në fotokopjimin, printimin, skanimin dhe përgatitjen e dokumenteve për raportim ose auditim,
3. Të asistojë në kontrollin fillestar të dokumentacionit financiar, duke verifikuar nëse dokumentet janë të plota dhe të rregullta,
4. Të ndihmojë në përgatitjen e tabelave të thjeshta në Excel për evidentimin e shpenzimeve,
5. Të mbështesë hedhjen e të dhënave bazë në programin e kontabilitetit, nën udhëzimin e drejtpërdrejtë të Menaxherit të Financës,
6. Të asistojë në përgatitjen teknike të dokumenteve për raportime periodike (sistemim, renditje, bashkëngjitje dokumentesh),
7. Të ofrojë mbështetje në detyra të përgjithshme administrative sipas nevojës.

📌Si mund të aplikoni?

Nëse jeni të interesuar për këtë thirrje, lutemi të paraqisni deri në dt. 21 Qershor 2026 në adresën e e-mailit [email protected] aplikimin tuaj, pjesë e së cilës do të jenë:

• CV
• Letër motivimi
• Kopje të Diplomës Universitare, ose një vërtetim nga Fakulteti, nëse jeni në proces studimi.
• Kopje të dëshmisë, ose certifikatave së gjuhës së huaj.

Mënyra e përzgjedhjes👇
Një komision paraprak seleksionimi brenda KSHH-së do të shqyrtojë të gjitha aplikimet e kandidatëve të interesuar. Vetëm kandidatët që do të kualifikohen për fazën e parë të intervistimit, do të njoftohen brenda muajit Shkurt për datën dhe orën e intervistës.

04/06/2026

Komiteti Shqiptar i Helsinkit shpreh shqetësimin për përdorimin e mjeteve ujëhedhëse nga Policia e Shtetit gjatë protestës së djeshme në Tiranë.

Në protestat e zhvilluara kanë marrë pjesë qytetarë, familjarë dhe fëmijë, në një manifestim që deri tani është karakterizuar kryesisht nga forma paqësore të shprehjes.

Përdorimi i mjeteve të ndërhyrjes nga autoritetet e Policia e Shtetit duhet të respektojnë parimet e ligjshmërisë, domosdoshmërisë dhe proporcionalitetit. Çdo masë shtrënguese duhet të jetë zgjidhja e fundit dhe e justifikuar nga rrethana konkrete që paraqesin rrezik real për rendin dhe sigurinë publike.

KShH do të vijojë monitorimin e situatës dhe u bën thirrje të gjitha palëve të tregojnë vetëpërmbajtje, duke garantuar respektimin e të drejtës kushtetuese për tubim paqësor dhe sigurinë e çdo qytetari.

Burimet e pamjeve dhe të videove që shoqërojnë këtë postim janë marrë nga:

Reporter.al .al Qëndresa Qytetare

https://www.newsbomb.al/aktualitet/protestuesit-cajne-kordonin-e-policise-efektivet-u-hedhin-uje-por-ata-i393533
https://www.facebook.com/share/p/1H6FkUpLGB/
https://www.facebook.com/share/r/1Gm38LqTJY/

02/06/2026

KOMUNIKATË PËR SHTYP

📌Komiteti Shqiptar i Helsinkit (KShH) ka përfunduar monitorimin e procedurave të ndjekura nga autoritetet përgjegjëse gjatë dhe pas protestës së zhvilluar më 30 maj 2026 nga banorët e fshatit Zvërnec.

Nga verifikimet e kryera rezulton se organizatorët kishin njoftuar paraprakisht Policinë e Shtetit për zhvillimin e protestës, ndërsa Drejtoria Vendore e Policisë Vlorë kishte garantuar mbarëvajtjen e saj dhe kishte hartuar një plan masash për ruajtjen e rendit dhe sigurisë publike.

Sipas të dhënave të mbledhura nga KShH, protesta nisi dhe u zhvillua në mënyrë paqësore deri në momentin kur një banor i zonës, pjesëmarrës në protestë, u kap dhe u tërhoq me forcë brenda rrethimit të kantierit nga persona civilë, të cilët nuk ishin pjesë e struktures së policisë private Myrto, që është kontraktuar nga investitori.
Ky veprim shënoi pikën e kthesës që çoi në përshkallëzimin e situatës.
Gjatë seancës së marrjes në pyetje nga policia e Vlores këta persona kanë deklaruar se janë punonjës të kompanisë Major Security. Kjo kompani nuk ka kontratë me investitorin.

Veçanërisht shqetësues është fakti se gjatë ngjarjes janë raportuar raste të përdorimit të spray-it piper dhe hedhja e gurëve nga të njëjtët persona civilë kundër protestuesve. Sipas informacioneve të mbledhura gjatë monitorimit, dhe këqyrjes se pamjeve filmike, efekti i këtij spray-i ka prekur jo vetëm protestuesit, por edhe efektivë të Policisë së Shtetit të pranishëm në vendngjarje. Kjo ngre pikëpyetje serioze mbi praninë, rolin, autoritetin dhe veprimet e personave civilë të përfshirë në incident.

KShH vëren me shqetësim se drejtuesit vendorë të Policisë së Shtetit kanë pranuar se personat që ushtruan forcë ndaj protestuesit nuk ishin pjesë e strukturave të kontraktuara për sigurinë e objektit dhe se identiteti dhe statusi i tyre nuk ishte i qartë në momentin e ngjarjes. Megjithatë, nuk rezulton të jenë ndërmarrë veprime të menjëhershme për ndalimin apo shoqërimin e tyre në momentin e kryerjes së veprave të dyshuara penale.

Po ashtu, monitorimi evidenton mospërputhje mes përshkrimit të dinamikës se ngjarjeve nga drejtuesit e operacionit në terren dhe përmbajtjes së deklaratës zyrtare të publikuar nga Drejtoria Vendore e Policisë Vlorë. KShH konsideron se komunikimi publik i institucioneve ligjzbatuese duhet të jetë i plotë, i saktë dhe i mbështetur në faktet e verifikuara.

Shqetësim paraqet edhe fakti që shoqerimi dhe arrestimi i shtetasit të identifikuar si autor i dyshuar i heqjes së paligjshme të lirisë dhe i dhunimit të protestuesit është kryer disa orë pas ngjarjes, pavarësisht se incidenti ka ndodhur në prani të forcave policore dhe është dokumentuar gjerësisht në pamje filmike.

Komiteti Shqiptar i Helsinkit vlerëson se ushtrimi i të drejtës kushtetuese për tubim paqësor duhet të garantohet në çdo rast dhe se çdo përdorim force nga persona të paautorizuar ndaj qytetarëve kërkon hetim të plotë, të pavarur dhe efektiv.

KShH i bën thirrje Prokurorisë dhe Policisë së Shtetit të hetojnë në mënyrë të gjithanshme:

-rrethanat e heqjes së paligjshme të lirisë së protestuesit dhe identifikimin dhe nxjerrjen e përgjegjësisë të personave të tjerë të përfshirë në rrëmbimin dhe dhunimin e tij.
-ligjshmërinë e përdorimit të spray-it piper nga persona civilë;
-identifikimin, statusin juridik dhe autoritetin e personave civilë të përfshirë në incident;
-përgjegjësitë institucionale për mosndërhyrjen e menjëhershme ndaj veprimeve të kundërligjshme të konstatuara në terren.

KShH do të vijojë të ndjekë me vëmendje ecurinë e hetimeve dhe respektimin e standardeve të të drejtave të njeriut në trajtimin e kësaj ngjarjeje me interes të lartë publik.

30/05/2026

Njoftim

Komiteti Shqiptar i Helsinkit (KShH) është njohur me pamjet filmike të bëra publike në rrjetet sociale, lidhur me një protestë të zhvilluar në zonën e Zvernecit, në qytetin bregdetar të Vlorës.

Lidhur me këtë incident për të cilin ka reaguar edhe Policia e Shtetit (Drejtoria e Policisë Vendore Vlorë), KShH do të monitorojë nga afër ngjarjejen, përpara se të mbajë një qëndrim përfundimtar lidhur me të.

Neni 3 i Konventës Evropiane për të Drejtat e Njeriut ndalon në mënyrë absolute torturën dhe trajtimin ose dënimin çnjerëzor apo degradues. Ky standard zbatohet jo vetëm nga autoritetet shtetërore në raport me qytetarët, por ngarkon shtetin edhe me detyrimin pozitiv për të mbrojtur individët nga dhuna dhe keqtrajtimi i ushtruar nga persona privatë, si dhe për të ndërhyrë në kohë për të parandaluar përshkallëzimin e situatave që mund të cenojnë integritetin fizik dhe dinjitetin e individit.

Bazuar në pamjet e publikuara, KShH vëren me shqetësim mënyrën e trajtimit të personit, i cili cilësohet si një nga protestuesit e përfshirë në incident që tërhiqet zvarrë nga personeli i sigurisë së subjektit privat. Edhe nëse rezulton se personi ka hyrë pa autorizim në një pronë private, mbrojtja e pronës nuk mund të justifikojë përdorimin e forcës që tejkalon kufijtë e domosdoshmërisë dhe proporcionalitetit. Tërheqja zvarrë e një personi, në rrethana ku nuk duket të ketë rezistencë aktive apo rrezik të menjëhershëm për jetën dhe sigurinë e personave të tjerë, ngre dyshime serioze mbi respektimin e dinjitetit njerëzor dhe ndalimin e trajtimit çnjerëzor ose degradues. Ndaj njoftimi i policisë së shtetit se ky person është shoqëruar nga punonjësit e shoqërisë private të sigurisë, nuk përkon objektivisht me pamjet filmike, të cilat tregojnë tërheqjen zvarrë të trupit të tij në distancë prej disa metrash.

KShH vlerëson se prania e punonjësve të Policisë së Shtetit në afërsi të vendngjarjes krijonte nevojën për një ndërhyrje të menjëhershme dhe efektive me qëllim parandalimin e çdo forme të mundshme të keqtrajtimit dhe garantimin e sigurisë së të gjithë personave të përfshirë. Një nga funksionet themelore të policisë është pikërisht zbutja në mënyrë të përshkallëzuar e situatave konfliktuale dhe garantimi që çdo veprim të zhvillohet në përputhje me ligjin dhe standardet e të drejtave të njeriut.

KShH u bën thirrje autoriteteve përgjegjëse të kryejnë një verifikim të plotë, të pavarur dhe efektiv të rrethanave të ngjarjes.

Ndërsa kemi një referim të materialeve në Prokurorinë e Vlorës, KShH i bën thirrje Autoritetit të Mbikqyrjes Policore të nisë një hetim administrativ të pavarur ndaj punonjësve të policisë present në vendngjarje, lidhur me ҫështjen në fjalë.

Policia e Shtetit Agjencia e Mbikeqyrjes Policore Ministria e Brendshme

22/05/2026

https://www.facebook.com/share/p/1HzWjrhLiz/

Kryetari i Prezencës së OSBE-së, ambasadori Michel Tarran, u takua sot, me kërkesën e tyre, me një grup përfaqësuesish të shoqërisë civile, të cilët ndanë vëzhgimet e tyre lidhur me procesin e reformës zgjedhore. Në takim morën pjesë Komiteti Shqiptar i Helsinkit, BIRN Albania, Instituti i Studimeve Politike, Fondacioni Westminster për Demokraci, Qëndresa Qytetare dhe Rrjeti i Grave Barazi në Vendimarrje.

Ambasadori Tarran i falënderoi përfaqësuesit e shoqërisë civile për rolin aktiv në vëzhgimin e zgjedhjeve, si dhe për ekspertizën e tyre të vyer dhe kontributin e vazhdueshëm në përmirësimin e proceseve zgjedhore në Shqipëri. Ai dëgjoi me vëmendje çështjet dhe shqetësimet lidhur me ritmin e punës së Komisionit të Posaçëm për Reformën Zgjedhore, si edhe rëndësinë e garantimit të një procesi konsultimi efektiv dhe kuptimplotë me palët e interesuara, përfshirë organizatat e shoqërisë civile.

Ai theksoi se është e rëndësishme të sigurohet që pikëpamjet dhe kontributet e të gjitha palëve të interesuara të merren në konsideratë siç duhet dhe që procesi i reformës zgjedhore të zhvillohet në mënyrë transparente, përfshirëse dhe konsultuese.

Ambasadori Tarran ritheksoi se Prezenca e OSBE-së do të vijojë të inkurajojë Komisionin dhe përfaqësuesit politikë që ta përmbushin angazhimin e tyre për adresimin e rekomandimeve të OSBE/ODIHR-it në mënyrë të plotë dhe në kohën e duhur, në përputhje me afatet kohore të miratuara nga Komisioni dhe mjaftueshëm përpara zgjedhjeve vendore të vitit të ardhshëm.

***

Today, the Head of the OSCE Presence, Ambassador Michel Tarran, met, at their request, with a group of civil society representatives, who shared their observations regarding the ongoing electoral reform process. The Albanian Helsinki Committee, BIRN Albania, the Institute for Political Studies, Westminster Foundation for Democracy, Civic Resistance and the Women’s Network Equality in Decision-making participated in the meeting.

Ambassador Tarran thanked civil society representatives for their active role in election observation and for their valuable expertise and continued contributions to improving electoral processes in Albania. He took note of the issues and concerns raised regarding the pace of work of the parliamentary ad hoc Parliamentary Committee on Electoral Reform, as well as the importance of ensuring an effective and meaningful consultation process with relevant stakeholders, including civil society organizations.

He emphasized the importance of ensuring that the views and contributions of all stakeholders are duly considered and that the electoral reform process is conducted in a transparent, inclusive, and consultative manner.

Ambassador Tarran reiterated the OSCE Presence will continue to encourage the Committee and political representatives to uphold their commitment to addressing OSCE/ODIHR recommendations in a timely and comprehensive manner, in line with the Committee’s approved timeline and sufficiently ahead of next year’s local elections.

__________________________
Komiteti Shqiptar i Helsinkit
BIRN Albania
Instituti i Studimeve Politike / Institute for Political Studies
Westminster Foundation for Democracy
Qëndresa Qytetare
Barazi Në Vendimmarrje

12/05/2026

Tryeza mbi Efektet e Hartës Gjyqësore në Sistemin e Prokurorisë

Komiteti Shqiptar i Helsinkit zhvilloi një tryezë diskutimi mbi dokumentin e politikave që analizon ndikimin që ka sjellë zbatimi i hartës së re gjyqësore në funksionimin e sistemit të prokurorisë së juridiksionit të përgjithshëm në Shqipëri, duke u fokusuar tek ngarkesa e punës, eficienca, shpërndarja territoriale e çështjeve, burimet njerëzore, infrastrukturore dhe efektet institucionale të riorganizimit gjyqësor territorial në këtë sistem, të vitit 2022.

Dokumenti synon gjithashtu të plotësojë boshllëkun ekzistues në analizën e kryer nga Këshilli i Lartë Gjyqësor mbi hartën gjyqësore, e cila është fokusuar tek sistemi gjyqësor dhe jo tek ndikimi paralel që harta do të kishte në sistemin e prokurorisë.

Analiza mbështetet në një metodologji krahasuese dhe statistikore “para dhe pas hartës”, duke marrë si periudhë reference vitet 2021–2022 (para hyrjes në fuqi të hartës së re gjyqësore) dhe vitet 2023–2025 si periudhë e zbatimit të saj.

Të dhënat tregojnë se harta e re gjyqësore nuk është shoqëruar me një ulje të qëndrueshme të volumit të procedimeve penale në sistemin e prokurorisë. Ҫështjet në ndjekje nga prokuroritë e JP të shkallës së parë ng 47,475 në vitin 2021 arritën në 50,058 në vitin 2025. Kjo përfaqëson një rritje prej rreth 5.4% gjatë periudhës së analizuar.

Ndërkohë, procedimet e reja të regjistruara në secilin vit nga 24,095 në vitin 2023, arritën në 27,049 në vitin 2025, duke shënuar një rritje prej rreth 12.3% vetëm në dy vitet e plota pas hyrjes në fuqi të hartës gjyqësore.

Këta tregues tregojnë se, pavarësisht riorganizimit territorial të juridiksionit të përgjithshëm, sistemi prokurorisë vijon të përballet me një volum pune në rritje. Një nga treguesit më domethënës për periudhën e marrë në analizë është rritja e stokut të çështjeve të mbartura. Procedimet e mbartura, nga 18,192 në vitin 2021, arritën në në 22,825 në vitin 2025. Kjo shifër përfaqëson një rritje prej rreth 25.5% të backlog-ut në nivel kombëtar.

Megjithatë, efekti më i ndjeshëm evidentohet në raport me numrin e prokurorive. Pas reformës, sistemi kaloi nga 28 prokurori në vetëm 14 struktura të juridiksionit të përgjithshëm. Për pasojë, backlog-u mesatar për prokurori u rrit nga rreth 826 çështje në vitin 2021, në rreth 1,756 çështje në vitin 2025.

Analiza e treguesve të KShH-së demonstrojnë se reduktimi i numrit të prokurorive kanë sjellë një përqendrim shumë më të madh të stokut të çështjeve në pak prokurori të mëdha territoriale.

Kjo tryezë u përshëndet nga Z.Reinout Vos, Ambasador i Mbretërisë së Hollandës në Tiranë, Z.Silvio Gonzato, Ambasador i Delegacionit të BE-së në Shqipëri, Znj. Mirela Bogdani, Kryetare e Këshillit të Lartë të Prokurorisë, Znj. Jorida Tabaku, Kryetare e Komisionit Parlamentar për të Drejtat e Njeriut dhe Mjetet e Informimit Publik, Z. Ilir Rusi, Kryetar i Këshillit të Lartë Gjyqësor, Z.Kostaq Beluari, Prokuror/Drejtues i Drejtorisë së Koordinimit Institucional në Prokurorinë e Përgjithshme, Z.Elion Mustafaj, Drejtues i Prokurorisë së Shkallës së Parë Fier, Z.Gëzim Spahiu, Kryetar i Shoqatës së Prokurorëve.

Ky event i Komitetit Shqiptar të Helsinkit (KShH) është realizuar në kuadër të nismës C1 – EU – NPA, “Përmirësimi i Debatit mbi Politikat dhe Llogaridhënien për të Përmbushur të Drejtat Bazike, përmes krijimit të Platformës së Negociatave të Cluster 1 Shqipëri”, me mbështetjen financiare të Ambasadës së Mbretërisë së Hollandës në Tiranë.

Embassy of the Netherlands in Albania European Union in Albania Cluster One Eu Negotiations Platform - Albania Shoqata e Prokuroreve

12/05/2026

https://youtu.be/6rb84s7WNTY?si=H-QkQmaVW4NJ1WpY

- - - A2 CNN është një kanal informativ në një partneritet ekskluziv me CNN, me seli dhe qendër kryesore të prodhimit në Tiranë. Video Credits: Reuters, CNN,...

28/04/2026

27/04/2026

⚖️ Akses më i lehtë në drejtësi apo pengesa të reja për qytetarët?

Komiteti Shqiptar i Helsinkit ka publikuar raportin e monitorimit mbi zbatimin e Hartës së re Gjyqësore, një reformë që prek drejtpërdrejt qytetarët dhe aksesin e tyre në drejtësi.

Raporti evidenton se, ndonëse reforma për shkrirjen dhe ri-organizimin territorial të gjykatave synon rritjen e efikasitetit të sistemit gjyqësor, në praktikë shumë qytetarë, veçanërisht ata në nevojë vazhdojnë të përballen me vështirësi konkrete: distanca më të gjata për të ndjekur proceset gjyqësore, kosto të shtuara financiare, vonesa në shqyrtimin e çështjeve dhe vështirësi në marrjen e një vendimi brenda një afati të arsyeshëm.

Këto sfida bëhen edhe më të ndjeshme në kushtet e mungesës së gjyqtarëve, ngarkesës së lartë të gjykatave dhe stokut të çështjeve të pashqyrtuara. Drejtësia e vonuar kthehet në drejtësi të mohuar.

Përmes këtij raporti, KShH synon të sjellë në vëmendje shqetësimet e qytetarëve dhe të kontribuojë në përmirësimin e funksionimit të sistemit gjyqësor si dhe ri-organizimin e ri të gjykatave në vitin 2027, në mënyrë që çdo individ të ketë akses real, të barabartë dhe efektiv në drejtësi.

📄 Lexoni raportin e plotë këtu:https://ahc.org.al/wp-content/uploads/2026/04/Raporti-per-monitorimin-e-Hartes-Gjyqesore_.pdf

European Union in Albania