CRCA / ECPAT Albania

21/08/2026

SHQIPËRIA: 12.5 MILIONË VIZITORË TË HUAJ, POR ASNJË MASË PËR MBROJTJEN E FËMIJËVE NGA SHFRYTËZIMI SEKSUAL NË TURIZËM

Tiranë, 21 Gusht 2026 - Shqipëria po përjeton një zgjerim historik të turizmit, por ende nuk ka një sistem tërësor, parandalues dhe të detyrueshëm për mbrojtjen e fëmijëve nga shfrytëzimi seksual në këtë sektor. CRCA/ECPAT Shqipëri bëri publik sot raportin e përditësuar “Mbrojtja e fëmijëve nga shfrytëzimi seksual në turizëm dhe udhëtime në Shqipëri”, i cili analizon zhvillimet e viteve 2022–2026 dhe paralajmëron se rritja e shpejtë e flukseve turistike nuk është shoqëruar me të njëjtin ritëm forcimi të mekanizmave të parandalimit, identifikimit, raportimit dhe mbrojtjes së fëmijëve nga shfrytëzimi seksual.

Raporti thekson se turizmi nuk shkakton vetvetiu dhunë apo shfrytëzim seksual të fëmijëve. Por, volumi i lartë i udhëtarëve, sezonaliteti, informaliteti, akomodimi afatshkurtër, puna e përkohshme, anonimiteti dhe platformat digjitale mund të krijojnë hapësira që autorët e veprave, ndërmjetësit dhe trafikantët të kontaktojnë fëmijë, të organizojnë takime dhe të shmangin zbulimin.

Shifra që kërkojnë reagim

• Hyrjet e shtetasve të huaj u rritën nga 5,69 milionë në vitin 2021 në 12,47 milionë në vitin 2025 — me rreth 119% rritje në katër vjet.
• Në vitin 2025 u regjistruan 176 procedime për grupin e veprave penale seksuale, krahasuar me 161 në vitin 2024; Thuajse 64% e viktimave të evidentuara ishin fëmijë.
• Në vitin 2024 autoritetet identifikuan 178 viktima të mundshme të trafikimit, përfshirë 96 fëmijë.
• Gjatë viteve 2021–2024 u evidentuan 4.447 raste të reja të fëmijëve në rrezik ose në nevojë për mbrojtje, ndërkohë që në nivel vendor janë të punësuar vetëm 370 punonjës të mbrojtjes së fëmijës.
• iSIGURT.al mori 615 raportime gjatë vitit 2025, 46% më shumë se një vit më parë, duke dëshmuar lidhjen gjithnjë e më të fortë midis rrezikut online dhe shfrytëzimit jashtë internetit.

Boshllëku kryesor: sektori i turizmit nuk ka detyrime të qarta për mbrojtjen e fëmijëve nga shfrytëzimi seksual

Sipas raportit, Shqipëria ndalon dhe dënon shumicën e veprave seksuale ndaj fëmijëve dhe ka një sistem thuajse funksional të mbrojtjes së tyre. Megjithatë, legjislacioni dhe politikat e turizmit ende nuk vendosin detyrime të qarta e të zbatueshme për hotelet, resortet, bujtinat, apartamentet me qira afatshkurtra, platformat digjitale, transportuesit, agjencitë turistike dhe subjektet e argëtimit për të parandaluar, identifikuar dhe raportuar rastet e shfrytëzimit të fëmijëve.

Raporti arrin në përfundimin se përgjegjësia vazhdon të mbetet e fragmentuar ndërmjet institucioneve, ndërsa të dhënat administrative nuk regjistrojnë në mënyrë të unifikuar nëse një rast lidhet me udhëtimin, akomodimin ose aktivitetin turistik. Për pasojë, shkalla reale e fenomenit mbetet e padukshme.

Një standard i ri përgjegjësie për biznesin

Raporti u bën thirrje bizneseve të turizimit, bareve e restoranteve, agjensive të udhëtimit, që mbrojtjen e fëmijëve ta trajtojnë si standard të detyrueshëm të veprimtarisë së tyre. Ato nuk kanë nevojë të presin që shteti të rregullojë çdo aspekt të punës së tyre. Reputacioni dhe imazhi i çdo biznesi mund të dëmtohet seriozisht nëse fëmijët dhunohen e shfrytëzohen për qëllime seksuale në premisat e tyre. Ndaj stafet drejtuese dhe punonjësit e tyre duhet të dinë të dallojnë shenjat paralajmëruese, të dokumentojnë vetëm faktet minimale dhe të referojnë menjëherë çdo dyshimin tek organet ligjzbatuese.

Platformat dhe ofruesit e akomodimit duhet të verifikojnë pronën dhe ofruesin, të kenë kontakte sigurie të arritshme, mekanizma të dukshëm raportimi dhe procedura për ruajtjen e ligjshme të të dhënave të rezervimit. Në të gjitha destinacionet duhet të afishohen qartë numrat 112, ALO 116-111 dhe platformën iSIGURT.al.

Policia Kufitare e ka për detyrë që të informojë çdo shtetas që hyn e del në Shqipëri për detyrimet ligjore që ka, masat e dënimet nëse kryen krime ndaj fëmijëve, ndërkohë që çdo qyterar e vizitor duhet të informohet nga Policia se ku mund të raportojë dyshimet që mund të ketë për shfrytëzimin të fëmijëve.

Rekomandimet më prioritare:
• Miratimi i një Plani Kombëtar Veprimit 2027–2030 për parandalimin dhe luftën kundër shfrytëzimit seksual të fëmijëve në turizëm dhe udhëtime.
• Përfshirja e detyrimeve të qarta për mbrojtjen e fëmijëve nga shfrytëzimi seksual në turizëm dhe udhëtime në ligjin “Për turizmin” dhe në aktet nënligjore.
• Miratimi i një Standardi Kombëtar të detyrueshëm, të mbështetur në gjashtë kriteret globale të “The Code”.
• Krijimi i një sistemi të unifikuar për identifikimin dhe regjistrimin e rasteve të lidhura me turizmin dhe udhëtimet nga të gjitha organet ligjzbatuese dhe institucionet e tjera.
• Garantimi i reagimit të specializuar 24/7 në destinacionet turistike dhe ngritjen e ekipeve sezonale shumëdisiplinore.
• Trajnimi i vazhdueshëm i policisë, prokurorëve dhe gjyqtarëve për hetimin digjital, financiar dhe ndërkufitar.
----‐-‐---------------

Raporti i plotë “Mbrojtja e fëmijëve nga shfrytëzimi seksual në turizëm dhe udhëtime në Shqipëri” (2026), së bashku me versionin në gjuhën angleze, mund të lexohen në lidhjen:

Në shqip: https://drive.google.com/file/d/1Kffc7kf7OcZwn_fYJeQoSyi8rLGXcFkF/view

Në Anglisht: https://drive.google.com/file/d/17Nm91qOrBSi1OxhL2hZX6cpGw1NTEUpU/view

20/08/2026

Shfrytëzimi seksual i fëmijëve nuk duhet të kalojë kurrë pa u vënë re — qoftë gjatë udhëtimeve dhe në turizmëm, në internet apo në komunitetet tona.

Keni parë ose dyshoni për një rast? Mos heshtni. Çdo raportim mund të mbrojë një fëmijë.

🔍 Në turizëm dhe udhëtime: Vëzhgoni shenjat, mos e injoroni situatën dhe raportoni dyshimet.

💻 Në internet: Raportoni përmbajtjet, komunikimet ose kontaktet e dyshimta tek iSIGURT.al

☎️ Për këshillim dhe ndihmë falas: Telefononi falas ALO 116-111 – Linja Kombëtare e Këshillimit për Fëmijët.

🚨 Nëse një fëmijë ndodhet në rrezik të menjëhershëm:
Telefononi Policinë e Shtetit në numrin 112 ose 129.

👁️ Mos hesht.
🔎 Dallo shenjat.
📣 Raporto.

Çdo raportim ka rëndësi. Shpërndajeni këtë informacion — sa më shumë njerëz të dinë si të reagojnë, aq më shumë fëmijë mund të mbrohen nga dhuna dhe shfrytëzimi seksual.

13/08/2026

🚨 KY NUK ËSHTË NJË POSTIM PËR TURIZMIN. KY ËSHTË NJË ALARM.

Pas një dere të mbyllur, një mesazhi anonim, një “dhurate”, një ofertë udhëtimi apo një sekreti, mund të fshihet rreziku i dhunimit apo shfrytëzimit seksual të një fëmije.

Shenjat mund të mos bëjnë zhurmë. Prandaj duhet t’i shohim ne.

Kur ne heshtim, rreziku nuk hesht.

Prindër, operatorë turistikë, agjensi udhëtimi, hotele, profesionistë dhe institucione: mbrojtja e fëmijëve nuk mund të presë. Mos e anashkaloni një dyshim. Mos prisni që të veprojë dikush tjetër.

ZGJOHU. VEPRO.

FËMIJËRIA NUK ËSHTË DESTINACION.

Nëse dyshoni se një fëmijë është në rrezik për t’u dhunuar apo shfrytëzuar seksualisht gjatë udhëtimit ose në turizëm, njoftoni menjëherë:

🚓 112 — Policia
☎️ ALO 116 111 — Linja e Ndihmës për Fëmijët
🌐 iSIGURT.al

Shpërndajeni këtë alarm. Heshtja u jep kohë shfrytëzuesve; reagimi mund të mbrojë një fëmijë.

12/08/2026

🌍 Sot, më 12 gusht, festojmë Ditën Ndërkombëtare të Rinisë!

Tema e këtij viti, “Kontekste të ndryshme, aspirata të përbashkëta”, na kujton se pavarësisht prejardhjes, vendit apo sfidave tona, të rinjtë ndajnë të njëjtat ëndrra: mundësi, barazi, paqe dhe një të ardhme më të mirë.

Të rinjtë nuk janë vetëm e ardhmja — ata janë zëri, energjia dhe ndryshimi i së sotmes. Le t’u krijojmë më shumë hapësira për të marrë pjesë, për të udhëhequr dhe për t’i kthyer idetë e tyre në veprim.

💙 Zëri yt. Ideja jote. E ardhmja jonë.

Gëzuar Ditën Ndërkombëtare të Rinisë!

08/08/2026

Në internet, ashtu si në jetën e përditshme, ke të drejtë të ndihesh i sigurt!

Nëse përballesh me bullizëm, kërcënime, ngacmime, shantazh, gjuhë urrejtjeje apo çdo incident tjetër online, mos hesht dhe mos u përball vetëm.

Raporto dhe kërko ndihmë në iSIGURT.al.

Fol. Raporto. Mbro veten dhe të tjerët.

02/08/2026

Child and youth participation is at the heart of everything we do at CRCA - ECPAT ALBANIA.

We empower children and young people to become partners in creating change. We co-create solutions together. We let our work speak for itself, while children and young people speak to us, challenge us, inspire us, and show us what truly matters in their lives and what we should work and advocate for.

After months of consultations with our Safe Internet Ambassadors, youth groups, and more than 220 meetings involving over 8,000 children and young people across Albania, a new idea has emerged: the Digital Youth Council of Albania.

Because there can be no real digital democracy without the voices of children and young people.

The Digital Youth Council will bring together our Safe Internet Ambassadors, Youth Media Lab Albania, and young people from every corner of the country and every walk of life to shape the present and future of Albania's digital space together.

This is not just another youth initiative. It is a commitment to ensuring that the people most affected by the digital world have a real say in how it is governed.

30/07/2026

🚀 BËHU PJESË E BORDIT TË TË RINJVE PËR DEMOKRACINË DIXHITALE NË SHQIPËRI!

A je 18–24 vjeç? Je student/e ose i/e apasionuar pas teknologjisë, medias dixhitale, internetit dhe ndikimit në politikat publike?

Ne po krijojmë Bordin e të Rinjve për Demokracinë Dixhitale (Digital Youth Council Albania) dhe po kërkojmë të rinj e të reja që duan të bëhen pjesë e këtij ndryshimi nga e gjithë Shqipëria!

🌐 Promovo sigurinë online.

🎥 Krijo përmbajtje "nga të rinjtë për të rinjtë".

💡 Merr pjesë në qeverisjen e internetit dhe politikat dixhitale.

🤝 Bashkëpuno me ekspertë dhe të rinj nga Shqipëria dhe Europa.

📍Bëhu zëri i brezit që po ndërton një internet më të sigurt, më demokratik dhe më gjithëpërfshirës.

📩 Aplikimet janë të hapura! Na shkruani!

28/07/2026

Vera është koha e pushimeve, miqve, aventurave dhe argëtimit. Por është edhe koha kur fëmijët dhe adoleshentët kalojnë më shumë kohë në internet dhe përballen shpesh me bullizëm online, mashtrime, profile të rreme, shantazh apo situata që nuk dinë si t'i zgjidhin.

Prandaj sot nisim fushatën: "TI NUK JE VETËM", që mbështetet nga netSMARTkids2, Bashkimi Europian dhe CRCA Shqipëri.

Gjatë gjithë verës do të ndajmë video të shkurtra, histori, këshilla dhe informacion praktik për t'ju ndihmuar të lundroni të sigurt në botën digjitale.

Mos harro:

📱 Nëse diçka të shqetëson...
📱 Nëse dikush të kërcënon...
📱 Nëse ke nevojë për një përgjigje...
📱 Ose thjesht nuk di çfarë të bësh...

Mos e përballo vetëm.

💙 Ti nuk je vetëm.

iSIGURT.al dhe ALO 116-111 janë gjithmonë pranë teje për të të dëgjuar, këshilluar dhe ndihmuar.

26/07/2026

Shqipëria hedh hapa drejt internetit më të sigurt: Projekt-ligji për Shërbimet Digjitale del në konsultim publik - CRCA

Tiranë, 23 Korrik 2026 – Ministria e Infrastrukturës dhe Energjisë, si autoriteti përgjegjës për negociatat e Shqipërisë për Kapitullin 10 të Acquis, në kuadër të përmbushjes së detyrimeve për anëtarësinë në Bashkimin Europian, publikoi sot në Platformën e Konsultimit Publik ...

23/07/2026

CRCA/ECPAT Shqipëri, iSIGURT.al dhe ALO116111 morën pjesë sot në takimin konsultues mbi projektligjin për Aktin e Shërbimeve Digjitale (DSA), një hap i rëndësishëm drejt krijimit të një hapësire online më të sigurt, më transparente dhe më të përgjegjshme në Shqipëri.

Projektligji, synon të forcojë mbrojtjen e përdoruesve, të rrisë standardet e sigurisë digjitale, transparencën dhe llogaridhënien e platformave online, si dhe të harmonizojë kuadrin ligjor shqiptar me atë të Bashkimit Evropian

Nee konsiderojmë këtë një mundësi të rëndësishme për të kontribuar në ndërtimin e një mjedisi digjital ku të drejtat dhe siguria e çdo përdoruesi, veçanërisht e fëmijëve dhe të rinjve, të jenë në qendër të projektligjit.