18/12/2023
Kongresi i gruas Rome “Sot, vendosin gratë Rome”
Kongresi i dytë i gruas Rome në Shqipëri shënoi një moment historik të rëndësishëm në përpjekjet e vazhdueshme për të fuqizuar vajzat dhe gratë rome për të promovuar pjesëmarrjen e tyre aktive në proceset vendimmarrëse. Me një pjesëmarrje mbresëlënëse prej 300 pjesëmarrësish, duke përfshirë 250 vajza dhe gra rome, kongresi tregoi një angazhim të fortë për të adresuar sfidat unike me të cilat përballen vajzat dhe grate rome, sikurse janë; përjashtimi social, dhuna, pamundësia për të advokuar për të drejtat e tyre, mungesa e angazhimit politik, etj.
Kongresi u zhvillua në kuadër të një sërë aktivitetesh të zhvilluara nga Rromano Kham në identifikimin e prioriteteve, të nxjerra nga vetë vajzat dhe gratë Rome, të cilat u paraqiten në formën e një rezolute. Miratimi unanim i rezolutes ishte një nga rezultatet më domethënëse të kongresit, që trajtonte çështjet kryesore me të cilat përballen gratë rome në Shqipëri. Rezoluta u bëri thirrje qeverive qendrore dhe lokale të marrin masa proaktive për të përmirësuar jetën e grave rome dhe për të mbështetur fuqizimin e tyre.
Ky aktivitet realizohet në kuadër të projektit “Sot, vendosin gratë Rome”, mbeshtetur nga Roma Active Albania përmes granteve të vogla mundësuar nga projektit “Romani Women Power of Change in the Western Balkans and Turkey”, – i bashkëfinancuar nga Komisioni Evropian.
Panelistet e kongresit “Sot, vendosin gratë Rome”
Znj. Majlinda Bufi- Kryetare e Bashkisë Roskovec
Znj. Irena Mitro - Ministria e Shëndetësisë dhe Mbrojtjes Sociale
Z. Robert Gajda - Komisioneri për Mbrojtjen nga Diskriminimi
Z. Bledi Taho- Institute of Romani Culture in Albania - IRCA
Z. Adriatik Hasantari - Roma Active Albania
Znj. Meleqe Rrenja – Edukimi dhe gratë Rome
Znj. Manjola Veizi Baxtali Romni - Shërbime ligjore për gratë dhe vajzat Rome
Znj. Fatmira Dajlani – Histori suksese, gruaja Rome në komunitet
Zj. Siljana Hyseni - Gratë rome si faktor kryesorë për të luftuar racizmin ndaj Romëve
Shumë vleresime dhe mirënjohje për gjithë pjesëmarrësit dhe kontribuesit në realizimin e këtij kongresi!
🙏🙏🙏🙏🙏🙏🙏🙏🙏🙏🙏🙏🙏🙏🙏
