Grand Lodge of Albania

11/10/2026

09/10/2026

🇦🇱 🇬🇧 LAJM I JASHTËZAKONSHËM PËR MASONERINË SHQIPTARE!

Lozha e Madhe e Shqipërisë (LMSH) në Londër!

Një moment i rëndësishëm për Masonerinë e rregullt shqiptare është pjesëmarrja e Lozhës së Madhe të Shqipërisë në mbledhjen e EGSC 2026, që po zhvillohet në Londër, në ambientet madhështore të Tempullit të Madh të UGLE (Lozha e Madhe e Bashkuar e Anglisë)

Kjo pjesëmarrje përfaqëson një tjetër hap domethënës në forcimin e marrëdhënieve vëllazërore, zgjerimin e bashkëpunimit ndërkombëtar dhe promovimin e vlerave universale të Masonerisë:
Liri, Barazi, Vëllazëri!

07/10/2026

Rikthehet ”Akademia Masonike Universale“ nën kujdesin e Lozhës së Madhe të Shqipërisë.

06/10/2026

🇦🇱🤝🇬🇪
Lozha e Madhe e Shqipërisë në Komunikimin Vjetor të Lozhës së Madhe të Bashkuar të Gjeorgjisë

Me kënaqësi dhe nder, delegacioni i Lozhës së Madhe të Shqipërisë (LMSH) mori pjesë në Komunikimin Vjetor të Lozhës së Madhe të Bashkuar të Gjeorgjisë.

Kjo vizitë ishte gjithashtu një mundësi e çmuar për njohje të reja dhe kontakte të ndërsjella me Lozha të Mëdha nga vende të ndryshme, duke hapur rrugën për bashkëpunime dhe marrëdhënie të reja në të ardhmen.

LMSH shpreh mirënjohjen për mikpritjen e ngrohtë dhe vëllazërore të vëllezërve të Lozhës së Madhe të Bashkuar të Gjeorgjisë.

Vëllazëria nuk njeh kufij.
Liri • Barazi • Vëllazëri
Grand Lodge of Albania

23/09/2026

🇦🇱 🇮🇹
Një delegacion i Lozhës së Madhe të Shqipërisë (LMSH), i kryesuar nga Mjeshtri i Madh, mori pjesë në Komunikimin e Jashtëzakonshëm të Grande Oriente d’Italia (GOI), zhvilluar në Romë.

Kjo pjesëmarrje përfaqëson një tjetër dëshmi të marrëdhënieve të ngushta dhe miqësore që lidhin LMSH me institucionet masonike ndërkombëtare, si dhe të angazhimit të vazhdueshëm të Lozhës së Madhe të Shqipërisë në forcimin e dialogut, bashkëpunimit dhe vëllazërisë ndërmjet Obediencave të Rregullta.

https://www.facebook.com/share/1DozrxFC2E/?mibextid=wwXIfr

Dopo 26 anni la Gran Loggia del Grande Oriente d’Italia – Palazzo Giustiniani torna a Roma al Cavalieri Waldorf Astoria hotel. La Gran Loggia Straordinaria riunirà nella capitale i rappresentanti della Comunione provenienti da tutta Italia per uno dei principali momenti della vita dell’Istitu...

22/09/2026

🇦🇱🤝🇵🇹
Me rastin e Annual Communication, Sekretari i Madh i Lozhës së Madhe të Shqipërisë (LMSH) zhvilloi një vizitë në Portugali, duke përfaqësuar LMSH në këtë ngjarje të rëndësishme të jetës masonike ndërkombëtare.

Një tjetër dëshmi e marrëdhënieve të mira dhe e bashkëpunimit vëllazëror mes Lozhës së Madhe të Shqipërisë dhe vëllezërve të Portugalisë.

Takime, miqësi dhe shkëmbim përvojash që forcojnë lidhjet mes Vëllazërive tona dhe kontribuojnë në zhvillimin e marrëdhënieve ndërkombëtare të LMSH.
.al Lodge of Albania
.al

22/09/2026

Me rikthimin e punimeve të Lozhës Detyrat e Lashta në gjirin e Lozhës së Madhe të Shqipërisë, vijojmë rrugëtimin tonë me përkushtim ndaj traditës, vëllazërisë dhe parimeve tona.

Në këtë punim të veçantë, patëm edhe nderin të mirëpresim dhe të shoqërojmë inicimin e një neofiti, i cili nisi udhëtimin e tij të ri në rrugën masonike.

Një moment i rëndësishëm për të, për Lozhën dhe për vazhdimësinë e traditës sonë.
.al

12/09/2026

🇦🇱 🇺🇸 Vëllazëria përtej kufijve

Falë marrëdhënieve të shkëlqyera dhe miqësisë së konsoliduar që Lozha e Madhe e Shqipërisë (LMSH) ka ndërtuar me Lozhat e Shteteve të Bashkuara të Amerikës, vëllezërit e LMSH kanë privilegjin të marrin pjesë në punimet e tyre me një ndjenjë të veçantë vëllazërie, respekti dhe përkatësie.

Foto nga “Cypress Masonic Lodge 295” Naples, Florida ku për herë të parë Mjeshtër i Nderuar “Worshipful Master”i kësaj lozhe zgjidhet nje vëlla nga Shqipëria

Në çdo Tempull amerikan ku kemi pasur nderin të jemi të pranishëm, jemi pritur jo si të huaj, por si vëllezër që kthehen në shtëpi.

01/08/2026

Me ftesë zyrtare, Mjeshtri i Madh i Lozhës së Madhe të Shqipërisë po merr pjesë në ceremonitë solemne të organizuara me rastin e 250-vjetorit të Lozhës së Madhe të Uashington D.C., një ngjarje madhore që shënon një çerek mijëvjeçari traditë, histori dhe përkushtim ndaj idealeve të Masonerisë së rregullt.

Gjatë këtij takimi, Mjeshtri i Madh i Lozhës së Madhe të Shqipërisë zhvilloi një takim vëllazëror me Vëllain Jonathon Spence, Pro Grand Master të Lozhës së Madhe të Bashkuar të Anglisë (UGLE), duke shkëmbyer mendime mbi rëndësinë e ruajtjes së traditës, vlerave dhe parimeve të Masonerisë së rregullt në botën bashkëkohore.

Lozha e Madhe e Uashington D.C. mbart një trashëgimi të veçantë në historinë e Shteteve të Bashkuara të Amerikës. Që nga periudha e themelimit të Republikës Amerikane, shumë prej figurave të rëndësishme të kohës ishin të lidhura me Masonerinë, përfshirë George Washington, i cili shërbeu si Presidenti i parë i Shteteve të Bashkuara dhe një figurë simbolike e lidhjes mes idealeve të lirisë, përgjegjësisë qytetare dhe ndërtimit institucional.

Një nder për Lozhën e Madhe të Shqipërisë të jetë pjesë e këtij momenti të jashtëzakonshëm historik.