Programi Social

07/04/2026

09/02/2026

09/01/2026

Gjatë këtyre viteve të zbatimit të projekteve me gra dhe vajza, kemi qenë dëshmitarë të forcës, motivimit, kurajos, talentit dhe vendosmërisë së tyre për të ndryshuar jetën dhe për të ecur përpara.
Ndaj, jemi të lumtur që po vazhdojmë mbështetjen tonë të rradhës për 100 gra dhe vajza në qytetet e Lezhës Kryqi i Kuq Shqiptar,Dega Lezhe dhe Korçës Kryqi i Kuq Shqiptar, Dega Korçë përmes projektit “Fuqizimi i grave përmes trajnimit profesional”.
Ky projekt i ri synon fuqizimin e tyre përmes trajnimit profesional 6-mujor në fushën e rrobaqepsisë, trajnimeve për punësim, mbështetjes psikosociale, ndërgjegjësimit mbi dhunën si dhe forcimit personal, duke u hapur rrugën për pavarësi ekonomike dhe integrim të plotë.
Projekti zhvillohet në partneritet me Kryqin e Kuq Austriak dhe mundësohet me mbështetjen e Bashkisë së Vjenës.

Siç thotë Maya Angelou: “Çdo herë që një grua ngrihet për veten e saj, njëkohësisht ajo flet dhe qëndron në mbrojtje të të gjitha grave.”

18/12/2025

Sot është Dita Ndërkombëtare e Migrantëve. Asnjë qenie njerëzore nuk është e paligjshme. Shpëtimi i jetëve është një detyrim humanitar, në det, në tokë dhe kudo tjetër. Askush që largohet nga lufta, konfliktet apo persekutimi nuk duhet të përballet me vdekje, lëndime apo keqtrajtim.
Mbi 160 ekipe të Kryqit të Kuq dhe Gjysmëhënës së Kuqe në të gjithë globin ofrojnë çdo vit mbështetje për miliona migrantë dhe refugjatë.