02/08/2026
🏊🇦🇱🇽🇰Kupa Përkujtimore Ndërkombëtare “Agron Ismailati 2026” mblodhi në Durrës sportistë nga klubet e Shqipërisë dhe Kosovës, në një aktivitet që nderon kujtimin e një prej figurave të shquara të notit shqiptar dhe promovon vlerat e sportit.
Presidenti i Federatës Shqiptare të Notit, Agim Çiraku, vlerësoi nivelin e garave dhe pjesëmarrjen e sportistëve, duke e konsideruar këtë aktivitet një ndër ngjarjet më të rëndësishme të kalendarit vjetor të federatës.
I pranishëm në aktivitet ishte edhe Presidenti i Komitetit Olimpik Kombëtar Shqiptar, Fidel Ylli, i cili theksoi rëndësinë e organizimit të veprimtarive që ruajnë dhe përcjellin trashëgiminë e personaliteteve të sportit shqiptar, duke frymëzuar brezat e rinj përmes shembujve të tyre.
Me pjesëmarrje të gjerë të sportistëve, trajnerëve, sportdashësve dhe mediave, ky aktivitet konfirmoi edhe një herë rolin e sportit si urë bashkëpunimi, edukimi dhe bashkimi mes komuniteteve.
